¹ ۱۔فیر اوہ مینوں شمال وَلوں باہرلے ویہڑے چ لے آیا تے اوہناں کمریاں کول لیایا جیہڑے ہیکل دےویہڑے دے سامنے یعنی شمال وَل باہرلی کند دے سامنے سن۔ ² ۲۔ اوہ عمارت جس دے بوہے دارُخ شمال وَل سی، سو ہتھ لمی تے پنجھاہ ہتھ چوڑی سی۔ ³ ۳۔اندلے ویہڑے توں ویہہ ہتھ دی دوری تے باہرلے ویہڑے دے فرش دے سامنے تیناں منزلاں تے اک دوجے دے سامنے برانڈے سن۔ ⁴ ۴۔کمریاں دے سامنے دس ہتھ چوڑا تے سو ہتھ لما رستہ سی۔ ایناں دےبوہے شمال وَل سن۔ ⁵ ۵۔ اُتلی منزل دے کمرے چھوٹے سن کیوں جو عمارت دی ایس منزل تےبرانڈیاں نیں وچلی تے ہیٹھلی منزل توں زیادہ تھاں گھیری سی۔ ⁶ ۶۔تیجی منزل دے کمریاں دے تھم نئیں سن۔جیویں کے ویہڑے دے سن۔ ایس لئی ایناں دے فرش دا رقبہ ہیٹھلی منزل تے وچلی منزل دے کمریاں توں گھٹ سی۔ ⁷ ۷۔ کمریاں دےتےباہرلے ویہڑے دے سامنے پنجاہ ہتھ لمی اک ہور باہرلی کند سی جیہڑی کمریاں دے اَگوں لنگھ دی سی۔ ⁸ ۸۔جد کے باہرلے کمریاں نال لگدیاں ہوہویاں بنے ہوئے کمریاں دی قطار سو ہتھ لمی سی۔ ⁹ ۹۔ہیٹھلے کمریاں چ باہرلے ویہڑے توں داخل ہون لئی مشرق وَلوں بوہا سی۔ ¹⁰ ۱۰۔جنوب چ باہرلے ویہڑے دی کند نال لگے کے ہیکل دے ویہڑے نال لگ کے باہرلی کند دے سامنے کمرے سن۔ ¹¹ ۱۱۔ جیناں دے سامنے لنگھن لئی راہ سی۔ ایہہ کمرےشمال وَل بنے ہوئے کمریاں وانگ سن۔ایناں دی لمبائیتے چوڑائی ایناں ای دے برابر سی تے ایناں دےباہر نکلن دے راہ اکا شمالی بوہیاں ورگے سن۔ ¹² ۱۲۔جنوب چ بنے ہوئے کمریاں دے بوہے سن۔مشرق وَل ودھدی ہوئی کند دے سامنے دی راہ دی نوکڑ تے اک بوہا سی جس تھوں لوکی کمریاں وچ جاندے سن۔ ¹³ ۱۳۔فیر اوس نیں مینوں آکھیا پئی شمالی تے جنوبی کمرے جیناں دا رُخ ہیکل دے ویہڑے وَل اے ،کاہناں دے کمرے نیں جیتھے خداوند دے حضور چ جان والے کاہن بوہت ای مقدس قربانیاں کھان گے۔اوتھے اوہ بوہت مقدس قربانیاں ،خطادیاں قربانیاں تے تقصیر دیاں قربانیاں وغیرہ کیوں جو اوہ تھاں مقدس اے ۔ ¹⁴ ۱۴۔اک وار کاہن مقدس علاقہ چ آجائےتے اوہ اوس ویلے تک باہرلے ویہرے چ نیہں جا سکدے جدوں تک پئی اوہ اپنے کپڑے ناں لالین جیناں نون پا کے اوہ خدمت کر دے نیں کیوں جو اوہ مقدس ہوندے نیں ۔ جدوں اوہ اوہناں تھانواں تےجاندے نیں جیہڑی لوکاں لئی ہوندی اے تد دوسرے کپڑے پا کے جان۔ ¹⁵ ۱۵۔جدوں اوہنے ہیکل دےاندر دیاں شیواں مین لئییاں تد اوس نیں مینوں مشرقی پھاٹک دی راہ توں باہر کڈ یا تے چار چوفیرے دے علاقے نوں مینیا۔ ¹⁶ ۱۶۔اوہنےمینن والے گز نال مشرق وَل دا حصہ مینیا جیہڑا پانسو ہتھ سی۔ ¹⁷ ۱۷۔اوہنے شمال وَل دا حصہ مینیا ۔اوہ وی مینن والے گزدے حساب نال پانسو ہتھ نکلیا۔ ¹⁸ ۱۸۔اوہنے جنوب وَل دا حصہ مینیا اوہ وہ مینن والے گز دےحساب نال پانسو ہتھ نکلیا۔ ¹⁹ ۱۹۔فیر اوہ مغرب دےوَل موڑیا تے اوہ حصہ مینیا اوہ وی مینن والے گز دے حساب نال پانسو ہتھ سی۔ ²⁰ ۲۰۔ایس طراں اوس نیں چاراں لاماں دیاں تھانواں مینیاں ایس دے چاراں پاسے کند سی جیہڑی پانسو ہتھ لمی تے پانسو ہتھ چوڑی سی تان جو مقدس علاقہ نوں عام علاقہ توں وَکھ کر کے۔