¹ ۱۔اوہ بندہ مینوں ہیکل دے بوہے تے واپس لیا یا تے میں ہیکل دی برونہہ دے ہیٹھوں پانی نکلدا ہویا ویکھیا جیہڑا چڑھدے ولوں وَ گ رہیا سی۔(کیوں جو ہیکل دا رُخ چڑھدے وَل سی)۔پانی ہیکل دےدکھنی حصہ دے ہیٹھوں مطلب پئی مذبحے دے دکھن وَلوں وَگ رہیا سی۔ ² ۲۔ فیر اوہ مینوں شمالی پھاٹک چوں باہر لے آیا تے مینوں باہر لے پھاٹک توں باہر لے گیا جیہدا رُخ چڑھدے وَل اے تے اوہدے آلے دوالے پھیریا تے اوتھےپانی دکھن وَلوں وَگ رہیا سی ۔ ³ ۳۔جیویں ای اوہ بندہ اپنے ہتھ چ مینن دا گز لے کے چڑھدے پاسے گیا ،اوہنوں اِک ہزار ہتھ مینیا تے مینوں پانی وچوں لے گیا جیہڑا گِٹیاں تِک ڈونگھا سی۔ ⁴ ۴۔اوہنے اک ہزار ہتھ ہور مینیا مینوں پانی وچوں لے گیاجیہدی ڈونگھیائی گوڈے گوڈے سی۔ایک ہزار ہتھ ہور مینیا تے مینوں پانی وچوں لےٹوریا جیہدی ڈونگھیائی کنڈ تِک سی۔ ⁵ ۵۔اوہنے اک ہزار ہتھ ہورمینیاپر ہُن اوہ ندی بن چُکیاسی۔جینوں میں پار نئیں کر سکدا سی۔ کیوں جو پانی چڑھ چُکیا سی۔تے اوہ اجیہا ڈونگھاسی پئی اوہدے وچ تہیریاجا سکدا سی ۔اک اجیہی ندی جینوں کوئی پار نئیں کرسکدا سی۔ ⁶ ۶۔اوہنے مینوں پوچھیا اے آدمزاد کی توں ایہہ ویکھ رہیا ایں ؟تد اوہ مینوں ندی دے کنڈے موڑ لیایا ۔ ⁷ ۷۔جدون میں اوتھے اپڑیا تے میں ندی دے دونواں تے ان گینت رُکھ ویکھے۔ ⁸ ۸۔اوہنےمینوں آکھیا ایہہ پانی چڑھدے علاقے وَلوں وگدا اے تے عرابہ وچ جا ڈِگدا اے ۔جیتھے اوہ سمندر وچ جا ملدا اے۔جدوں اوہ سمندر چ واڑدا ہوندا اے تد اوتھے دا پانی میٹھا ہو جاندا اے۔ ⁹ ۹۔جتھے جتھے ایہہ پانی وگے گا اوتھے اوتھے جانداران دے جھنڈ وسن گے ۔اوتھے ان گینت مچھیاں ہون گیاں کیون جو ایہہ پانی اوتھے تک وگدا اے۔تے لونے پانی نوں میٹھیاں کردا دیندا اے۔ایس لئی جیتھوں کیتوں وی ایہہ ندی وگے گی اوتھے ہر جاندار جیوندا رہوے گا۔ ¹⁰ ۱۰۔مچھیرے کنڈیاں اُتے کھلوتے ہون گے تے عین جدی توں عجلیم تک جال سُٹن لئی تھانواں ہون گیاں ۔تے بحر روم دیاں مچھیاں وانگ وَن سَونیاں مچھیاں ہون گیاں۔ ¹¹ ۱۱۔پر دھسان تے چکڑ ،تھانواں مِٹھیاں ناں ہون گیاںاوہ لونیاں ای وہن گیاں۔ ¹² ۱۲۔ندی دے دونواں کنڈیاں تےوَن سونے پھلاں دے رُکھ اُگن گے ۔ایناں دے پَتر وی نئیں کملان گے تے ایہہ سدا پھل لیان گے۔ایناں چ ہر مہینےپھل لگے گا کیوں جو مقدس چوں نکلیا ہویا پانی ایناں نون سراب کردا اے ۔ ایناں دا پھل کھان دے کام آوے گاتے ایناں دے پَتراں توں شفا ملے گی۔ ¹³ ۱۳۔رَب خداوند اینج فرماندا اےجیناں سرحداں دے حساب نال دیس نوں اسرائیل دے بارہ قبیلیاں چ میراث دے حساب نال ونڈو ،اوہ ایہہ نیں:یوسف نوں دو حصے ملن۔ ¹⁴ ۱۴۔ تسی اینوں اوہناں وچ برابر ونڈنا کیوں جو میں ہتھ چُک کے سَوں کھادی سی پئی اوہنوں تہاڈے پیو دا دے نوں دیواں گا تے ایہہ تہاڈی میراث ہووے گی۔ ¹⁵ ۱۵۔دیس دی سرحد ایہہ ہووے:شمال وَلوں بحیرہ روم تون لے کےحتلوں دی راہ توں لیبوحامات توں ہوندی ہوئی صداد تِک ۔ ¹⁶ ۱۶۔بیر وتا تے سبریم (جیہڑی دمشق تے حمات دی سرحد اں دے وچ واقع اے) توں حضر ہتلون تِک جیہڑی حوران دی سرحد اُتے آ۔ ¹⁷ ۱۷۔ایہہ سرحد سمندروں لے کے دمشق دی شمالی سرحد وَلوں ہوندی ہوئی حضر عینان تک جاوے تے حاما ت دی سرحد ایہدے شمال چ ہووے ۔ایہہ شمالی سرحد ہووے گی۔ ¹⁸ ۱۸۔چڑھدے وَلوں سرحد حوران تے دمشق دے وچوں ہوندی ہوئی تے یردن نون لگ کے حلاد تے اسرائیل دے دیس وچوں ہوندی ہوئی سمندروں چڑھدے تک تے ایس توں پراں تامار تک پہنچےگی۔ایہہ چڑھدے وَلوں سرحد ہووے گی۔ ¹⁹ ۱۹۔دکھن وَلوں تمر توں لے کے مریبوت دے قادس دے سَوتے تک مصر دی وادی توں ہوندی ہوئی بحیرہ روم تِک پہنچے ۔ایہہ دکھنی سرحد ہووے گی۔ ²⁰ ۲۰۔لہندے وَلوں حمات دے سامنے بحیرہ روم ای سرحد ہووے گی۔ ایہہ لہندیاں وَل دی سرحد ہووے گی۔ ²¹ ۲۱۔تسی ایس دیس نوں اسرائیل دے قبیلیاں دے حساب نال آپوں چ وَنڈ لو۔ ²² ۲۲۔تسی اینوں آپو چ تے ایناں پرایاں دے نال میراث دےحساب نال ونڈلو جیہڑے تہاڈے نال وسدے نین۔تے جیناں دی اولاد تہاڈے پیدا ہوئی ۔تسی ایناں اپنے ای دیس چ پیدا ہون والے اسرائیلی جونو!تہاڈے نال اوہناں نوںوی اسرائیل دے قبیلیاں چ میراث ملے۔ ²³ ۲۳۔کوئی پرایا جیہڑے وی قبیلےچ وسدا ہووے گا ،اوسےچوں تسی اوہنو میراث دو۔ایہہ خداوند نیں فرمایا اے۔