¹ ۱۔خداوند دا کلام میرے اُتے اُتر یا ۔ ² ۲۔اے آدمزاد اپنا مُکھ اسرائیل دے پہاڑاں وَل کر کے ایہناں دے خلاف نبوت کر ۔ ³ ۳۔تے آکھ ۔اے اسرائیل دے پہاڑو ! رَب خداوند دا کلام سُنو ۔رَب خداوند پہاڑاں تے پہاڑیاں تے ٹبیاں تے وادیاں نُوں ایہہ آکھ دا اے کہ میں تیرے اُتے تلوار چلا واں گا تے تُہاڈیاں اُچیاں تھاواں نُوں وی ڈھا دیواں گا ۔ ⁴ ۴۔تُہاڈے مذبحے ڈھا دِتے جان گے تے جتھے تُسی لوبان پُخاندے او۔اوہ قربان گاہنواں وی ڈھا دیتاں جان گئیاں تے میں تہاڈے لوکاں نوں ،تہاڈے بُتاں دے اگے جانو ای مار دیواں گا ۔ ⁵ ۵۔میں بنی اسرائیل دیاں لاشاں اوہناں دے بُتاں دے اگے سُٹ دیواں گا تے تُہاڈی ہڈیاں نُوں تہاڈیاں قر بان گاہواں دے آ لے دوالے کھلا ر دیواں گا ۔ ⁶ ۶۔تُہاڈے وسدے شہر سُنجے ہو جان گے تے اُچیاں تھاواں وی ڈھا دیتیاں جان گئیاں کیو ں جو تُہاڈیاں قربان گاہواں سُنجیاں تے اُجاڑ بن جان گئیاں ۔تہاڈے بُت بھن دِتے جان گے تے اوہناں دی سُو وی نئیں لگے گی ۔تُہاڈیاں لوبان پخان والیاں قر بان گاہواں وی بھن دیتیاں جان گئیاں تے جیہڑیاں تھاواں تُسی بنایاں نیں اوہ مُک جان گئیاں ۔ ⁷ ۷۔تُہاڈے لوک تُہاڈے وچ مرے پئے ہون گے تے تُسیں جان لوگے پئی میں ای خداوند آں۔ ⁸ ۸۔پر میں کُجھ لوکاں نُوں بچا کے رکھاں گا کیوں جو تُہاڈے وچوں کُجھ لوک جیہڑے دُوجے دیساں تے قوماں وچ کھلر جان گے تلوار توں بچ جان گے ۔ ⁹ ۹۔فیر جیہڑے ہور قوماں دی غُلامی وچ چلے گے ہون گے تے ایس طرحاں بچ جان گے اوہ مینوں یاد کرن گے ۔کیو ں جو کس طرحاں اوہناں دے زنا کار دِلاں نے جیہڑے میرے توں ہٹ گئے نیں تے اوہناں دیاں اکھاں نے جیہڑیاں بُتاں دے پچھے ای لگیاں رہندیاں سی مینوں دُکھی کیتا ۔اپنی بد کاری دے سببوں تے اپنیاں ناپاک حر کتاں دے سببوں اوہناں دا ضمیر اوہناں اُتے ملامت کرے گا ۔ ¹⁰ ۱۰۔تے اوہ جان لین گے پئی میں ای خداوند آں ۔کیوں جو میں ایویں نئیں دھمکایا سی ۔پئی میں اوہناں اُتے ایہہ آفت کلاں گا ۔ ¹¹ ۱۱۔رب خداوند نے انج آکھیا ،’’ اپنے ہتھ تے ہتھ مار کے تے اپنے پیراں دا زور لا کے آکھ ،بنی اسرائیل دیاں ساریاں شرارتی تے نفرتی ریتاں اُتے افسوس ! کیوں جے اوہ تلوار،کال تے وبا نال مارے جان گے ۔ ¹² ۱۲۔جیہڑا بوہت دُور اے اوہ وبا نال مرے گا تے جیہڑا نیڑے آ یا اوہ تلوار نال مرے گا تے جیہڑا جیوندا رہو ے گا تے اوہ بچ جاوے گا ۔اوہ کال نال مرے گا ۔ایسے طرحاں میں اپنا کرودھ اوہناں اُتے کلاں گا ۔ ¹³ ۱۳۔تے جدوں اوہناں دے لوک قتل ہو کے اوہناں دے بُتاں دیاں قُربان گاہواں دے آسے پا سے ،ہر اُچی پہاڑی اُتے تے سارے پہاڑاں دے سراں اُتے ،ہرچھاں دین والا رُکھ تے سارے ہرے بھرے بلوط دے ہیٹھاں ،ایتھوں تک کہ ہر اوس تھاں اُتے جھتے اوہ اپنے بُتاں دے لئی خوشبوواں والے لُبان پخاندے نیں ،کھلرے پئے ملن گے ۔تدھ اوہ جانن گے پئی میں ای خداوند آں ۔ ¹⁴ ۱۴۔تے میں اپنا ہتھ اوہناں دے خلاف ودھاواں گا تے اُیس نُوں ویرانیاں توں لے کے دِبلہ تک ،جھتے جھتے اوہ وسدے نیں ،اُجاڑ تے سُنجیاں کر دیواں گا ۔تدھ اوہ جانن گے پئی میں ای خداوند آں ۔