¹ ۱۔قبیلے ایہہ نیں جیناں دے ناں لکھے گئے نیں:شمالی سرحدنال جڑیا ہویا دان دا حصہ ہووے گا جیہڑا حتلون دے راہیں حمات تک تے حصر عینان تے دمشق دی شمالی سرحد دے کولوں ہوندا ہویاحمات تک چڑھدے توں لہندے تک پھیلیاہووے گا۔ ² ۲۔آشر دا ِک حصہ ہووے گا جیہڑادان دی حد دے نیڑے چڑھدے توں لہندے تک ہووے گا۔ ³ ۳۔نفتالی دا ایک حصہ ہووے گا جیہڑا آشر دی سرحد دے نیڑے چڑھدے توں لہندے تک ہووےگا۔ ⁴ ۴۔منسی دا اِک حصہ ہووے گا جیہڑا نفتالی دی سرحد دے نیڑے چڑھدے توں لہندے تک ہووے گا۔ ⁵ ۵۔افرائیم دا ک حصہ ہووے گا جیہڑا منسی دی سرحد دے نیڑے چڑھدے تون لہندے تک ہووے گا۔ ⁶ ۶۔ روبن دا ک حصہ ہووے گا جیہڑا افرائیم دی سرحد دے نیڑے چڑھدیاں توں لہندے تک ہووے گا۔ ⁷ ۷۔یہوداہ دا ک حصہ ہووے گا جیہڑا روبن دی سرحد دے نیڑے چڑھدے توں لہندے تک ہووے گا۔ ⁸ ۸۔یہوداہ دی سرحد دے نیڑے چڑھدے توں لہندے تک اوہ حصہ ہووے گا۔جینوں تہانوں خاص ہدیے دے طور تے ناویں کرناپَوے گا۔اوہ پنجھی ہزار ہتھ چوڑا ہووے گا تے اوہدے چڑھدیاں توں لہندیاں تک دی لمبائی کِسے اک قبیلے دے حصے دے برابر ہووے گی۔تے اوہدے وچکار مقدس ہووے گا۔ ⁹ ۹۔ایہہ خاص حصہ جیہڑا تسی خداوند دے ناویں لاوگے پنجھی ہزار ہتھ لما تے دس ہزار ہتھ چوڑا ہووے گا۔ ¹⁰ ۱۰۔ایہہ کاہناں لئی پاک حصہ ہووے گا۔ اوہ شمال وَلوں پنجھی ہزار ہتھ لما ہووےگا۔دس ہزار ہتھ چوڑا لہندے وَل ہووے گا۔دس ہزار ہتھ چوڑا ایہدے چڑھدے وَل تے تے پنجھی ہزارہتھ لما دکھن وَل ہووے گا ۔ایہدے وچکار خداوند دا مقدس سی۔ ¹¹ ۱۱۔ایہہ صدُوق دی نسل وچوںمُقدس کیتے گئے اوہناں کاہناں لئ ہووے گا جیناں نیں ایمانداری ہون ویلے لاویاں وانگ گمراہ نئیں ہوئے۔ ¹² ۱۲۔ایہہ دیس دے مقُدس حصے وچوں ایناں لئی خاص ہدیہ ہووے گا جیہڑا لاویاں دی سرحد دے نیڑے جیہڑا ڈاھڈا مقُدس حصہ ہووے گا۔ ¹³ ۱۳۔کاہناں دی سرحد نال جوڑیا ہویا لاویاں داحصہ ہووے گا۔جیہڑا پنجھی ہزار ہتھ لما تے دس ہزار ہتھ چوڑا ہووے گا۔اوہدی کل لمبائیپنجھی ہزار ہتھ تے اوہدی چوڑائی دس ہزار ہتھ ہووے گی۔ ¹⁴ ۱۴۔اوہ ایہدا کوئی حصہ ناں ویچن تے ناں بدلن۔ایہہ زمین دا سب توں چنگاحصہ اےجیہڑا کسے ہور دے ہتھے نہ چڑھے کیوں جو ایہہ خداوند لئی مقدس اے۔ ¹⁵ ۱۵۔ پنجھ ہزار ہتھ چوڑا تے پنجھی ہزار ہتھ لما باقی دا حصہ شہر تے مکانان تےہری ہری گھاہ دے میداںساریاں دے سانجھے ہون گے۔شہر ایہدے وچکار ہووےگا۔ ¹⁶ ۱۶۔تے اوہنوں اینج مینیا جاوے گا! شمالی بازو چار ہزار پانسو ہتھ،جنوبی بازو چار ہزار پانسو ہتھ ،مشرقی بازو چار ہزار پانسوہتھ تے مغربی بازو چار ہزار پانسو ہتھ ۔ ¹⁷ ۱۷۔شہر لئی ہری ہری گھاہ دے میدان شمال وَل دو سو پنجھاہ ہتھ،جنوب وَل دو سو پنجھاہ ہتھ ،مشرق وَل دو سو پنجھاہ ہتھ تے مغرب وَل دو سو پنجھاہ ہتھ ہووے گی۔ ¹⁸ ۱۸۔ایس حصے وچوںبچیا ہویا علاقہ جیہڑا مقدس حصے دی سرحد دے نیڑے تے ایس دی لمبائی نال جوڑیا ہووے گا ۔اوہ دس ہزار ہتھ مشرق دے بازوں تے دس ہزار ہتھ مغرب دےپاسے ہون گے۔ایہدی پیداوار شہر دے مزدوراں لئی خوراک دے وے گی۔ ¹⁹ ۱۹۔شہر دے مزدور جیہڑے ایہدےوچ کھیتی باڑی کرن گے اسرائیل دے سارے قبیلیاں چوں ہون گے۔ ²⁰ ۲۰۔ایہہ سارا حصہ چُنکرا ہووے گا جیہڑا ہ پاسیوں پنجھی ہزار ہتھ دا ہووے گا ۔تسی ایس مقُدس حصے نوں شہر دی جائیداد دےنال نال اِک خاص ہدیے وانگ ناویں کرو۔ ²¹ ۲۱۔مقدس حصہ تے شہر دی جائیداد دے سانجھے علاقے دے دونواں پاسیاں دا بچیا ہویا علاقہ شہزادے دا ہووے ۔اوہ مقدس حصے پنجھی ہزار ہتھ توں چڑھدے پاسے دی چڑھدی سرحد تے لہندےپاسے دے تے لہندے پاسے دی پنجھی ہزار ہتھ توں لہندی سرحد تک ملیا ہویا سی۔ایہہ دونویں علاقے جیہڑے قبائیلی علاقیاں دی لمبائی نال ملے نیں ۔شہزادے دے ہون گے۔تے مقدس حصہ ہیکل دے مقدس دے نال ایناں دے وچکار ہووے گا۔ ²² ۲۲۔تاں جو لاویاں دی جائیداد تے شہر دی جائیداد ایس علاقے دے وچکار رہوے گی جیہڑی شہزادے دی اے۔شہزادے داعلاقہ یہوداہ تے بن یمین دیاںسرحداں دے وچکار ہووے گا۔ ²³ ۲۳۔جتھوں تک باقی قبیلیاں دی گل اے:بن یمین دا اک حصہ ہووے گا جیہڑا چڑھدے توں لہندے تک ودھیا ہووے گا۔ ²⁴ ۲۴۔شمعون دا اک حصہ ہووےگا جیہڑا چڑھدے توں لہندے تک بن یمین دے حصے دی سرحد نال جڑیا ہووے گا۔ ²⁵ ۲۵۔ اشکاردا اک حصہ ہووےگا جیہڑا چڑھدے توں لہندے تک شمعون دے حصے دی سرحد نال جڑیا ہووے گا۔ ²⁶ ۲۶۔ زبولون دا اک حصہ ہووےگا جیہڑا چڑھدے توں لہندے تک اشکار دے حصے دی سرحد نال جڑیا ہووے گا۔ ²⁷ ۲۷۔ جددا اک حصہ ہووےگا جیہڑا چڑھدے توں لہندے تک زبولون دے حصے دی سرحد نال جڑیا ہووے گا۔ ²⁸ ۲۸۔جد دی دکھن سرحد تمر توں دکھن وَل مریبوت قادس دے سَوتے تک جاندی ہوئی مصر دی وادی نال مل کے بحیرہ روم تک اپڑے گی۔ ²⁹ ۲۹۔ایہہ اوہ دیس اے جیہڑا تسی اسرائیل دےقبیلیاں وچ میراث وانگ وَنڈ و تے ایہہ ایناں دے حصے ہون گے۔ایہہ خداوند نیں فرمایااے۔ ³⁰ ۳۰۔شہر توں باہر نکلن دے راہ ہون گے: شمال وَلوں شروع کردیاں ہویاں جسدی لمبائی چار ہزار پانسو ہتھ ہووے گی۔ ³¹ ۳۱۔شہر دے پھاٹک اسرائیل دے قبیلیاں دے نال ناں توں جانے جان گے۔شمال وَلے تین پھاٹک ،روبن دا پھاٹک ، یہوداہ دا پھاٹک تے لاوی دا پھاٹک اوہناں دے ناواں توں جانے جان گے۔ ³² ۳۲۔مشرق وَل جیہدی لمبائی چار ہزار پانسو ہتھ اے،تین پھاٹک ہون گے جیہڑے یوسف دا پھاٹک ،بن یمین دا پھاٹک تے دا ن دے پھاٹک اکھوان گے۔ ³³ ۳۳۔دکھن وَل جیہڑی لمبائی چ چار ہزار پانسو ہتھ اے،تین پھاٹک ہون گے ۔جیہڑے شمعون دا پھاٹک، اشکاردا پھاٹک تے زبولون داپھاٹک اکھوان گے۔ ³⁴ ۳۴۔چڑھدے وَل جسدی لمبائی چار ہزار پانسو ہتھ اے،تین پھاٹک ہون گے جیہڑے جد دا پھاٹک ، آشر دا پھاٹک تے نفتالی دا پھاٹک اکھوان گے۔ ³⁵ ۳۵۔چاراں پاسے دا گھیرا اٹھارہ ہزارہتھ ہووے گا۔ تے ایس دن توں شہر داناں ایہہ ہووے گا۔ خداوند اوتھے موجود اے۔