¹ ۱۔خُداوند خُدا اینج فرماندا اِے: اندر لے ویڑے دِا پھاٹک جیہدا رُخ پڑھدے ول اے ، کم کار دے چھ دیہاڑے بند رکھیا جاوے پر سبّت دِےدِن تے نویں چن دِے دِن اِیہنوں کھولیا جائے۔ ² ۲۔شہزادہ باہر دِے پھاٹک دِی برونہہ دِے ولوں ہُندا ہویا اندر آوے تے پھاٹک دِے تھم دِے کول کھڑا ہو جاوے۔ کاہن اوہدی سوختنی قربانی تے اوہدیاں سلامتی دِیاں قربانیاں چڑھون۔ اوہ بوہے دِے برونہاں وِچ عبادت کرے تے فیر باہر چلا جائے۔ ³ ۳۔ سبّت تے نویں چن دِے دِناں وِچ دِیس دِے لوکی اِیس پھاٹک دِے اندر آن والے دروازے تے خُداوند دِی حضوری وچ عبادت کریاکرن۔ ⁴ ۴۔ سبّت دِے دِن شہزادہ خُداوند دِے لئی جیہڑی سوختنی قربانی لیاوے اوہ چھ لیلے تے اِک مینڈھا ہووے، جیہڑے سارے دِے سارے بے عیب ہون۔ ⁵ ۵۔ مینڈھے دِے نال اِک ایفہ نَذر دِی قُربانی ہووِے تے لیلّیاں نال اوہ اپنی مرضی نال جِناں چاہوے اِک اِک ایفہ اِک ہین روغن سمیت دیوے۔ ⁶ ۶۔ نویں چن دے دِن اوہ اِک بچھڑا، چھ لیلے تے اِک دنیہ چڑھاوے گا جناں وچ کوئی عیب نہ ہووے۔ ⁷ ۷۔ تے نذر دی قربانی دے طور تے اوہ بچھڑے دے نال اک ایفہ، مینڈھے دے نال اک ایفہ تے لیلاں دے نال اوہ جناں دینا چاہوے اک اک ایفے دے نال اک ہین روغن لیاوے۔ ⁸ ۸۔ جدوں شہزادہ اندر آوے تے اوہ پھاٹک دی برونہہ دی رائیں اندر آوے تے اوسے رائیں باہر ٹر جاوے۔ ⁹ ۹۔ جد دیس دے لوکی متھیاں ہویاں عیداں دے موقعیاں تے خُداونددےحضور آن تد جیہڑا شمال دے پھاٹک ولوں ہو کے عبادت دے لئی اندر آوے اوہ دکھنی پھاٹک رائیں باہر نکل جاوے تے جیہڑا دکھنی پھاٹک وِچوں ہو کے اندر آوے اوہ شمال دے پھاٹک دِی رائیں باہر ٹُر جاوے۔ کوئی بندہ اوس ای پھاٹک دِی رائیں نہ پلٹے جیہڑے پھاٹک دی رائیں اوہ اندر آیا سی سگوں ہر بندہ اپنے سامنے والےپھاٹک توں لنگ کے باہر نکلے۔ ¹⁰ ۱۰۔شہزادہ وی اوہناں دے نال ہووے جیہڑا اوہناں دے نال ای اندر آوے تے جدوں اوہ باہر نکلن تے اوہناں دے نال ای باہر جاوے۔ ¹¹ ۱۱۔تہواراں تے متھیاں ہوئیاں عیداں دے مو قعیاں تے بچھڑے نال اک ایفہ ، مینڈھے نال اک ایفہ تے لیلیاں دے نال اپنی مرضی وسار نذر داچڑھاوا ہووے جیہڑا ہر ایفہ دے نال اک ہین روغن ہووے۔ ¹² ۱۲۔ جد شہزادہ خُدا دے حضور رضا دی قربانی چڑھاوے بھانویں اوہ سوختنی قربانی ہووے یا سلامتی دیاں قربانیاں ہون تد اوہدے لئی اوہ پھاٹک کھولیا جاوے۔جیدا رُخ چڑھدے ول اے۔اوہ اپنی ساختنی قربانی یا سلامتی دیاں قربانیاں اینج ای چڑھاوے جینج اوہ سبت دے دن کردا اے۔تد اوہ باہر نکل جاوےگا تے اوہدے جان دے بعد پھاٹک بند کر دتا جاوے گا۔ ¹³ ۱۳۔ تے روز توں اک سال دا بے عیب لیلہ خُداوند لئی سوختنی قربانی لئ اپڑ آوے گا جنیوں توں ہرسویل اپڑاویں ۔ ¹⁴ ۱۴۔تو اوہدے نال ہرسویل نوں نزر دی قربانی دے طور تے ایفہ دا چھیواں حصہ وی اپڑ اویں جیہڑا آٹےنوں گھنن لئ ہین دے تیسرے حصے دے برابر روغن سنے ہووے خُداوند لئ نزر دی ایہ قربانی چڑھانا سدا لئ حکم اے۔ ¹⁵ ۱۵۔ایس لئ سوختنی قربانی دے لئ لیلا ،نزردی قربانی تے روغن ہرسویل اچیچااپڑیا جاوے ۔ ¹⁶ ۱۶۔رب خُداوند اینج فرماندا اے :جے شہزادہ اپنی میراث وچوں اپنے کسی پتر نوں کوئ ہدیہ دیوے تے اوہ میراث اوہدی اولاد دی ہووے گی۔اوہ اوہناں دی موروثی ملکیت ہووے گی ۔ ¹⁷ ۱۷۔پر جے اوہ اپنی میراث وچوں اپنے کسی خادم نوں ہدیہ دیوے تے اوہ خادم ااوہنوں آزادی دے سال تیک رکھے ایدے بعدوں اوہ شہزادے نوں موڑ دیتی جاوے گا۔ اوہدی میراث صرف اوہدے پُتراں دی اے اوہ ہناں دی میراث صرف اوہدے پتراں دی اے۔اوہ اوہناں دی میراث اے۔ ¹⁸ ۱۸۔تے شہزادہ لوکاں توں اوہناں دی میراث کھو کے اوہنوں اپنی میراث نہ بنا لوے۔ اوہ اپنے پُتراں نوں اوہناں دی میراث آپ اپنی جائیداد وچوں دیوے تاں جو میرے لوکاں وچوں کسے وی بندے دی جائیداد کھس نہ جاوے۔ ¹⁹ ۱۹۔ تد اوہ آدمی مینوں پھاٹک دے نال دے بوہے توں اوہناں پاک کمریاں کول لیایا جہناں دا رخ شمال ول سی تے جیہڑے کاہناں دے سن تے مینوں لہندی نکر تے اک تھاں وکھائی۔ ²⁰ ۲۰۔ اوہنے مینوں آکھیا، ایہہ اوہ تھاں اے جتھے کاہن خطا دی قربانی تے گناہ دی قربانی نوں ابالن گے۔ تے نذر دی قربانی پکان گے تاں جو اوہناں نوں باہر لے ویہڑے وچ لوکاں دی تقدیس دے لئی لیان دا موقعہ نہ ملے۔ ²¹ ۲۱۔ فیر اوہ مینوں باہر لے ویہڑے وچ لے آیا تے اوہدیاں چوواں نکراں وچ گھمایاتے میں ہر نکر وچ اک اک ویہڑہ ویکھیا۔ ²² ۲۲۔باہر لے ویہڑے دیاں چواں نکراںوچ چالی ہتھ لمباتے تریہہ ہتھ چوڑا اک اک ولیا ہویا ویہڑہ سی۔ چواں نکراں دے ہر ویڑے دا ناپ برابر سی۔ ²³ ۲۳۔ چواں ویہڑیاں وچوں اک اک دے اندر دے حصےوچ چار چفیرے پتھر دی کندھ سی۔جس دے تھلے چلھے بنے ہوئے سن۔ ²⁴ ۲۴۔ اوہنے مینوں آکھیا ایہہ جھلانیاں نیں جتھے ہیکل دےخادم لاکاں لئی ذبیحے پکان گے۔