¹ ۱۔خداوند دا کلام میرے تے اُتریا ۔ ² ۲۔ اے آدم زاد صوؔ ر دے بارے نوحہ ³ ۳۔ صورؔ نوں آکھ ، جیہڑا سمندر دے پھاٹک تے رہندا اے تے ساحل دے بُہتے لوکاں لئی بیوپار کرن دی تھاں اے ، رب خداوند اینج فرماندا اے ۔ ؛ اے صورؔ توں اکھدا این ۔ پئی میرا حُسن پُورا اے ۔ ⁴ ۴۔ تیرا علاقہ سمندر دے وچ سی ۔ تے تیرے کاریگراں نے تیرے حُسن نوں توڑ تک اپرا دتا اے ۔ ⁵ ۵۔ اوہنان نے تیرے سارے تختے ، سنیرؔ دے صنوبر دی لکڑی نال بنائے ؛ تے لُبنان تھوں دیار لے کے تیرے لئی تھمب بنایا ۔ ⁶ ۶۔ تے باشان ؔ دے بلوط نال اوہناں نے تیرے چپو بنائے تے قبرس ؔ دے ساحلاں توں لکڑی لے کے اوہدے وچ ہاتھی دند مُڑھ کے اوہناں نے تیرے لئی چھاتا بنایا ۔ ⁷ ۷۔ مصرؔ دے مہین تے کڈھے ہوئے سوتی نال تیرا پال بنیا۔ جہنے تیرے لئی جھنڈے دا کم کیتا ؛ تیرا نیلا تے لا سُوہا تنبوُ الیشہؔ دے ساحلاں توں لیائے ہوئے کپڑے دا بنیا ۔صیداؔ تے ارودؔ دے وسنیک تیرے ملاح سن ۔ ⁸ ۸۔ اے صورؔ تیرے ای اپنے منجھے ہوئے فنکار تیرے جہازاں دے ملاح سن ۔ ⁹ ۹۔ جبل ؔ دے تجربے والے فنکار جیہڑے تیرے اُتے سوار سن۔ تیرے جہازان دے کاریگر سن۔ جیہڑے ورلاں بند کرن وچ ماہر سن ۔ سمندر تے سارے جہازاں نے اوہناں دے ملاح تیرے کول آگئے تاں جو تیریاں کاروباری شیوان دا لین دین کرن ۔ ¹⁰ ۱۰۔ فارسؔ لود ؔ تے فوط ؔ دےمرد تیرے لشکر دے سپاہی سن۔ اوہناں نے تیری دیواراں اُتے اپنی ڈھالان تے لوہے دے ٹوپ منگے ۔ تے تیری شان ودھائی ۔ ¹¹ ۱۱۔ ارودؔ تے حِلکؔ دے لوکاں نے تیری چاردیواری دی راکھی کیتی۔ تے حجاد دے لوکی تیرے بُرجاں وچ بیٹھے سن ۔ اوہناں نے اپنیاں ڈھالاں تیریاں کندھاں تے ٹنگیاں ۔ تے حُسن نوں توڑ تیِکر اپڑایا ۔ ¹² ۱۲۔ تیرے مال دے واہدے دے سببوں ترسیسؔ نے تیرے نال کاروبار کیتا ۔ کتے اوہناں نے چاندی لوہا، قلعی تے سیسا تیرے کاروبار ی شیواں دے بدلے دِتا ۔ ¹³ ۱۳۔ یاوانؔ ، توبلؔ تے میشکؔ نے تیرے نال کاروبار کیتا ۔ اوہناں نے تیریاں کاروباری شیواں دے بدلے کامے تے کانسی دیاں شیواں دتیاں ۔ ¹⁴ ۱۴۔ بیت توجرمہؔ دے لوکاں نے گھوڑیاں تے جنگی گھوڑیاں تے خچران دے بدلے تیریاں کاروباری شیواں خریدیاں ۔ ¹⁵ ۱۵۔ ددانیاں ؔ نے تیرے نال کاروبار کیتا تے ساحل دے اَن گِنت دیس تیرے گاہک سن ۔ اوہ ہاتھی دند تے آبنوس دے بدلے تیرے کول وں شیواں خرید دے سن۔ ¹⁶ ۱۶۔ تیریاں بنایاںہوئیاں ان گنت شیواں دے سببوں ارامیؔ وی تیرے نال کاروبار کردے سن ۔ تے فیروزہ ، سوُہا لال کپڑا ، کڑھائی والی دستکاری ،ودھیا سوتی کپڑا ، مونگا تے لعل بادلے وچ دیندے سن ۔ ¹⁷ ۱۷۔ یہوداہؔ تے اسرائیلؔ وی تیرے نال کاروبار کردے سن ۔ تے اوہ منیتؔ دی کنک ، مٹھائیاں ، شہد ، روغن تے بلسان دے کے تیر کولوں شیواں خرید دے سن ۔ ¹⁸ ۱۸۔ دمشقؔ وی تیریاں بنائیاں ہوئیاں دوُجیان شیواں تے چوکھے سامان دے سببوں تیرے کولوں خلیون ؔ دی مے نے چِٹی اون دا کاروبار کردا سی ۔ ¹⁹ ۱۹۔ دانی لوکان نے ازالؔ دے یونانی وی تیرے کولوں مال خرید دے سن ۔ اوہ تیریاں شیواں دے بدلے کُٹیا ہوئیا لوہا ، دارچینی تے اگرد دیندے سن۔ ²⁰ ۲۰۔ ددنؔ تیرے نال سواری دے کمبل دا کاروبار کردا سی ۔ ²¹ ۲۱۔ عربستانؔ تے قیدارؔ دے کُل امیر تیرے گاہک سن ۔ اوہ تیرے نال چھتریاں ، مینڈھیاں تے بکریاں دی تجارت کر دے سن ۔ ²² ۲۲۔ سبؔ تے رعمہؔ دے سوداگر وی تیرے نال کاروبار کردے سن تے تیرے سامان دے بدلے ہر قسم دے خالص مسالے ، مہنگے پتھر تے سونا دیندے سن ۔ ²³ ۲۳۔ حارانؔ ، کنہؔ تے عدنؔ تے سباؔ ، اسورؔ تے کلمدؔ دےسوداگر تیرے نال تجارت کردے سن ۔ ²⁴ ۲۴۔ اوہ تیرے بازاراں وچ کاروبار لئی سوہنے کپڑیاں ، نیلے رنگ دے نفیس لباساں تے دوُجیاں شیواں تے بیل بُوٹے دار دوہریان چادراں نال بھرے ہوئے دیار دے صندوق لے کے اندے سن ۔ جہناں نوں ڈاہڈیاں تناواں نال کَس کے بنھیا ہُندا سی ۔ ²⁵ ۲۵۔ ترسیسؔ دے جہاز تیرے لئی مال لبھن دا کم کردے سن۔تے سمندر دے وچ تیرے اُتے کافی سامان لدیا ہویا اے ۔ ²⁶ ۲۶۔ تیرے ملاح تینوں ڈونگے سمندر وچ لے جانے نیں ۔ پر چڑھدے دی ہوا سمندر دے وچ تیرے ٹوٹے ٹوٹے کر دے گی ۔ ²⁷ ۲۷۔ جیہڑے دن توں برباد ہوویں گی ، اوس دن تیری دولت تیرا کاروباری سامان تے بنائیاں ہوئیاں شیواں ، تیرے ملاح ، جہاز چلان والے تے جہاز بنان والے ، تیرے بیوپاری تے تیرے کل جنگی سورمے تے اوہناں دے علاوہ اک اک بندہ جیہڑا جہاز وچ سوار ہووے گا ۔ سارے جہاز وچ غرق ہو جان گے ۔ ²⁸ ۲۸۔ جدھ تیرے جہاز چلان والے چِلکن گے تدھ اوہناں دے رولے نال تیرے آل دوالے دے ساحل کمب جان گے ۔ ²⁹ ۲۹۔ کل چپٌو چلان والے ملاح اپنے اپنے جہازاں نوں رب راکھا کہہ دین گے ۔ تے ملاح تے کل جہاز چلان والے ساحلاں تے کھڑے ہوون گے ۔ ³⁰ ۳۰۔ تے او اپنی ا آواز کرن گے تے زارو زار رون گے ؛ اوہ اپنے سران وچ مٹی پان گے ۔تے سواہ وچ پلسیٹے مارن گے ۔ ³¹ ۳۱۔ اوہ تیرے لئی اپنے سر مُنان گے تے ٹاٹ پا لین گے ۔ اوہ تیرے لئی ڈاہڈے بدنی دُکھ دی شدت نال روون گے ۔ ³² ۳۲۔ جیویں جیویں اوہ تیرے لئی واویلا کرن گے تے وئین پان گے ۔ تیویں تیویں مرثیہ پڑھدے ہوئے کہن گے ؛ سمندر نال گھرے ہوئے صورؔ دے وانگ کد کسے دا مُنہہ بند کیتا گیا ؟ ³³ ۳۳۔ جد تیرا کاروباری سامان سمندر راہیں جاندا سی ۔ تدھ توں کئی قومان دیان لوڑان پُوریاں کیتیاں توں اپنی دولت تے اپنیاں بنائیاں ہوئیاں شیواں نال دنیا دے راجیاں نوں مالا مال کیتا ۔ ³⁴ ۳۴۔ ہُن تینوں سمندر نے تروڑ بھن کے اپنی ڈونگیائی وچ غرق کر دتا اے ۔ تے تیرا کاروباری سامان تے تیرے کُل ساتھی تیرے نال غرق ہو گئے ۔ ³⁵ ۳۵۔ ساحلی ملکاں وچ وسن والے لوکی تیرے سببوںحیران ہو گئے نیں ۔ اوہناں دے راجیان دے لُوں کنڈھے کھلو گئے ۔ تے ڈر نال اوہناں دے چہریاں دا رنگ بُھس گیا۔ ³⁶ ۳۶۔ دوُجیاں قومان دے کاروباری تینوں نفرت وکھاندے نیں ۔ تیرااخیر ڈاہڈا ڈرائونا ہویا ۔ ہُن تیرا ککھ ناں روے گا۔