¹ ۱۔ فیر اوہ بندہ مینوں مقدس دے باہر برُوہ تے واپس لیایا جیدا رُخ چڑھدے وَل سی ۔ ² ۲۔ فیر خداوند نے مینوں آکھیا ایہہ پھاٹک بند رہوے گا ۔ ایہنون کدی نان کھولیا جاوے تے کوئی بندہ وچوں ناں لنگھے ۔ کیوں جو خداوند اسرائیلؔ دا خدا ایسے راہیں لنگھ کے اندر آیا اے ۔ ایس لئی ایہہ بند رہوے گا ۔ ³ ۳۔ سرف شہزادہ ای اوہ ہستی ہوے گی ۔ جہڑی ایس دروازے چہ بہہ کے خداوند حضور راٹی کھاوے گا، اوہ دروازے دیاں بروہاں چوں اندر آئوندے تے ایسے راہیں باہر جاندے ۔ ⁴ ۴۔ فیر اوہ بندہ مینوں شمالی پھاٹک دی راہ ولوں ہیکل دے سامنے لیایا ۔ میں ویکھیا پئی خداوند دے جلال ناں خداوند دی ہیکل روشن ہوندی اے تے میں مُنہ پرنے ڈیہہ پیا ۔ ⁵ ۵۔ خداوند نت مینوں فرمایا ، اے آدم زاد دھیان نال ویکھ تے کن لا کے سُن تے خداوند دی ہیکل بار ے کُل قانوناں دے بارے دے بارے میں جو کجھ تینوں آکھاں اوہدے تے دھیان کر تے ہیکل دے اندر آن والے بوہے تے مقدس دے سارے باہر جان والے بوھیاں نوں دھیان وچ رکھ ۔ ⁶ ۶۔ تے سر کش بنی اسرائیل ؔ نوں کہہ پئی خداوند خدا اینج فرماندا اے ؛ اے بنی اسرائیلؔ تہاڈیاں نفرت جوگیاں حرکتاں دی حد مُک گئی اے ۔ ⁷ ۷۔ اپنی دوُجیاں نفرت جوگیاں حرکتاں دے علاوہ تُسیں پردیسیان نوں جیہڑے دل تے جسم دے نامختون سن ، میرے گھر وچ لیائے تے جیدوں تُسان میری روٹی تے چربی تے لہو چڑھایا تد میری ہیکل نون ناپاک کیتا تے تساں میر ا عہد پنیا۔ ⁸ ۸۔ میریاں پاک شیواں دے بارے اپنی ذمہ داری پوری کرن دے بجائے تُساں دوُجیاں نوں میرے گھر دا راکھا بنا دتا ۔ ⁹ ۹۔ خدوند اینج فرماندا اے ؛ کوئی پردیسی جیہڑا دل تے جسم دا نامختون ہووے ، میرے گھر وچ ناں وڑے ۔ اوہ پردیسی وی ناں وڑن جیہڑے اسرائیلؔ دے وچ ریہندے نیں ۔ ¹⁰ ۱۰۔ اوہ لاوی اپنے گناہ دی سزا پان گے ۔ جیہڑے اوس ویلے میرے توں دوُر ہوگئے ۔ جیدوں اسرائیلؔ کرائے پیا تے لوکی اپنے بُتاں پچھے لگ کے میرے توں بھٹک گئے ۔ ¹¹ ۱۱۔ تاں وی اوہ میرے گھر تے ہیکل دے راکھے بن کے ایس چہ خدنت کر سکدے نیں ۔ تے اوہناں دے سامنے کھلو کے تے اوہناں دے سامنے اوہناں دی خدمت کر سکدے نیں ۔ ¹² ۱۲۔ پر کیوں جو اوہناں نے اوہناں دے بُتان دے ہُندیاں ہوئیاں اوہناں دی خدمت کیتی ۔ تے بنی اسرائیلؔ نوں پاپ کرن تے ونگاریا ایس لئی میں ہتھ چُک کے سونہہ کھادی اے پئی اوہناں نوں اپنے پاپاں دا بھار چُکنا پوے گا ۔ خداوند خدا نے ایہہ فرمایا اے ۔ ¹³ ۱۳۔ اوہ کہانت دی خدمت دا کم کرن کرن لئی میرے حضور چہ ناں آن تے ناں ای پاک ترین مقام دیاں میریاں پاک شیواں دے لاگے آن ۔ اپنیاں نفرت جوگیاں حرکتاں دے کارن رُسوا ہون گے تے سزا پان گے ۔ ¹⁴ ۱۴۔ فیر میں اوہناں نوں ہیکل دی خدمت تے مقرر کر دیاں گا ۔ تے سار ا کم جیہڑا اوہدے چہ کیتا جاندا اے ۔ ، اوس دی ذمہ داری وی سونپ دیاں گا ۔ ¹⁵ ۱۵۔ پر اوہ لاوی کاہن جیہڑے صدوقؔ دی نسل توں نیں تے جیہناں نے میرے گھر دی اوس ویلے خدمت کیتی جیدوں بنی اسرائیلؔ میرے توں گمراہ ہو گئے سَن ۔ اوہ میری خدمت دے لئی میرے سامنے اون کرن ۔ اوہ میرے سامنے کھلو کے چربی تے لہو چڑھان ۔ ایہہ خداوند خدا نے فرمایا اے ۔ ¹⁶ ۱۶۔ بس اوہو میرے گھر وچ داخل ہون تے میری میز دے نیڑے آن تے میرے حضور چہ خدمت کرن دی ذمہ داری قبول کرن ۔ ¹⁷ ۱۷۔ جیدوں اوہ اندرلے ویہڑے دے پھاٹکاں چون داکل ہون تے سُوتی کپڑے پان ۔ اوہ اندرلے ویہڑے دے پھاتک چہ یا ہیکل چہ خدمت کردیاں ہوئیاں کوئی اون دے کپڑے ناں پان ۔ ¹⁸ ۱۸۔ اوہ اپنے سراں تے سوُتی پگاں بنن ۔ تے اوہناں دے پاجامے وی سوُتی ہون ۔ اوہ کوئی اجیہی شے ناں پان جیہدے نال اوہناں نوں مُڑکا ان لگ پوے ۔ ¹⁹ ۱۹۔ جیدون اوہ بارلے ویہڑے چہ جان جتھے لوکی ہندے نیں فیر اوہ اپنے اوہ کپڑے لا دین جہنوں پاکے اوہ خدمت کردے نیں ۔ تے اوہنوں پاک کمریاں چہ رکھ کے دوُجا لباس پان تاں جو اوہنان کپڑیاں دے نال لوکاں نوں پاک ناں کرن ۔ ²⁰ ۲۰۔ اوہ سر ناں منڈان ، ناں ای وال ودھن دین دسگوں حجامت کران ۔ ²¹ ۲۱۔ اندرلے ویہرے چہ وڑھدیان ہوئیاں کوئی کاہن مے ناں پیوے ²² ۲۲۔ اوہ بیوہ تے چھڈیاں ہوئیاںعورتاں نوں ناں ویان ۔ پو اوہ صرف اوہناں کنواریاں دے نال ویاہ کرن جیہڑیاں اسرائیلیاں ؔ دی نسل چوں ہون یا کسی اجیہی عورت نال جیہڑی کاہن دی بیوہ ہووے ویاہ کرن ۔ ²³ ۲۳۔ اوہ میرے لوکاں نوں خاص تے عام چہونڈ کرنا سکھان ۔ تے اوہناں نوں دس پئی حرام تے حلال وچ فرق کیویں کیتا جائے ۔ ²⁴ ۲۴۔ جے کوئی جھگڑا اگے آئے تے کاہن نیاں دا کم کرن ۔ میرے آئین دے پاروں نیاں کرن۔ اوہ میریاں ساریاں متھیاں ہوئیاں عیداں دے لئی میری شریعت تے میرے آئین تے عمل کرن تے میرے سبتاں نوں پاک جانن۔ ²⁵ ۲۵۔ کوئی کاہن کسے لاش دے لاگے جا کے اپنے آپ نوں نا پاک ناں کرے ۔ جے مریا ہویا بندہ۔ اوہدا پیو یاں ماں ، پُتر یاں دھی ، بھرا یاں کواری بھین ہووے تے اوہ اپنے اپ نوں ناپاک کر سکدا اے ۔ ²⁶ ۲۶۔ تے جد اوہ پاک ہو جائے تے اوہ ست دنان تیِک اوڈیکے ۔ ²⁷ ۲۷۔ تے جیہڑے دیہاڑے اوہ مقدِسدے وِچ اندرلے ورانڈے وِچ سیوا کرن لئی جاوے تے اپنے لئی خطا دی قُربانی چڑھاوے گا، ربّ خُداوند فرماندا اے۔ ²⁸ ۲۸۔ کاہناں دے لئی صرف میں ای میراث ہوواں گا ۔ تُسیں اوہناں نوں اسرائیلؔ چہ کوئی ملکیت ناں دیا جے ۔ مین ای اوہناں دی ملکیت ہوواں گا ۔ ²⁹ ۲۹۔ اوہ نزر دی قربانی ، خطا دی قربانی تے جُرم دی قربانی کھان گے تے اسرائیلؔ چہ جو کُجھ خداوند دے اگے چڑھایا جاوے ۔ اوہ اوہناں دا ہوے گا ۔ ³⁰ ۳۰۔ تے سارے پہلے پھلاں چوں چنگیرا پھَل تے تُہاڈے سارے خاص توں خاص ہدئے کاہناں دے ہون گے ۔ تُسیں اپنے گُجے ہوئے آٹے دا پہلا پیڑا اوہناں نوں پیش کرو تاں جو تُہاڈے ٹبر اُتے برکت ہووے ۔ ³¹ ۳۱۔ کاہن کوئی اجیہا پنچی یا ڈنگر ناں کھان جیہڑا مویا ہویا لبھے یا جنگلی جانوراں دا پھاڑیا ہووے ۔