¹ ۱۔یارو یں سال مہنے دے پہلے دیہاڑے خداوند دا کلام میرے اُتے اُتریا ۔ ² ۲۔ اے آدمزاد کیو ں جو صور نے یروشلیم دے بارےچہ قہقہ مارکے اے آکھیا پئی قوماں دا پھاٹک بھن دِتا گیا تے اوہدے بوہے میرے لئی کھول دِتے گئے نیں ۔ ہُن اوہ اُجاڑ اے ایس لئی میں ودھاں گا؟ ³ ۳۔ ایس لئی خداوند اینج آکدا اے اے صور میں تیرا مخالف آں،تے میں بوہت سارریاں قوماں نون اینج تیرے اُتے چڑھالیاواں گا ۔جیویں سمندر اپنیاں چھلاں چُکدا اے۔ ⁴ ۴۔ اوہ صوری دی چار دیورای نوں ڈیگ دین گِیاں تے بُرجاں نوں ڈھا دین گِیاں تے میں تے اوہدی مِٹی کُھرچ کے اوہنوں ننگی چٹان بنا دیان گا۔ ⁵ ۵۔ اوہ سمندر دے وچ جال سُٹن دی تھاں بن جاوے گی ۔ایس لئی پئی اے میں آکھیا اے ۔اینج خداوند خدا نیں آکھیا اے۔اوہ قوماں لئی لُٹ دا مال بن جاوے گی۔ ⁶ ۶۔تے اوہدہیاں بستیاں جیہڑیاں دھرتی دے اُتے نیں تلوار نال غارت کر دِتیاں جاؤن گِیاں ۔فیر اوہ جان لین پئی میں خداوند آں۔ ⁷ ۷۔کیوں جو خداوند خدا اینج آکھدا اے ویکھ میں شمال وَلوں شہنشاہواںدے شہنشاہ بابل دے بادشاہ نبوکدنضر نون گھوڑیان ،رتھاں ،گھوڑسواراں تے اک بوہت وڈے لشکر نال لیا ریاں واں ۔ ⁸ ۸۔اوہ تیری دھرتی دِیاں بستیاں تلوار نال مُکا دیوے گا اوہ تیرے سامنے مورچے لاوے گا تے تیری کند تک مورچے لاوے گا ۔تے تیرے خلاف اپنیاں ڈھالاں گڈے گا۔ ⁹ ۹۔ تے اوہ تیری چار دیواری نوں اپنے قعلے بھن پتھراؤ دا نشانہ بناوے گا تے اپنے ہتھیار نال تیرے بُجاں نوں ڈھا دیوے گا ۔ ¹⁰ ۱۰۔ اوہدے گھوڑے گِنتی وچ اینے ہون گے پئی توں اوہناں دی اُڈائی ہوئی نال ڈھکی جاویں گی جدؤن اوہ تیرے پھاٹکاں وچوں وڑے گا جیویں ٹُٹیاں ہوئیاں کنداں وچوں وڑ آؤندے نیں اوہدے جنگی گھوڑیان ،چھکراں تے رتھاں دے شور نال تیری چار دیواری کمب جاوے گی۔ ¹¹ ۱۱۔ اوہدے گھوڑیاں دے کھُر تیریاں ساریان سڑکاں نوں رؤند دین گے ۔اوہ تیرے لوکاں نوں تلوار نال قتل کے گا ،تے تیرے پکے تھم زمین تے ڈگ پین گے ۔ ¹² ۱۲۔ اوہ تیری دولت تے تیرا کاروباری سامان لُٹ لین گے تے تیری چار دیواری ڈیگ دین گے ۔تے سوہنے مکان ڈھا دین گے تے تیرے پتھر لکڑی تے مِٹی نوں سمندر وچ سُٹ دین گے ۔ ¹³ ۱۳۔ میں تیرے اُچی آواز وچ گائے ہوئے گیتاں نوں بند کردیاں گا تے تیرے بربط دی آواز فیر سنائی نئیں دیوے گی۔ ¹⁴ ۱۴۔ میں تینوں اک ننگی چٹان بنا دیاں گا تے توں مچھی دے جال پاؤن دی تھان بن جاویں گا۔توں فیر بنایا نہ جاویں گا۔کیوں جو میں یعنی خداوند نے ایہہ آکھیااے۔ایہہ خداوند خدا نے آکھیا ایہ ۔ ¹⁵ ۱۵۔ خداوند خدا صور نوں اینج آکدا اے :جدؤں تیرے وچ قتل عام ہووے گا تے زخمی لوک کراہندے ہون گے تے کی تیرے ڈِگن دے شور نال سمندر ی دیس نہ کمبھن گے؟ ¹⁶ ۱۶۔ فیر ساحل دے سارے امیر اپنے اپنے تختاں توں اُتر جاون گے تے اپنے تاج تے اپنے اپنے بوٹے دار کپڑے اُتار دین گے تے تینوں ویکھ کے حیران ہون گے ؟ تے ڈر نال مُلبس ہوکے کمبھدے ہوئے زمین تے بیتھ جاون گے ۔ ¹⁷ ۱۷۔ فیر اوہ تیرے وین پاون گے تے تینوں آکھن گے اے نامور شہر جیہڑا سمندری قوماں نال وسایا ہویا سی ۔توں کینج برباد ہو گیا؟توں تے تیرے واسی سمندراں وچ زور آور مَنے جاندے سن؟تے اوتھوں دے لوکاں تے اپنا ڈر جمایا ہویا سی۔ ¹⁸ ۱۸۔ ہُن ساحلی دیس تیری پستی دے دن کمبدے نیں ؟ تے سمندری جزیرے تیرے ہارن توں گھبراگئے نیں۔ ¹⁹ ۱۹۔ خداوند خدا اینج آکھدا اے :جدوں میں تینوں اوہناں شہراںوانگ اُجاڑ دیاں گا جیہڑے کدی وسے ای نئیں سن تے جدؤں مین تیرے اُتے سمندر چڑھا لیاواں گا تے اوہدا نان مُکن والا پانی تینوں ڈوب دیوے گا۔ ²⁰ ۲۰ – تے فیر میں تینوں اوہناں لوکاں دے نال جیہڑے قبر ے پئے پُرانے وقت دے لوکاں دے وانگ تھلے اینج واساواں گا جیویں کوئی پپرانے کھنڈراں وچ وسدا ہووے تے اوتھوں توں مُڑ نہ سکیں گا ناں جیوندیاں دے دیس وچ اپنی تھاں بنا سکیں گا ۔ ²¹ ۲۱۔ میں تیری اخیر بڑی ڈراؤنی کردیاں گاتے توں باقی نہ رہویں گا تینوں لبھیا جاوے گا پر توں کدی وی نہ لبھیں گا ایہہ خداوند خدا نے آکھیا اے۔