¹ . تے ابرہام اوتھوں اْتر دے ملک ول ٹریا تے قادس تے شور دے وچ رکیاتے جرار وچ رئیا۔ ² . تے ابراہام نے اپنی کار والی دے بارے وچ آکھیا پئی اوہ میری پیئن وے تے جررار دے بادشاہ ابی ملک نے سارہ نوں سد لئیا۔ ³ . پر راتی خدا ابی ملک دے کول سفنے چہ آیاتے اوہنوں آکھیا پئی توں ایس عورت دی وجہ توں جنوں توں لئیا وے مرئیں گاکیوں جے اے مرد والی اے۔ ⁴ . پر ابی ملک نے اوہدے نال کجھھ مندا نئی سی کیتا تے اوہنے آکھیا اے خداوند کی توں بھلی قوم نوں وی مارئیں گا؟ ⁵ . کی اوہنے آپی منوں نئی کئیا پئی اے میری پئین وے ؟ تے اوہ آپی وی ایہی کہندی سی پئی اوہ میرا پراوے۔میں تے اپنے سچے دل پاکیزہ ہتھاں نال اےکیتا وے۔ ⁶ . تے خدا نے اوہنوںسفنے اچ آکھیا ہاں منوں پتا وےپئی توں اپنے سچے دل نال اے کیتا تے میں وی تینوں روکیا پئی توں میرا گناہ نہ کریں ایس لئی میں تینوں اوہنوں ہتھ نئی لان دتا۔ ⁷ . ہن توں اوس مرد دی کار والی ناں موڑ دے کیوں جے اوہ نبی وے تے اوہ تیرے لئی دعا منگے گا تے توں جیوندا روئیں گا۔ پر جے توں اوہنوں نہ موڑئیں توں جان لیہ پئی توں تے جنےتیرے نیں سارے مرن گے ۔ ⁸ . اودوں ابی ملک نے تڑکے ویلے اٹھ کے اپنے سارے نوکراں نوں سدیا تے اوہناں ساریا نوں اے گلاں سنائیاں ۔ اودوں اوہ لوک واہوا کابر گئے۔ ⁹ . تے ابی ملک نے ابرہام نو ں سد کے اوہنوں آکھیا توں اے ساڈے نال کی کیتا وے ؟ تے میرے توں تیرا کیڑا قصور ہویا وے پئی توں میرے تے میری قوم اتے ایڈی وڈی بدی لیائے؟توں میرے نال اوہ کم کیتے جناں دا کرنا مناسب نہیں سی۔ ¹⁰ . ابی ملک نے ابرہام نوں اے وی آکھیا پئی توں کی سمجھ کے اے گل کیتی؟ ¹¹ . ابرہام نے آکھیا پئی میرا خیال سی پئی خدا دا خوف ایس تھاں تے ماسا کو وی نئی ہوئے گاتےاوہ منوں میری کاروالی دی وجہ توں مار دیئن گے۔ ¹² . تے اصل اچ اوہ میری پیئن وی اے کیوں جے اوہ میرے پیو دی تی وے پر میری ماں دی دھی نئی ۔فیراوہ میری کار والی ہوئی۔ ¹³ . تے جدوں خدا نے منوں میرے پیو دے کار چوں بار کیتا تے میں اوہنوں آکھیا پئی میرے تے تیری اے مہربانی ہوئے گی پئی جتھے وی اسی جائیے نوں میرے بارے اچ ایہی کوئیں پئی اے میرا پراوے۔ ¹⁴ . اودوں ابی ملک نے بھیڈ بکریاں تے گائیاں تے بیل تے غلام تے لونڈیاں ابراہام نوں دتیاں تے اودی کار والی سارہ نوں وی اوہنوں موڑ دتا۔ ¹⁵ . تے ابی ملک نے آکھیا پئی ویکھ میرا ملک تیرے سامنے وے ۔ جتھے دل کرے رہ۔ ¹⁶ . تے اوہنے سارہ نوں آکھیا پئی ویکھ میں تیرے پرا نوں چاندی دے ہزار سکے دتے نے ۔ اوہ اوہناں ساریاں دے اگے جیہڑے تیرے نال نے تیرے لئی اکھ دا پردہ وے تے ساریاں دے اگے تیر ی وڈیائی ہوئے گی۔ ¹⁷ . اودوں ابرہام نے خدا توں دعا کیتی تے خدا نے ابی ملک تے اودی کار والی تے اودیاں لونڈیاں نوں چنگا کیتا تے اوہناں دی اولاد ہون لگ پئی۔ ¹⁸ . کیوں جے خدا نے ابرہام دی کاروالی سارہ دی وجہ توں ابی ملک دے خنوادےوچوں ساریاں دی کوک بند کر دتی سی۔