¹ ۱۔اے آدمزاد! جوج دے خلاف نبوت کر تے آکھ : خداوند خدا اینج فرماند ا اے ۔میشک تے توبل دے شہزادے لے ۔میں تیرا مخالف آں۔ ² ۲۔ میں تینوں گھُما کے تروواں گا ۔ میں تینوں شمال دی دور دی جُوں چہ کھیچ لیاواں گا تے اسرائیل دے پہاڑاں اُتے اپڑ ا دیواں گا۔ ³ ۳۔ فیر میں تیری کمال تیرے کھبے ہتھون چُھڈا لواں گا تے تیراں نوں تیرے سجے ہتھوں ڈیگاں گا ۔ ⁴ ۴۔ تُوں تے تیریاں ساریاں فوجاں تے قوماں جیہڑیاں تیرے وَل نیں تُسی سارے دے سارے اسرائیل دے پہاڑاں اُتے ڈِگ پوؤ گے تے میں تہانوں مردار کھان والے پنچھیاں تے جانگلی جانوراں دی خوراک نبا دیواں گا۔ ⁵ ۵۔ تُسیں کھلی تھاں تے ڈِگ پوؤ گے کیوں جو ایہہ میں آکھیا اے ۔ ⁶ ۶۔ میں جُوج اُتے تے ساحلی دیساں وچ سُکھ نال رہن والے لوکان اُتے اَگ نازل کراں گا تے اوہ جانن گے پئی مین ای خداوند آں۔ ⁷ ۷۔ میں اپنا پاک نان اپنی قوم اسرائیل تے ظاہر کراں تے فیر اپنے پاک نان دی بےعزتی نئیں ہون دیوں گا ۔ تے فیر ساریان قوماں جانن گِیا ں پئی میں خداوند اسرائیل دا قدوس آں ۔ ⁸ ۸۔ اینج ہون والا اے تے ایہہ پکا ہو کے رہوے گا ۔ایہہ رَب خداوند فرماندا اے۔ایہہ اوہو ای ویہڑا اے جیہدے بارے میں دسیا سی ۔ ⁹ ۹۔ تد اسرائیل دے شہراں چہ وسن والے لوک باہر نکل آن گے تے ہتھاراں نوں بالن وانگوں ورتن گے تے اینوں ساڑ دین گے جیویں چھوٹیاں تے وڈیاں سِپراں ،کمان تے تیر ، لڑائی دے سوئے تے نیزے وغیرہ ۔ست سال تیک اوہ اینوں بنالن وانگوں ورتے رہن گے۔ ¹⁰ ۱۰۔ ایناں نوں پیلیاں چوں بالن اکٹھا نئیں کرنا پوے گا نہ ای جنگلاں چوں وڈنا پوے گا کیوں جو اوہ ہتھیار اں نوں ای بالن گے کم وچ لیان گے تے وہ اپنے کھون والیاں توں کھون گے۔تے اپنے لُٹن والیاں نُوں لُٹن گے ۔ایہہ رب خداوند فرماندا اے۔ ¹¹ ۱۱۔ اوس دن میں جُوج نوں اسرائیل وچ ایک قبرستان بنا دیواں گا جیہڑا اینان دی وا دی چہ ہووے گا تے جیہڑے مشرق ولون سمندر وَل سفر کر کے جاندے نیں اینج راہیاں دی راہ بند ہو جاوے گی کیوں جو جُوج تے اوہدی ساری فوج اوتھے ای دفنائی جاوے گی ۔ایس لئی اوہ جمعیت جُوجدی وادی جانی جائے ۔ ¹² ۱۲۔ سَت مہینیاں تیک بنی اسرائیل ایناں نوں دبدے رہن گے کیوں دیس پاک صاف ہو سکے ۔ ¹³ ۱۳۔ دیس دے سارے لوکی ایہناں نوں دفنان گے تے جیدوں میری تمجید ہووے گی ۔اوہدوں اوس دِن ایہناں لئی شہرت دا باعث ہووے گی ۔ایہہ رَب خداوند نے فرمایا ۔ ¹⁴ ۱۴۔ دیس نون پاک صاف کرن لئی لوکاں نوں اُچیچا بھرتی کیتا جاوے گا ۔کجھ لوکاں دا کم ایہہ ہووے گا پئی اوہ سارے دیس وچ پھردے رہن گے ۔ایہدے علاوہ کجھ لوک ایہناں لاشاں نوں جیہڑایاں دھرتی تے ہون گِیاں ،دفنان گے ،سَت مہینیاں باد اوہ اپنی تلاش دا کم شروع کرن گے ۔ ¹⁵ ۱۵۔ دیس چوں لنگدیاں جیکر ایہناں چوں کسے بندے نون کسے انساں دی ہڈی نوں ویکھیا تے اوہ انسان اوس وقت تک اک نشانی گڈے گا ۔جِدوں تیک کہ گورکن اوہنوں ہمون وچ دفنا نان دین۔ ¹⁶ ۱۶۔ تے اوتھے حاموناں ناں دا ک شہر وہ ہوے گا ۔تے ایس طراں اوہ دیس نوں پاک کرن گے ۔ ¹⁷ ۱۷۔ اے آدمزاد! رَب خداوند اینج آکھدا اے : ساریاں نسلاںدے پنچھیاں تے سارے جانگلی جانوراں نوں واج دے : کٹھے ہوؤ تے سارے پاسیوں کٹھے ہوکے ایس وڈی قربانی لئی کٹھے ہو وؤ۔جیہڑا میں تہاڈے لئی اسرائیل دے پہاڑا ں تے تیار رہیا وان ۔اوتھے تُسیں ماس کھاؤ گے تے لہو پیوؤگے۔ ¹⁸ ۱۸۔ تُسیں ڈاڈے مرداں دا ماس کھاؤ گے تے دھرتی دے امیراں دا لہو پیو گے ۔کیون جو اوہ سارے دے سارے باشان دے جانور یعنی چھترے،بکرے ،لیلے تے ڈھگے نین ۔ ¹⁹ ۱۹۔ جیہڑا ذبیحہ میں تہاڈے لئی تیار کر رہیا آن تُسی ایہدی چربی ایہنی کھاؤ گے پئی رَج جاؤگے تے ایناں لہو پیو گے پئی مَست ہو جاؤ گے۔ ²⁰ ۲۰۔ تُسیں میری میز تے گھوڑیان ،سواراں ،بہادراں تے ہر قسم دے جنگی سپاہیاں نال رجھو گے ،ایہہ رَب خداوند نے فرمایا اے۔ ²¹ ۲۱۔ میں قوماں دے وچ اپنا جلال ظاہر کرآن گا تے ساریاں قوماں میری ایناں نوں دِتی ہوئی سزا نوں تے میرے ہوئے ہتھ نوں ویکھن گے۔ ²² ۲۲۔ ایس دِن توں بعد بنی اِسرائیل جانن گے پئی میں خُداوند ایہناں دا خُدا ہاں۔ ²³ ۲۳۔ تے قوماں جان لین گئیاں پئی بنی اِسرائیل اپنے پاپاں دے سببوں دیسوں کڈھے گئے سَن۔ کیوں جو اوہناں نے میری نافرمانی کیتی سی۔ ایس لئی میں ایہناں توں اپنا مُونہہ لُکا لیا تے ایہناں توں ایہناں دے ویریاں دے حوالے کر دِتا تے اوہ سارے تلوار نال مارے گئے۔ ²⁴ ۲۴۔ میں ایہناں دی پلیدی تے ایہناں دیاں خطاواں دے حساب نال ایہناں نال سُلوک کیتا۔ تے اپنا مُونہہ ایہناں توں لُکایا۔ ²⁵ ۲۵۔ سو رَبّ خُداوند انج فرماندا اے پئی ہُن میں یعقُوب نُوں غلامی توں پرتا لیاواں گا تے سارے اَسرائیلیاں اُتے رحم کراں گا تے اپنے مُقدس ناں لئی غیرت رکھاں گا۔ ²⁶ ۲۶۔ جدوں اوہ اپنے دیس وِچ تسلی نال رہن لگن تبکان والا کوئی نہ ہووے گا۔ تد اوہ اپنی رُسوائی تے میرے نال کیتی ہوئی بے وفائی نُوں بُھل جان گے۔ ²⁷ ۲۷۔ جدوں میں ایہناں نوں قوماں وِچوں پرتا لیاواں گا تے اوہناں دے ویریاں دے دیس وِچوں اِکٹھا کراں گا۔ تد بوہت ساریاں قوماں دِیاں اکھاں وِچ ایہناں دی راہیں میری تقدیس ہووے گی۔ ²⁸ ۲۸۔ تد اوہ جانن گے پئی میں خُداوند اوہناں دا خُدا ہاں جد کہ میں ایہناں نُوں دُوجیاں قوماں وِچ دیس نکالا دِتا اے۔ تاں وی میں فیر ایہناں نوں اپنے دیس وِچ اکٹھیاں کراں گا۔ کِسے نوں پچھاں نہ چھڈاں گا۔ ²⁹ ۲۹۔ تے میں فیر کدی ایہناں توں اپنا مُکھ نہ لُکاواں گا۔ کیوں جو میں بنی اِسرائیل تے اپنی رُوح ڈول دیواں گا۔ ایہہ رَب خُداوند نے فرمایا اے۔