¹ ۱۔فیر اوہ بندہ مینوں اوس پھاٹک دے کول لے گیا ۔جیہدارُخ چڑھدے پاسے اے۔ ² ۲۔ تے میں اسرئیل دے خدا دا جلال چڑھدے ولوں ظاہر ہوندیاں ویکھیا ۔اوہدی آواز ہڑ دے شور وانگ سی تے دھرتی اوہدے جلال نال لشک دی سی۔ ³ ۳۔ میری ویکھی ہوئی ایہہ رویا اوس رویا وانگ سی جیہڑی یں اوس ویلے ویکھی جدوں اوہ شہر نوں تباہ کرن لئی آا سی تے اوہناں راہواں دے حساب نال سی جیہرا میں نہر کبار دی نہر دے کنڈے ویکھیا سی تے میں مونہہ پرنے ڈگ پیا۔ ⁴ ۴۔ خداوند دا جلال ہیکل وچ اوس پھاٹک توں اندر آیا ۔جیہڑا رُخ چڑھدے وَل اے۔ ⁵ ۵۔ فیر رُخ نے مینوں چُک لیا تے اندرلے ویہڑے وچ لے آیا تے ہیکل خداوند دے جلال نال بھر گئی ۔ ⁶ ۶۔ جد اوہ بندہ میرے کول کھلو تا سی تد میں کسے نوں ہیکل دے وچ گل بات کردیاں سُنیا ۔اوہ مینوں کجھ کہہ رہیا سی ۔ ⁷ ۷۔ اوہنے آکھیا ۔اے آدمزاد ! ایہہ میرے تخت دی تھاں تے میرے پیر رکھن والی چوکی اے ۔ ایہہ اوہو ای تھاں اے جتھے میں ہمیشہ تیک اسرائیلیاں دے نال رہوان گا ۔پئی اسرائیل تے اوہنان دے بادشاہ فیر کدی اپنی بدکاری تے اپنے بادشاہواں دے ۔ اوہناں بے جان بُتاں نال جیہڑاے اوہناں دے اوچیاں تھاواں تے نیں میرئے پاک ناں دی بے عزتی کرن گے ۔ ⁸ ۸۔ جد اوہناں نے اپنی اپنا گھر میرے گھر دے کول تے اپنے بوہیاں دے تھم میرے بوہیاں دے تھماں دے کول رکھے تے میرے تے ایہناں دے وچ صرف اک کندھ دی روک سی تد اوہنانے اپنی نفر ت جاگے حرکتاں نال میرے پاک نادی دی بے عزتی کیتی ۔ایس لئی میں اوہنان نوں اپنے غصے وچ اُکا نیست کر دِتا ۔ ⁹ ۹۔ ہن اوہ اپنی بدکاری تے اپنے بادشاہوان دے بے جان مورتاں میرے توں دور کر دین تے میں ہمیشہ تیک اوہناں دے وچکار رہواں گا ۔ ¹⁰ ۱۰۔ اے آدزمزاد ! ہیکل دا نقشہ بنی اسرائیل نوں دس تاں جو اوہ اپنے پاپاں توں شرمندہ ہون۔ایہناں نوں ایس نقشے تے دھیان کرن دے ۔ ¹¹ ۱۱۔ جے اہ اپنے کیتے ہوئے تے پچھتا ن تے ایہناں نون ہیکل دا نقشہ ،ایہدی ترتیب ،ایہدے اندر باہر دے آن جان والے راہ ۔ایہدا پورا ڈھانچہ تے ایہدے کُل حکم تے قانوں دس ۔ ایہناں نوں ایہناں دے سامنے لکھ لینا جو اوہ ایس انقشے نوں من لین تے ایہدے سارے حُکماں اُتے کرن۔ ¹² ۱۲۔ہیکل دا قانون ایہہ وے پئی پہاڑ دی ٹیسی دے آلے دوالے دا سارا علاقہ بوہت ای پاک ہووے گا ۔ ہیکل دا قانون اینج دا ای ے۔ ¹³ ۱۳۔ وڈے ہتھ دے حساب نال مذبح نال جیہڑا اک ہتھ تے چار اُنگلا دے برابر اے ، مذبح دے میچے اینج نیں ! ایہدا پاوا اک ہتھ ڈھونگا تے اک ہتھ چوڑا اے جیہدا علاقہ کنڈے توں اک گیٹھ دا ہووے گا تے مذبح دا تھم اہو اے ۔ ¹⁴ ۱۴۔ دھرتی دے اُتے دے ایس پاوے دی ہیٹھلی کُرسی تیک اوہ دو ہتھ اُچا تے اک ہتھ چوڑا تے نیکی کُرسی نون وڈی کُرسی تیک چار ہتھ اُچا تے اک ہتھ چوڑا ہووے گا ۔ ¹⁵ ۱۵۔مذبحے دی اُنگلی چار ہتھ اُچی اے تے اوہدے چار سنگ اوتے نکلے ہوئے ہون گے ۔ ¹⁶ ۱۶۔ مذبحے دی انگیٹھی چونُکری اے جیہڑی بارہ ہتھ لمی تے بارہ ہتھ چوڑی اے۔ ¹⁷ ۱۷۔ اُتے دئ کُرسی وی چونکری اے جیہڑی چودہ ہتھ لمی تے چودہ ہتھ چوڑی اے۔جیہدا چاروں پاسیاں دا نشان ادھے ہتھ دا تے تھلا اک ہتھ دا اے۔ ایہدیاں پوڑیاں دا رُخ چڑھدے پاسے اے۔ ¹⁸ ۱۸۔ فیر اوہنے مینوں آکھیا :اے آدمزاد رب خداوند اینج فرماندا اے ۔جدوں مذبھ تیار ہو جاوے تد ایہدے اُتے سوختنی قربانیاں چڑھان تے رَت چھڑکن دے حُکم ایہہ ہون گے ۔ ¹⁹ ۱۹۔ تہانوں اِک بچھڑا گناہ دی قربانی دے طور تے کاہناں نوں دینا پئے گا جیہڑے صدوق دی نسل دے لاوی نیں تے خدمت لئی میرے حضور چہ آؤندے نیں ایہہ رب خداوند نے فرمایا اے۔ ²⁰ ۲۰۔ تُسیں ایہدا تھوڑا لہو لے کے مذبحے دے چارے سینگاں اُتے تے اُتلی سطح دے چارے نکران اُتے نے چَواں پاسیاں دے کناریان تے پانا ۔ایس طراں تُسیں مذبح نون پاک کرنا تے اوہدے لئی کفارہ دینا۔ ²¹ ۲۱۔ تد تسیں گناہ دی قربانی دے بچھڑے نوں لے کے مُقدس دے باہر ہیکل دی مِتھی ہوئی تھاں وچ ساڑنا۔ ²² ۲۲۔ دوجے دن تُسیں اک بے عیب بکرا گناہ دی قربانی دے طور تے چڑھانا تے مذبحے نون ایسے طرح پاک کیتا جاوے جیویں بچھڑے نال کیتا گیا سی ۔ ²³ ۲۳۔ جدون تُسیں اایہنون پاک کر لوؤ تے اک جھُنڈ وچوں اِک بچھڑا تے اِک مینڈھا جیہڑےدونوین بے عیب ہون ،چرھانا ۔ ²⁴ ۲۴۔تُسیں ایناں نوں خداوند دے حضور لیانا تے کاہن ایہناں اُتے لون چھڑکن تے ایناں نوں سوختنی قربانی دے طور خداوند دے حضور چڑھاؤن ۔ ²⁵ ۲۵۔سَت دِناں تیک تُسیں گناہ دی قربانی لئی ہر دیہاڑے اک بکرا لڑانا ۔تے تُسی اک بچھڑا تےجھنڈ وچوں اک مینڈھا اپڑانا تے جیہڑے دونویں عیب ہون۔ ²⁶ ۲۶۔سَت دِناں تیک اوہ مذبحے لئی کفارہ دے کے ایہنوں پاک کرن ۔ایس طراں اوہ ایناں نوں خداوند دے ناویں کرنا۔ ²⁷ ۲۷۔ جد ایہہ دن پورے ہون تد اٹھوین دن تؤں کاہن تہاڈی سوختنی قربانیاں تے سلامتی دیاں قربانیاں مذبحے اُتے چڑھان تد میں تینوںقبول کران گا ۔ ایہہ رب خداوند نے فرمایا اے۔