¹ ۱۔جدوں تسی دیس دی میراث دی وَنڈ کرو۔تد تسی دھرتی دا اِک حصہ مقدس علاقے دے حساب نال خداوند دی نذر کرو جیہڑا پنجھی ہزار ہتھ لم تے ویہہ ہزرا ہتھ چوڑا ہووے تے اوہ سارا علاقہ مقدس ہووے گا۔ ² ۲۔ایہدے وچوں پانسو مربع ہتھ حصہ مقدس لئی ہووے گا تے ایس دے چارے چوفیرے پنجاہ ہتھ دی کھلی تھاں ہووے گی۔ ³ ۳۔ایس مقدس علاقے چوں پنجھی ہزار ہتھ لما دس ہزار ہتھ چوڑا مین لینا ں۔ایہدے چ مقدس ہووے گا۔جیہڑی ڈاھڈی تھاں اے۔ ⁴ ۴۔زمین دا ایہہ پاک حصہ اوہناں کاہناں لئی ہووے گا جیہڑا مقدس چ خدمت کر دےنیں تے خداوند دے حضور وچ خدمت کرن لئی آوندے نیں تے ایہہ تھاں اوہناں دے مکاناں لئیہووے گی تے مقدس دے لئی پاک تھاں وی ہووے گی۔ ⁵ ۵۔پنجھی ہزار ہتھ لمی تے دس ہزار ہتھ چوڑی تھاں ہیکل دی خدمت کرن والے لاویاں دی ملکیت ہووے گی تاں جو اوہ ایہدے وچ رہن لئی شہر وسان۔ شدے لئی دے دینا جیہڑی ساری بنی اسرائیل دی ہووے گی۔ ⁶ ۶۔ تے تُسی شہر دا پنج ہزار چُوڑا تے پنچی ہزار لَما ہیکل دے ہدیہ والی تھاں دے پاسے رکھنا جیہڑی ساری بنی اسرائیل لئی ہووے گی۔ ⁷ ۷۔تے مقدس علاقہ تےشہر دی زمین دےنال بنےہوئے علاقے دے دونواں پاسیاں دی زمین شہزادے دی ہووے گی۔جیہڑی لہندے پاسیوں لہندے وَل تے چڑھدے پاسیوں چڑھدے وَل ،لہندی سرحدوں چڑھدی سرحد تک کسے اک قبیلے دے حصہ لمبائی دے سامنےودھی ہووے گی۔ ⁸ ۸۔اسرائیل وچ ایس تھاں دا دیس ہووے گی تے میرے شہزادے میرے لوکاں تے فیر کدی ظلم نہ کرن گے۔سگوں بنی اسرائیل نوں اوہناں دے قبیلیاں دے حساب نال زمین ونڈن گے۔ ⁹ ۹۔رَب خداوند اینج فرماندا اے :اے اسرائیل دےامیر واپس حدوں ودھ گئے اوہ تسی تشد د تے ظلم چھڈ دیوتے اوہی جائیداد جیہڑا کرنا جائیز اے ۔ میرے لوکاں کولوں اوہناں دی جائیداد نہ کھووو۔ ایہہ رَب خداوند نیں فرمایا اے ۔ ¹⁰ ۱۰۔ تسی صحیح تکڑی ،صحیح ایفہ تے صحیح بَت استعمال کرو۔ ¹¹ ۱۱۔ایفہ تے بَت دونواں تے اِکو جے ناپ ہون ۔۔بَت چ حومر دا دسواں حصہ سماوے تے ایفہ وچ وی حومر دا دسواں حصہ ہووے ۔ حومر ای دونواں لئی اعلی درجے دا پیمانہ ہووے۔ ¹² ۱۲۔مثقال ویہہ جیرہ دا ہووے تے ساٹھ مِثقال (بیس مِثقال جمع پنجھی مِثقال جمع پندرہ مِثقال )دے برابر اک منا ہووے۔ ¹³ ۱۳۔تے تسی ایہہ خاص ہدیے چڑھاو : کنک دے ہر حومر دے ایفہ دا چھیواں حصہ ؛ فی حومر جو توں ایفہ دا چھیواں حصہ ۔ ¹⁴ ۱۴۔تیل دا مِتھیا ہویا حصہ ، بَت دے میچ نال،ہر کُروچ بَت دادسواں حصہ ہووے (اک کُردس بَت دا اک حومر دے برابر ہوندے نیں۔) ¹⁵ ۱۵۔تے اسرائیل دے ہرے بھرے گھاواں دے میدان وچوں ہر دو سو دے جھُنڈوچوں اک لیلا لیا جاوے ۔ایناںنوں لوکاں دے گناہواں دی قربانی وانگ ورتیا جاوے۔ رَب خداوند نیں اینج فرمایا اے۔ ¹⁶ ۱۶۔دیس دے سارے لوکی جاسرائیل دے شہزادے دے ورتن لئی ایس خاص ہدیےوچ حصہ پان۔ ¹⁷ ۱۷۔اسرائیل دے شہزادے دی ایہہ ذمہ داری ہووے گی پئی اوہ دوجیاں عیداں ، نویں چَن دے دِناں تک تے سبت دے دِناں ورگی بنی اسرائیل دیاں قربانیاں تے تپاون اپڑان۔اوہ بنی اسرائیل دےکفارہ لئی خطا دیاں قربانیاں ،نذردیاں قربانیاں ،سوختنی قربانیاں تے سلامتی دیاں قربانیاں مہیا کرن۔ ¹⁸ ۱۸۔رَب خداوند اینج فرماندا اے پہلے مہینے دی پہلی تاریخ نوں تُوں اک بے عیب بکرا لے کے مقدس نوں پاک کرناں۔ ¹⁹ ۱۹۔کاہن خطا دی قربانی دا کجھ لہو لے کےہیکل دے بوہیاں دی برونہاں اُتے مذبحے دی اُتلی کُرسی دیاں چاراں کھونٹاں اُتے تے اندر لے ویہڑے دے پھاٹک دے کھمبیاں تے لاوے۔ ²⁰ ۲۰۔تے جے کوئی بندہ غلطی نال یاں بھول کے پاپ کر لوے۔مہینے دی ستویں تاریخ نوں وی تسی اوہدے لئی اینج ای کرنا۔تسی ہیکل دا کفارہ دیندے رہنا۔ ²¹ ۲۱۔پہلےمہینے دی چودھویں تاریخ نوں تسی فسح دی عید منانا ۔ایہہ عید سات دِناں تک رہوے تے ایناں دیناں چ تسی خمیر توں بغیر روٹی کھاو گے۔ ²² ۲۲۔اوس دن شہزادہ اپنے لئی تے دیس دے سارے لوکاں دے لئی اک وچھا خطا دی قربانی لئی اپڑئے گا۔ ²³ ۲۳۔عید دے ایناں ستاں دِناں چ خداوند لئی سوختنی قربانی چڑھان لئی اوہ ہر روز سات وچھے تے سات چھترے اَپڑئے تے جیہڑے بے عیب ہون تے اک بکرا گناہ دی قربانی لئی اپڑائے۔ ²⁴ ۲۴۔تے اوہ نذر دی قربانی دے وانگ ہر وچھے لئی اِک ایفہ تے ہر چھترے لئی اِک ایفہ اپڑائےتے اوہدے نال فی ایفہ اک ہین روغن وی اپڑائے۔ ²⁵ ۲۵۔ عید دے ستاں دِناں چوں جیہڑی ستویں مہینے دی پندرھویں تاریخ نون شروع ہوندی اے ، اوہ ایسے طرح خطا دیاں قربانیاں ، سوختنی قربانیاں تے نذر دیاں قربانیاں تے روغن اپڑائے گا۔