¹ . تے خداوند نے اپنے کہن وانگر سارہ تے نظر کیتی نالے اپنے واعدے وانگر سارہ نال کیتا۔ ² . تے سارہ امید چوں ہوئی تے اوسی ویلے تے جدا خدا نے آکھیا سی ابرہام دے لئی اوہدے وڈیر پن چہ پتر ہویا۔ ³ . تے ابرہام نے اپنے پتر دا ناں جیہڑا سارہ چوں ہویا اضحاق رکھیا۔ ⁴ . تے ابراہام نے خدا دے حکم دے وانگوں اپنے پتر اضحاق دا ختنہ اودوں کیتا جدوں اوہ اٹھاں دیہاڑیاں دا ہویا۔ ⁵ . تے جدوں اوہداپتر اضحاق اوہدے توں جمیااودوں ابرہام سو ورہیاں دا سی۔ ⁶ . تے سارہ نے آکھیا پئی خدا نے منوں خوشی دتی تے سارے سنن والے مرے نال رل کے خوشی منان گے۔ ⁷ . تے اے وی آکھیا بھلا کوئی ابرہام نوں کے سکدا سی پئی سارہ منڈے نوں دودھ پیائے گی؟کیوں جے اوہدے توں اوہدے وڈیر پن اچ میرا پتر ہویا۔ ⁸ . تے منڈا وڈا ہویا تے اوہدا دودھ چھڈایا گیا تے اضحاقدے دودھ چھڈن دے دیہاڑے ابرہام نے وڈی دعوت کیتی۔ ⁹ . تے سارہ ویکھیا پئی ہاجرہ مصری دا پترجیہڑا ابرہام چوں ہویا سی مخول کرداا ے۔ ¹⁰ . تد اوہنے ابرہام نوں آکھیا پئی اس لونڈی تے اوہدے پترنوں کڈ دے کیوں جے اس لونڈی دا پتر میرے پتر دے نال وارث نہ ہوئے گا۔ ¹¹ . پر ابرہام نوں اوہدے پتر دی وجہ توں اے گل بوہت بھیڑی لگی۔ ¹² . تے خدا نے ابرہام نوں آکھیا پئی تینوں ایس منڈے تے اپنی لونڈی دی وجہ بھیڑا نہ لگے۔جو کجھھ سارہ آکھدی اے توں اوہدی گل من کیوں جے اضحاق توں تیری نسل دا ناں ترے گا۔ ¹³ . تے اوس لونڈی دے پتر توں وی میں اک قوم پیدا کراں گا۔ ایس لئی پئی اوہ تیری نسل وے۔ ¹⁴ . فیر ابرہام نے تڑکے ویلے اوٹھ کے روٹی تے پانی دی اک مشک لئی تے اوہ ہاجرہ نوں دتی جد کے اوہنوں اوہدے موڈے تے تر دتی تے منڈے نوں وی اوہدے ہوالے کر کے اوہناں نوں تور دتا ۔ تے اوہ تر گئی تے بیر سبع دے اجاڑ اچ آوارہ پھرن لگ پئی۔ ¹⁵ . تے جدوں مشک دا پانی مکیا تے اوہنے منڈے نوں اک چھاڑی تھلے پا دتا۔ ¹⁶ . تے آپی اوہدے سامنے اک تیر دے ٹبے تےدور جا کے بے گئی تے کہن لگی پئی میں ایس منڈے دا مرنا تے نہ ویکھاں۔ تے اوہ اوہدےسامنے بے گئی تے چیخ چیخ کے رون لگ پئی۔ ¹⁷ . تے خدا نے اوس منڈے دی واج سنی تے خدا دے فرشتے نے ہاجرہ نوں اسمان توں بلایا تے آکھیا پئی ہاجرہ تینوں کی ہویا؟ نہ کابر کیوں جے خدانے ایس جگہ توں جتھے اوہ منڈا پئیا وے اوہدی واج سن لئی اے۔ ¹⁸ . اٹھ تے منڈے نوں چک تے اوہنوں اپنے ہتھ نال سانب کیوں جے میں اوہنوں اک وڈی قوم بناواں گا۔ ¹⁹ . فیر خدا نے اوہدیاں اکھاں کھولیاں تے اوہنے پانی دا اک کھوں ویکھیا تے جا کے مشک نو ں پانی نال بھر لیائی تے منڈے نوں پیائیا۔ ²⁰ . تے خدا اوس منڈے دے نال سی تے اوہ وڈا ہویا تے اجاڑ اچ رہن لگ پئیا تے تیر انداز بنیا۔ ²¹ . تے اوہ فاران دے اجاڑ اچ رہندا سی تے اوہدی ماں نے مصر دے ملک چوں اوہدے لئی کاروالی لئی۔ ²² . فیر اوس ویلے انج ہویا پئی ابی ملک تے اوہدے لشکر دے سردار فیکل نے ابرہام نوں آکھیا پئی ہر کم اچ جیڑاتوں کرنا ائیں خدا تیرے نال وے۔ ²³ . ایس لئی تینوں ہن رب دی سوہ وے پئی توں نہ میرے نال تے نہ میرے پتر نال تے نہ ہی میرے پوترے نال توکھا کریں گا جد کے جیہڑی میربانی میں تیرے تے کیتی وے اونج ای توں وی میرے تے میرے ملک تے جتھے توں رئیا ایں کریں گا۔ ²⁴ . اودوں ابرہام نے آکھیا میں قسم کھاواں گا۔ ²⁵ . تے ابرہام نے پانی دے اک کھوں دی وجہ توں ابی ملک نوں چڑکئیا جیڑا اوہدے نوکراں زبردستی کھو لئیا سی۔ ²⁶ . ابی ملک نے آکھیا پئی منوں نئی پتا کنے اے کم کیتا وے تے توں وی مینوں نئی دسیا تے نہ ای ایدے بارے اچ میں کدی پہلاں کجھھ سنیا وے ۔ ²⁷ . فیر ابرہام نے بھیڈ تے بکریاں تے گائیاں تے بیل لے کے ابی ملک نوں دتے تے دوناں آپس اچ عہد کیتا۔ ²⁸ . تے ابرہام نے بھیڈ دے ست مادہ بچے لے کے وکھرے کیتے۔ ²⁹ . تے ابی ملک نے ابرہام نوں آکھیا پئی بھیڈ دے ایناں ست مادہ بچیاں نوںوکھرے رکھن توں تیرا کی مطلب وے؟ ³⁰ . اوہنے آکھیا پئی اے بھیڈ دے ست مادہ بچیاں نوں توں میرے ہتھوں لے تاں جے اوہ میرے گواہ ہون پئی میں اے کھوں کھودیا۔ ³¹ . ایس لئی اوہنے اوس تھاں دا ناں بیر سبع رکھیا کیوں جے اوتھے اوہناں دواں سوہ منگی۔ ³² . تے اوہناں بیر سبع اچ عہد کیتا ۔ فیر ابی ملک تے اوہدے لشکر دا سردار فیکل دوئیں کھلوتےتے فلستیاں دے ملک نوں مڑ گئے۔ ³³ . اودوں ابرہام نے بیر سبع اچ جھاو دا اک درخت لایا تے اوتھے اوہنے خداوند توں جیہڑا ابدی خدا وے دعا منگی۔ ³⁴ . تے ابرہام بتھیرے دیہاڑیاں تیکر فلستیاں دے ملک چہ رہیا۔