¹ . تےیقعوب اگے ٹر کے پورب دے لوکاں دےملک اپڑیا ۔ ² . تے اوہنے وکھیا پئی میدان دے وچ اک کھوں ہیگا اے۔ تے کھوں دے نیڑےبھیڈبکریاں دے تین اجڑ بیٹھے نے۔ کیوں جے پالے اوسے کھوں وچوں اجڑاں نوں پانی پیاندے سن۔ تے کھوہ دے منہ دے اگے اک وڈا پتھر پیا رہندا سی۔ ³ . تے جدوں سارے اجڑ اوتھے کٹھے ہوجاندے سن اودوں او پتھر کھوہ دے منہ اگوں پر اں کر دے تے بھیڈاں نوں پانی پیا کے فیر اوس پتھر نوں کھوہ دے منہ اگے دھر دیندے سن۔ ⁴ . اودوں یعقوب نے اوہناں نوں آکھیا اے میرے بھراو تسی کتھوں دے ہو؟ اوہناں نے آکھیاں اسی حارن توں ہاں۔ ⁵ . فیر اوہنے پوچھیا کہ تسی نحور دے پتر لابن نوں سیاندے او؟ اوہناں نے آکھیاں اسی سیان دے ہاں۔ ⁶ . اوہنے پوچھیا پئی کی اوہ چنگا بھلا وے؟ او ہناں نے آکھیا اوہ چھنگا بھلا وےتے اوہدی دھی راخل بھیڈ بکریاں دے نال ٹری آندی اے۔ ⁷ . تے اوہنے آکھیا ویکھو ہالے تے پوری دیاڑی پئی اے تے ڈنگراں دے کھٹے ہون دا ویلا وی نئی۔ تسی بھپیڈ اں تے بکریاں نوں پانی پیا کے چران لئی لے جاو۔ ⁸ . اوہنا ں آکھیا پئی اسی انج نئی کر سکدے جدوں تیکر سارے اجڑ کٹھے نہ ہو جان ۔فیر اسی اوس پتھرنوں کھوں دے منہ توں پاسے کراں گے تے اجڑ نوں پانی پیا واں گے۔ ⁹ . اوہ اوہناں دے نال گلاں کر ہی ریا سی تے راخل اپنے پیو دے اجڑ نال آ گئی کیوں جے او ہ اوہناں نوں چرایا کر دی سی ۔ ¹⁰ . جدوں یعقوب نے اپنے مامے لابن دی دھی راخل نوں تے اپنے مامے لابن دے اجڑ نوں وکھیا تے اوہ کول گیا تے پتھر نوں کھوں دے منہ توں پاسے کیتا تے اپنے مامے لابن دے اجڑ نوں پانی پیا یا ۔ ¹¹ . تے یعقوب نے راخل نوں چومیا تے اچی اچی رویا ۔ ¹² . تے یعقوب نے راخل نوں دسیا پئی میں تیرے پیو دا ساک تے ربقہ دا پتر ہاں ۔ تد اوہنے نٹھ کے اپنے پیو نوں سنیا دتا ۔ ¹³ . لابن اپنے بھنیوے دا سن کے اپنے بھنیوے نوں ملن لئی نٹھیا آیا تے اوہنوں اپنے گل نال لا کے چومیا تے اپنے کار لے گیا ۔ فیر اوہنے لابن نوں سارا حال دسیا ۔ ¹⁴ . لابن نے اوہنو ں آکھیا پئی توں واقع میری ہڈی تے میرا گوشت وئیں ۔ تے اوہ اک مہینہ اوہدے نال رہیا۔ ¹⁵ . فیر لابن نے یعقوب نوں آکھیا پئی کیوں جے تو میرا بھانجہ ویں تے کی ایس لئی ضروری وے توںمفت میری سیوا کریں؟ سو توں دس پئی تیری مزدوی کی ہووے گی ؟ ¹⁶ . تے لابن دیاں دو دھیاں سن ۔ پلوٹھی دا ناں لیاہ تے نکی دا ناں راخل سی ۔ ¹⁷ . لیاہ دیاں اکھاں چونیاں سن پر راخل جوان تے سوہنی سی ۔ ¹⁸ . تے یعقوب راخل نوں پسند کردا سی۔ سو اوہنے آکھیا پئی تیری نکی دھی راخل دے لئی میں ست ورہے تیری سیوا کراں گا۔ ¹⁹ . لابن نے آکھیا پئی ایہنوں کسے اوپرے نوں دین توں چنگا اے پئی میں تینوں ای دواں۔ توں میرے کول ای رہ۔ ²⁰ . تےفیریعقوب ست ورہیاں تیکر راخل دی سیوا کر دا رہیا۔ پر اوہ اوہنوں راخل دے چاہ وچ کجھ دیہاڑیاں وانگ لگے ۔ ²¹ . تے یعقو ب نے لابن نوں آکھیاپئی میرا ویلہ پورا ہو گیا وے۔ایس لئی میری کار والی مینوں دے تاں جے میں اوہدے کول جاواں۔ ²² . فیر لابن نے اوتھوں دے ساریاں لوکاں نوں سد کے کٹھا کیتا تے اوہناں دی دعوت کیتی ۔ ²³ . تے فیر جدوں شام پئی تے اپنی دھی لیاہ نوں اوہدے کول لے آیا ۔ تے یعقوب اوہدے نال ستا ۔ ²⁴ . تے لابن نےاپنی لونڈی ذلفہ اپنی دھی لیاہ دے نال ٹور دتی پئی اوہدی لونڈی ہووے ۔ ²⁵ . جدوں سویرے پتا لگیا پئی اے تے لیاہ وے تد اوہنے لابن نوں آکھیا پئی توں میرے نال اے کی کیتا ؟ کی میں جیہڑ ی تیری سیوا کیتی او ہ اخل دے لئی نئی سی؟ فیر توں کیوں مینوں توکھا دتا۔ ²⁶ . لابن نے آکھیا پئی ساڈے دیس دی اے ریت نئی پئی پہلوٹھی توں پہلاں نکی نوں ویاہ دئیے۔ ²⁷ . توں ایہدا ہفتہ پورا کر تے فیر اسی تینوں دجی وی دے دواں گے ۔ جدے لئی توںست ورہے میری سیوا کتی۔ ²⁸ . یعقوب نے انج ای کیتا پئی لیاہ دا ہفتہ پورا کیتا فیر لابن نے اپنی دھی راخل وی اوہدے نال ویاہ دتی ۔ ²⁹ . تے اپنی لونڈی بلہاہ اپنی دھی راخل دے نال کر دتی پئی اوہدی لونڈی ہووے۔ ³⁰ . تے فیر اوہ راخل دے نال وی ستا تے اوہ لیا ہ تو ں ودھ راخل نوں چا ہندا سی تے ست ورے ہور نال رہ کے لابن دی سیوا کیتی ۔ ³¹ . تے جدوں خداوند نے و کھیا پئی لیاہ توں نفرت کیتی گئی اے ۔ تے اوہنے اوہدی کوک کھولی پر راخل بے اولاد رئی ۔ ³² . تے لیاہ ڈھڈ توں ہوئی ۔ تے اوہدا پتر ہویا جدا ناں اوہنے روبن رکھیا ۔ کیوں جے اوہنے آکھیا پئی خداوند نے میرا دکھ وکھ لیا تے ہن میرا کار والا مینو پیار کریگا۔ ³³ . او فیر حاملہ ہوئی تے اوہدا پتر ہویا تے اوہنے آکھیا پئی خداوند نے ویکھیا پئی میرے توں نفرت کیتی گئی اے ۔ ایس لئی اوہنے اک ہور پتر دتا وے ۔ تے اوہنے اوہدا ناں شمعون رکھیا ۔ ³⁴ . تے اوہ فیر ڈھڈ توںہوئی تے اوہدا پتر ہویا تے اوہنے آکھیا پئی ایس وار میرے کار والے نوں میری چاہت ہووے گی ۔ کیوں جے اوہدے توں میرے تن پتر ہوئے نے ایس لئی اوہدا ناں لاوی رکھیا گیا ۔ ³⁵ . تے اوہ فیر ڈھڈ توں ہوئی تے اوہدا پتر ہویا۔تے اوہنے آکھیا پئی ہن میں خداوند دی وڈیائی کراں گی۔ ایس لئی اوہدا ناں یہوداہ رکھیا ۔ فیر اوہدے نیا نے ہون اچ واواہ چر لگیا۔