¹ ۱۔خداوند دا کلام میرے اُتے اتر یا ۔ ² ۲۔اے آدمزاد رب خداوند اسرائیل دے ملک نوں اینج آکھد اے ،مُک گیا ! ملک دے چار چوفیرے اخیر ویلا آچکیا اے ۔ ³ ۳۔ہن تیرا اخیر ویلا آچکیا اے ۔تے مین اپنا غصہ تیرے اُتے اتاراں گا میں تیرے چا ل چلن دے حساب نال تیرانیاں کراں گا تے تینوں تیرے سارے ناپاک کماں دی سزا دیواں گا ۔ ⁴ ۴۔میں نہ تے تیرے اُتے رحم کراں گا تے نہ ای میری ا کھ تیرے نال کوئی لحاظ کرے گی ۔ میں تہاڈے چال چلن داتے اواوہناں ناپاک کماں دا جیہڑے تہاڈی ریت بن چکے نیں بدلہ دواں گا ۔تد تہانوں پتہ لگ جاوے گا پئی میں خداوند آں ۔ ⁵ ۵۔خداوند خدا اینج آکھدا اے :آفت ،اک نویں آفت آن ڈئی اے ۔ ⁶ ۶۔اخیر ویلا آچکیا اے ! اخیر ویلا آچکیا اے ۔ ⁷ ۷۔اے ملک وچ وسن والے تیری شامت آ گئی اے ۔ویلا آ چکیا اے ۔اوہ دن نیڑے نے ۔ پہاڑاں نوں دہشت نے جکڑ یا ہویا اے ۔ہن اوتھے خوشی نئیں رہی ۔ ⁸ ۸۔ہن میں اپنا غصہ تینوںوکھاواں گا تے اپنا غصہ تیرے اُتے اتاراں گا ۔میں تیرے چال چلن دے حساب نال تیرا نیاں کراں گا نالے تیریاں ساریاں ناپاک حرکتاں دی سزا دواں گا ⁹ ۹۔میں نہ تیرے اُتے مہر کراں گا نہ ای میری اکھ تیرے نال کوئی لحاظ کرے گی ۔میں تینوں تیرے چال چلن دا تے اوہناں ناپاک کماں دا جیہڑے تہاڈی ریت بن چکے نے بدلہ دواں گا ۔ تد تہانوں پتہ لگ جائے گا پئی میں ای خداوند آں جیہڑا سزا دیندا اے ۔ ¹⁰ ۱۰۔اوہ دن ایہو ای اے ! اوہ دن آ چکیا اے شامت آگئی ۔لاٹھی وچ کلیاں پُھٹ پییاں نیں غرور وچ کلیاں کِھل گئیاں نے ۔ ¹¹ ۱۱۔تشدد نے ودھ کے شرارت لئی ڈنڈے دی شکل لے لئی اے لوکاں وچوں کوئی نئیں بچے گا تے نہ ای ایس بھیڑ وچوں کوئی بچے گا ،نہ دولت اتے نہ ای کوئی ہور قیمتی شے ۔ ¹² ۱۲۔ویلا آ پہنچیا اے اوہ دن نیڑے وے ۔نہ تے کوئی خریدن والا خوش ہو وے تے نہ ای کسی ویچن والے نوں دکھ ہووے ۔کیوں جو غصہ ساری بھیڑ نے اتر چکیا ۔ ¹³ ۱۳۔اے جد تیکر دونویں جیوندے نین ۔ویچن والے نوں اوسدی دھرتی واپس نہیں مل سکدی کیوں جو ساری بھیڑ توں رویا نئیں ہٹائی جائے گی ۔ ¹⁴ ۱۴۔جد کہ اوہناں نے نر سنگا وجایا سی تے ہر شے تیار کر لئی سی تدوی جنگ لئی کوئی نئیں جاوے گا ،کیوں جو میرا غصہ ساری بھیڑ اتے وے ۔ ¹⁵ ۱۵۔باہر تلوار اے تے اندر وبا تے کال ۔جیہڑے پنڈ وچ ہون گے اوہ تلوار نال مرن گے تے جیہڑے شہر وچ ہوون گے اوہناں نوں کال تے وبا ہڑپ کر جائے گی ۔ ¹⁶ ۱۶۔جیہڑے بچ کے نس جان گے اوہ اپنے اپنے پاپاں دے پاروں وادیاں دے کبوتراں دے وانگ جیہڑے پہاڑاں اتے ہوون ،وین پان گے ۔ ¹⁷ ۱۷۔اک اک ہتھ ڈھلاپے جاوے گا تے ہر گوڈا پانی وانگ لسا ہو جاوے گا ۔ ¹⁸ ۱۸۔اوہ ٹاٹ پالین گے تے اوہنا تے ڈر چھا جائے گا ۔اوہناں دے مکھ شرمندہ ہون گے تے اوہناں دے سراں اُتے وال نئیں رہن گے ۔ ¹⁹ ۱۹۔اوہ اپنی چاندی سڑکاں اُتے سٹ دین گے تے اوہناں دا سونا ناپاک شے ہووے گا ۔ خداوند دے غصے دے دن اوہناں دی چاندی تے سونا اوہناں نوں بچا نہ سکن گے تے ناں ای اوہناں دا ڈھڈ بھر سکن گے ۔ کیوں جو ایس توں ای ٹھیڈا کھا کے اوہناں نے گناہ کیتا ۔ ²⁰ ۲۰۔اوہناں نوں اپنے سوہنے گہنیاں دا غرور سی تے اوہ لوکی ایناں نوں اپنے نفرت جو گے بتاں تے ناپاک مورتاں وچ ورتدے سی ۔ایس لئی میں ایناں نوں اوہناں لئی ناپاک شے بنا دیواں گا ۔ ²¹ ۲۱۔ایس لئی میں او سارا مال کھوئی ہوئی دولت وانگ دنیا دے شریراں نوں دے دواں گا ۔ تے اوہ اوس نوں ناپاک کر دین گے ۔ ²² ۲۲۔میں اوہناں ولوں اپنا منہ موڑ لواں گا ۔تے اوہ میری پاک جگہ نوں ناپاک کر دین گے ۔ اوہدے ڈاکو آ وڑن گے اتے اوس نوں ناپاک کردین گے ۔ ²³ ۲۳۔سنگل بنا ۔ کیوں جو دیس وچ خون خرابہ ہو ریا اے اتے شہر ظلم نال بھریا ہویا اے ۔ ²⁴ ۲۴۔میں بھیڑی توں بھیڑی قوماں نوں لے آواں گا جیہڑے اوہناں دے مکاناں دے مالک بن جاون گے۔میں زور آوراں دا غرور ختم کر دیاںگا ۔اتے اوہناں دیاں پاک تھاواں پلیت کر دتیاں جان گیاں ۔ ²⁵ ۲۵۔جدوں دہشت آوے گی تد اوہ چین لبھن گے پر اوہناں نوں نئیں لبھے گا ۔ ²⁶ ۲۶۔آفت اُتے آفت آئے گی تے جھوٹی تو جھوٹی خبر سنائی دیوے گی ۔اور نبی کولوں رویا منگن دی کو شش کرن گے کاہناں کولوں شریعت دی تعلیم تے بزرگاں کولوں مت دی گل لے لئی جاوے گی ۔ ²⁷ ۲۷۔بادشاہ کُرلاوے گا ۔امیرہمت ہار جان گے تے ملک دے وسنیکاں دے ہتھ کمبن لگ پین گے ،میں اوہناں دے چال چلن دے حساب نال اوہناں نال سلوک کراں گا تے اوہناں دے معیاردے حساب اوہناں دا نیاں کراں گا ۔تد اور جانن گے کہ میں خدا آں ۔