¹ ۱۔خُداوند دا کلام میرے کول آیاتے مینوں آکھیا۔ ² ۲۔اے آدمزاد مجُوج دی سرزمین دے جوج دے ول منہ کر کے جیہڑا میشک تے نوبل دا حاکم اے اویدےخلاف نبُوت کر ۔ ³ ۳۔تے کہ خُداوند خُدا اینج فرماندا اے ویکھ اے جوج، میشک تے نوبل دے حاکم میں تیرا ویری آں۔ ⁴ ۴۔میں تینوں بھواں دیاں گا تے تیرے جبڑیاں وچ کنڈیالا پا کے تینوں تے تیری ساری فوج نوں ،تیرے سارے گھوڑیاں ، مسلح گھڑ سواراں نوں ،ایس وڈے گروہ نوں جیہڑےسارے دا سارا وڈیاں تے چھوٹیاں ڈھالاں لئی کھلوتا اے تے اوہناں ساریاں تے تلواراں پھیڑیاں ہویاں نیں کھچ کےکڈھ لواں گا۔ ⁵ ۵۔فارس،اتھوپیاں تے لبیا وی اہناں دے نال ہون گے۔سارے دے سارے ڈھال تے ٹوپ والے۔ ⁶ ۶۔جمر تے اوہدا سارا لشکر تے شمالی حصہ توں تجرمہ دا علاقہ اپنے سارے لشکر دے نال ،تے بہت ساریاں قوماں جیڑیاں تیرے نال ہون گیاں ،ایہناں ساریاں نوں کھڈ لیاواں گا۔ ⁷ ۷۔توں تیار ہو ۔توں تے تیرے سارے لوکی جیڑے تیرے کول کھڑے ہوئے نیں تیار رہن تے توں اوہناں دا آگو بن۔ ⁸ ۸۔بہت دناں بعد توں یاد کیتا جایئں گا۔آن والے وریاں چ توں اوس دھرتی تے واپس آیئں گا جیہڑی تلوار دے ذور نال چھڑائی گئی اے تے جہدے لوکی بہت ساریاں قوماں چوں کٹھے کیتے گئے نیں۔اسرایئل دے پہاڑاں تے جہیڑے پچھلے کئی وریاں توں ویران پئے ہوئے سن چڑھ آویں گا۔ ⁹ ۹۔توں چڑھ آوں گا تے ہنیری وانگ آویں گا۔توں بدلاں وانگ دھرتی نوں لُکا لویں گا۔توں تے تیرے سارے لشکر تے ہور بہت سارے لوکی تیرے نال ہون گے۔ ¹⁰ ۱۰۔خُداوند خُدا اینج فرماندا اے :اوسے ویلےتیرے دل چ کئی خیال آن گے تے توں ایک بھیڑا منصوبہ تیار کریں گا۔ ¹¹ ۱۱۔توں کہویں گا میں بغیرفصیل والے پنڈاں دے دیس تے حملہ کراں گا تے اوہناں لوکاں تےحملہ کراں گا جیہڑے آرام تے بے فکری نال وسدے نیں۔ اوہ سارے جیہڑے بغیر کنداں دے وسدے نیں، تے پھاٹکاں تےاڑبنگیاں دے بناں رہندے نیں۔ ¹² ۱۲۔ تا ں جو میں ایہناں دا مال کھولواں تے ایہناں نوں ڈھیر لٹاں تے اپنا ہتھ اوناں کھنڈراں تک ودھاواں جیہڑے فیر توں وسائے گٹے نیں ۔تے ایہناں لوکاں تے جہناں نوں دوقوماں توں کٹھا کیتا گیا اے تے جیہڑے مالدار نیں تے ڈنگر پالدے نیں تے ملک دے وچکار وسدے نیں۔ ¹³ ۱۳۔سبا تے ددان تے ترسیس دے سوداگر تے ایہدے سارے پنڈ دے سورمے تینوں کہن گے توں لٹ مار کرن آیا اے؟کی توں اپنے لوکاں نوں ایس لئی کٹھا کیتا اے کہ مال کھو لویں؟چاندی تے سونا کھو لین،مال ڈنگر تے جانور تے لٹ دا مال حاصل کرن؟ ¹⁴ ۱۴۔ایس لئی اے آدمزاد نبوت کر تے جوج نوں کہہ خُداوند خُدا اینج فرماندا اے :اوس ویلے جدوں میری قوم اسرایئل سکھ چین نال وسدی ہوے گی تے کیہ تینوں ایہدا علم نہ ہوے گا؟ ¹⁵ ۱۵۔ تے توں شمال دے اپنے دُوردے علاقیاں توں آئیں گا تے تیرے نال بہت ساریاں قوماں دے لوکی وی ہون گےجیہڑے سارے دے سارے گھوڑیاں تے سوار ہون گے اوہ ایک بہت وڈی فوج تے زبردست لشکر ہووے گا۔ ¹⁶ ۱۶۔ توں میری قوم اسرایئل تے اینج چڑھ آویں گا جیوں اِک بدل ملک تے چھاجاندا اے۔ایہہ فوج میں آن والے دناں چ تینوں اپنے دیس تے چڑھا لیاواں گا تاکہ جدوں میں قوماں دیاں اکھاں دے سامنے تیرے کولوں اپنی تقدیس کراواں فیر اوہ مینوں جان لین گے۔ ¹⁷ ۱۷۔خُداوند خُدا اینج فرماندا اے:کی توں اوہ ای سنیں جیہڑا ذکرمیں پچھلے ویلیاں چ اپنے بندیاں اسرائیل دے نبیاں نال کیتا سی؟ اوہناں دِناں چ اوہناں نے سالہا سال ایہہ نبوت کیتی پئی میں تینوں ایہناں دے خلاف چڑھا لیاواں گا۔ ¹⁸ ۱۸۔تے ایہناں دِناں چ اینج ہوے گا جُوج ملک اسرایئل تے کرحملہ کرے گا فیر میرا غصہ آپے توں باہر ہو جاوے گا ایہی خُداوند خُدا نے فرمایا اے۔ ¹⁹ ۱۹۔میں اپنی غیرت تے غصے دی اگ وچ ایہہ علان کرناں ہاں پئی ایس ویلے اسرایئل دے ملک وچ بہت وڈا بہنچال آوےگا۔ ²⁰ ۲۰۔سمندر دیاں مچھیاں تے ہوا دے پرندے ،جنگلاں دے درندے تے زمیں تے رینگن والے سارےجاندار تے روئے زمین دے سارے لوکی میرے وجُود توں تھر تھر کمبن گے ۔پہاڑ الٹا دتے جان گے۔چٹاناں چُور چُور ہو جانگیاں تے ہر کند دھرتی تے ڈیگ پوے گی۔ ²¹ ۲۱۔تے میں جوج دے خلا ف اپنے سارے پہاڑاں تے تلوار طلب کراں گا۔ایہہ خُداوند خُدا نے فرمایا اے ہر بندے دی تلواراپنے بھرا دے خلاف اُٹھے گی۔ ²² ۲۲۔میں وبا تے خون ریزی دے رایئں ایہنوں سزا دواں گا۔ میں ایس تے، تے ایہدی فوج تے،تے ایہدے نال جہنیاں قوماں نیں اوہناں تے بہتا مینہ اولے تے بلدی ہوئ اگ تے گندھک وساواں گا۔ ²³ ۲۳۔ایسے طرحاں میں اپنی وڈیائی تے پاکیزگی وکھاواں گا تے بہت ساریاں قوماں دے سامنے اپناآپ وکھالاں گا ۔فیر اوہ جان لین گیاں پئی میں خُداوند آں۔