¹ ۱۔ ہون اے آدمزاد اِک تیز لگی ہوئی تلوارتےنائی دے اُسترے ونگ اوہدے نال اپنا سر تے داڑھی منڈا تے فیر تکڑی وچ والاں نوں تول دے تے اوہدے حصے کر۔ ² ۲۔ جدوں تیرے گھیرے دے دن مُک جان تے تُو تیجے حصے دے وال شہر دے وچ ساڑ دئیں۔تےتیجے حصےتلوار نال شہرچ چاروں پاسوں کھلار دئیں تیجا حصہ ہوا وچ اُڑا دئیں تے میں تلوار لے کےاوہناں دا پیچھا کراں گا۔ ³ ۳۔ پر تُو اِک مُٹھ وال لے کے اہنوں اپنے گلمے وچ لُکا لے ۔ ⁴ ۴۔فیر اوہناں وچوں وی کجھ وال لے کے ساڑ دیئں اوتھوں اگ فیر اسرایئل دے سارے ٹبر وچ پھیل جائے گی۔ ⁵ ۵۔رب خُدا وند اینج فرماندا اے ۔ ایہی یروشلیم اے جہناں نوں میں دوجیاں قوماں وچ وسایا اے جیڑا چاروں پاسوں دوجے مُلکاں وچ گھیریا ہویا اے۔ ⁶ ۶۔تاں وی اونے اپنی شرارت نال میرے حکُماں تے آیئن دے خلاف اپنے چار چوفیرے دیاں قوماں تے مُلکاں توں وی ودھ کے نافرمانی کیتی ۔اونے میرے حُکم چھڈ دیتے۔تے میرے آئین تے نہ چلیا۔ ⁷ ۷۔ایس کر کے خُداوند خُدا اینج فرماندا اے ۔ تُو چار چوفیرے قوماں ویچوں بہتا جگڑالُو بنیا تے میرے آیئن دی پیروی وی نہ کیتی تے نہ میرے حُکماں تے عمل کیتا ۔سگوں آسے پاسے دیاں قوماں دے اصُولاں تے وی نہ چلیا۔ ⁸ ۸۔ایسے لئی خُداوند خُدا اینج فرماندا اے ۔اے یروشلیم میں آپ تیرا ویری آں ۔تے دُجیاں قوماں دیاں اکھاں دےسامنے تینوں سزا دواں گا۔ ⁹ ۹۔تیرے سارے بھیڑے جھوٹے بُتاں دی وجہ توں میں تیرے نال اینج دا سلُوک کراں گا جینج پہلوں کدی نہ کیتا تے نہ ای کدی کراں گا۔ ¹⁰ ۱۰۔ایسےلئی تیرے وچوں ای پیو بالاں نوں تے بال اپنے پیوواں نوں کھا جان گے۔میں تینوں سزا دواں گا۔تے تیرے باقی بچے ہوے لوکاں نوں میں ہوا دے وچ تِتر بِتر کردواں گا۔ ¹¹ ۱۱۔ایسے لئی خُداوند خُدا فرماندا اے۔مینوں اپنی سو نہہ دی قسم توں اپنی بھڑیاں جھوٹیاں مُورتیاں توں میرے گھر نوں ناپاک کیتا ااے۔میں آپ تینوں بےعزت کراں گا۔تے نہ ہی تیرے تے رحم کراں گا۔نا میں تیرے نال کسی قسم دی ڈھیل کراں گا۔ ¹² ۱۲۔تیرے وچ تیرے تیجے حصے دے لوگ وبا نال مر جان گے یا کال نال مر جان گے تے تیجے حصے دےلوگ تیری چاردواری توں بار تلوار نال مر مک جان گےتے تیجے حصے دے لوکاں نوں او وچ کھلاردواں گا تے تلوار پھڑ کےاوہناں دا پیچھا کراں گا۔ ¹³ ۱۳۔فیر میرا غصہ ٹھنڈا ہوے گا۔تے اوناں دے خلاف میرا غصہ گھٹ ہوے گا تے اینج میں اپنا بدلا لواں گا۔تے جدوں میں اپنا غصہ اونہاں تے بھڑ کاواں گا تد اونہاں نوں پتہ چل جائے گا۔میں خُداوند نے ای غیرت وچ اے کیتا سی۔ ¹⁴ ۱۴۔تے میں تینوں تیرے آسےپاسے دی قوماں دے وچ تے اُدروں لنگدے ہوے سارے لوکاں دی اَکھاں دے اگے ویران کراں گا تے مندا کراں گا۔ ¹⁵ ۱۵۔جدوں میں تینوں چوکھے غصے وچ ڈاڈی چڑک نال سزا دواں گا تد تُو آسے پاسے دی ملامت تے مخول دی وجہ بنےگا تے نالے عبرت تے حیرت دی تھاں بنے گا کیونکہ میں خُداوند نے اے فرمایا اے۔ ¹⁶ ۱۶۔جدوں میں تینو ں کال تے مار مکان والے تیراں دا نشانہ بناواں گا تد میں اوہناں تیراں نال ہلاک کراں گا میں ڈاڈے کال دی شدت نوں وداواں گا تے تیرا لنگر بند کرداں گا۔ ¹⁷ ۱۷۔میں کال تے جنگلی درندیاں نوں تہاڈے خلاف کلاواں گا جیڑے تینوں بےاولاد کرن گے وبا تے خون خرابے تہاڈے وچکار آن گے تے میں تلوار چلاواں گا ۔میں خُداوند نے ایہہ فرمایا اے۔