¹ ۱۔اے آدمزاد ! مٹی دی اک تختی لے تے اوہنوں اپنے اگے رکھ کے اوہدے اُتے یروشلیم دا نقشہ کھیچ۔ ² ۲۔فیرایہنوں کبیرایا یعنی اوہدے سامنے اک بر ج بنا ۔اوتھوں تک مورچے لا۔اوہدے دوالے تنبولاتے اوہدے دوالے قلع بنن والے منجنیق لادے ۔ ³ ۳۔فیر لوہے دا اک توا لے ۔فیر اوہنوں اپنے تے شہر دے وچکار کند دے طور تے گڈ دے ۔ تے اپنا منہ اوہدے وَل کر ۔ہُن جیویں اے شہر گھیرےوچ آگیا اے ہن توں گھیرن والا آکھوائیں گا ۔اے بنی اسرائیل لئی نشانی ہووے گی ۔ ⁴ ۴۔فیر توں اپنی کھبی وکھی پر نے لیٹ جا تے بنی دے گناہ اپنے اُتے رکھ لے ۔تے جینے دناں تک توں وکھی پر نے لیٹیا رہووے گا ۔اوہدوں تک توں اوہناں دے گناہواں دا بھار سہنیدا رہویں گا ۔ ⁵ ۵۔میں اوہناں دے گناہ کرن دے حساب نال تیرے لئی دن مقرر کیتے نیں ۔ایسی لئی توں ۳۹۰ دناں تک بنی اسرائیل دے گناہوں دا بھار چکیں گا ۔ ⁶ ۶۔تے جدوں اے دن پورے ہوجان تے فیر لیٹ جا ۔پر ہن سجی وکھی پرنے لیٹیں۔تے ہن بنی اسرائیل دا بھار چُک ۔میں سال پیچھے اک دن حساب ۴۰ دن مقرر کیتے نیں۔ ⁷ ۷۔اپنا منہ یروشلیم دے گھیرے ول کر تے اپنی بانہواں چُک کے اوہناں دے خلاف نبوت کر ۔ ⁸ ۸۔میں تینوں رسیاں دے نال بن دیاں گا ۔تاں جو توں گھیرے دا ویلا مکن تک پاسا نہ پرت سکیں ۔ ⁹ ۹۔توں کنک تے جو،سیم تے مسر،باجرہ تے کھٹیا کنک لے کے اک وڈے مر تبان وچ رکھ ۔ تے اپنے لئی اوہناں دیاں روٹیاں پکاتے اوہناں ۳۹۰ دناں تک پاسے پرنے پیا پیا کھا ویں ۔ ¹⁰ ۱۰۔تے توں ہر دن دے لئی ۲۰ روٹیاں دیاں مشقالا تول کے رکھ لئیں ۔تے اوہنو ٹھہرائے ہوئے ویلیاں وچ کھاند ا رہویں ۔ ¹¹ ۱۱۔تے اک پوا پانی مین کے رکھیں تے ٹھہرائے ہوئے ویلیاں تے پیوویں۔ ¹² ۱۲۔توں اپنی روٹی جو دیاں روٹیاں وانگ کھاویں تے لوکاں دیاں اکھاں دے سامنے انسان دے گوئے دی اگ نال پکائیں۔ ¹³ ۱۳۔خداوند نے آکھیا ایسے طرح پئی اسرائیل نوں اپنیاں قوماں وَل ہیک دیاں گا تاں جوں ناپاک روٹیاں کھان۔ ¹⁴ ۱۴۔فیر میں آکھیا انج نئیں ربا میں اپنے آپ نوں کدے پلیت نئیں کیتا۔جوانی توں اج تک کدی اجیہی شے نئیں کھا دی جیہڑی مر ی ہوئی یاں درندیاں دی پھاڑی ہوئی ہووے ناں ای کدی کوئی پلیت ماس میرے منہ وچ گیا اے ۔ ¹⁵ ۱۵۔فیر اوہنے آکھیا ہلا بھئی بوہت اچھا ہن میں انسانی گو ئے نئیں گاں دے گوئے تے روٹی پکان دیاں گا ۔ ¹⁶ ۱۶۔اوہنے فیر مینوں آکھیاں اے آدم زاد میں یروشلیم وچ کھان پین دیا ں چیزاں دی پہنچ بند کردیاں گا ۔فیر لوکی دکھی ہو کے روٹی وی مِین کے تے دکھی ہو کے پانی وی مِین مِین کے پِین گے۔ ¹⁷ ۱۷۔کیوں جو اوتھے اَن تے پانی دی تھوڑ ہو جاوے گی تے لوکی دوجے نوں ویکھ کے گھبراجان گے تے اوہناں دے پاپ دے سببوں اوہناں دے پنڈیاں دا ماس سُک جائے گا ۔