¹ . تے سارہ دی عمر اک سو ستائی ورے ہوئی ۔ سارہ دی زندگی دے اینے ای ورے سن۔ ² . تے سارہ قربت اربع وچ فوت ہوئی ۔ اے کنعان وچ وے جنوں حبرون وی کہندے نے ۔ تے ابراہام سارہ لئی ماتم تے دکھ کرن لئی اوتھے گیا۔ ³ . فیر ابرہام معیت دے کولوں اٹھ کے بنی حت نال گلاں کرن لگ پئیا تے آکھیا پئی ۔ ⁴ . میں تہاڈے وچ پروہنڑا تے غریب ہاں ۔ مینوں تسی اپنے قبرستان وچ تھاں دے دیو تاں جے میں اپنیاں اکھاں دے سامنے اپنے مردے نوں دفن کر سکاں ۔ ⁵ . تد بنی حت نے ابرہام نوں جواب دتا پئی ۔ ⁶ . اے خداوند ساڈی سن توں ساڈے وچ ڈاڈا سردار ویں۔ تے ساڈیاں قبراں وچوں جیہڑیساریاں توں چنگی ہوئے اوہدے وچ توں اپنے مردے نوں دفن کر۔ ساڈے وچوں کوئی وی انج دا نئی وے جیہڑا تہانوں منع کر سکے کہ فیر توں اپنا مردو دفن نہ کر سکیں۔ ⁷ . ابرہام اٹھ کے بنی ہیت دے اگے جیہڑے اوس ملک دے لوک سن، چکیا ۔ ⁸ . تے اوہناں نال گل کیتی پئی جے تیہاڈی مرضی ہوئے پئی میں اپنے مردے نوں اپنیاں اکھاں دے سامنے توں ہٹا کے دفن کر دواں تےفیر میری منت سنو تے صحر دے پتر عفرون اگے میری منت کرو۔ ⁹ . پئ یجیہڑی مکفیلہ دی غار جیہڑی اودہی وے نالے اوہدے کھیت دے نکر تے وے اوہدا سارا مول لے کے مینوں دے دوے تان جے اوہ قبرستان تیہاڈے وچ میری ملکیت ہو جاوے۔ ¹⁰ . تے عفرون بنی ہیت دے وچ کار بیٹھا سی۔ تد عفرون حتی نے بنی حت دے سامنے تے اوہناں لوکاں دے وچ کار جیہڑے شہر دے بوہے توں اندر آندےپئے سن ابراہام نوں جواب دتا۔ ¹¹ . پئی ساڈے خداوند اے انج نئی ہوئے گا جد کہ ساڈی سنو ، میں اےکھیت تہانوں دینا ہاں تے اوہ غار وی جیہڑی اوہدے وچ وے میں تہانوں دینا ہاں۔ تے اے میں اپنی قوم دے سامنے تہانوں دیناں ہاں تے تسی اپنے مردے نوں دفن کرو۔ ¹² . تد ابرہام اوس ملک دے لوکاں دے سامنے جھکیا ۔ ¹³ . فیر اوہنے نے اوس ملک دے لوکاں نوں سندے ہوئے عفرون نوں آکھیا جے توں مینوں دینا ای چاہنا ویں تے میری سن۔ میں تینوں ایس کھیت دا مول دواں گا۔ اے توں میرے کولوں لے لے تے فیر میں اپنے مردے نوں دفن کراں گا۔ ¹⁴ . عفرون نے ابرہام نوں جواب دتا۔ ¹⁵ . اے میرے خداوند میری گل سن۔ اے زمین چاندی دے چار سو مثقال دی اے تے کی میرے تے تیرے وچ اے وے ؟پئی توں اپنا مردہ دفن کر لے۔ ¹⁶ . تے ابرہام نے عفرون دی گل من لئی ۔ تے ابرہام نے عفرون نوں اونی ہی چاندی تول کے دتی جنی دا ذکر اوہنے پنی حت دے سامنے کیتا سی ۔ یعنی چاندی دی چارسو مثقال جیہڑی سوداگراں وچ رائج سی۔ ¹⁷ . تےعفرون دا اوہ کھیت جیہڑا مکفیلہ دے ممرے دے سامنے سی تے اوہ غار جیہڑی اوہدے وچ سی تے اوہ سارے درخت جیہڑے اوس کھیت وچتے اوہدے چارہ پاسے اوہدی حداں وچ سن ۔ ¹⁸ . اے سارے بنی حت تے اوہناں ساریاں لوکاں دے سامنے جیہڑے اوس شہر دے دروازے توں اندر آئے سن ابراہام دی خاص جاگیر کر دتی گئی۔ ¹⁹ . اوس توں مگر ابرہام نے اپنی کار والی سارہ نوں مکفیلہ دے کھیت دی غار دے وچ جیہڑی ملک کنعان دے ممرے یعنی حبرون دے سامنےوےدفن کیتا۔ ²⁰ . ایس لئی اوہ کھیت تے اوہ غار جیہڑی اوہدہے وچ سی بنی حت ولوں قبرستان لئی ابرہام دی ملکیت بنا دتی گئی۔