¹ ۱۔اوہنے مینوں اکھیا اے آ مزاد اپنے پیراں تے کھلو جا جو میں تیرے نال گل کر سکاں ۔ ² ۲۔جیویں ای اوہنے اکھیا روح میرے وچ سما گئی۔ تے مینوں میرے پیراں تے کھلرایا تے میں اوہنوں اپنے نال گلاں کر دیاں سنیا۔ ³ ۳۔اوہنے اکھیا اے آدمزاد میں تینوں بنی اسرائیل کول گھل رہیا آں جیہڑی اجیہی سر کش قوم اے جنہے میرے نال بغاوت کیتی اے۔ ایں تے اوہناں دے پیو دا دے اج تک میری نافرمانی کردے نیں ۔ ⁴ ۴۔جنہاں کول میں تینوں گھل رہیا آں بڑے بے حیا پتھر دل لوک نیں اوہنا ں نوں آکھی خداوند خدا انج فر ماندا اے ۔ ⁵ ۵۔اک سرکش ٹبر ہون دے سببو اوہ سنن تے بھاویں نہ سنن تاں وی اوہ جان جان گے کہ اوہناں دے وچ اک نبی آیا اے ۔ ⁶ ۶۔تے تو اے آدمزاد اوہناں دیاں گلاں توں ناں ڈریں جد کہ توں جھاڑیاں تے کنڈیاں وچ گھریا ہو یا ایں تے بچھواں وچ رہندا ایں ۔تاں وی توں ناں ڈریں جد کہ اوہ اک سر کش قوم نیں تاں وی توں اوہناں دیاں گلاں کولوں ناں ڈریں ۔ ⁷ ۷۔توں میرا کلام اوہناں نوں سناویں بھاویں اوہ سنن تے بھاویں ناں سنن کیو ں جے اوہ سر کش ہو گئے نیں ۔ ⁸ ۸۔پر اے آدمزاد جو کجھ میں کہنا واں توں اوہنوں سَن تے اوس سر کش ٹبر وانگ سرکشی ناں کریں ۔اپنا مُنہ کھول تے جو کج وی میں تینوں دے رہیا اوہنوں کھالے ۔ ⁹ ۹۔فیر میں ویکھیا ای ہتھ میرے ول ودھیا اے جس وچ اک طور مار اے ¹⁰ ۱۰۔ جنوں اوہنے میرے اگے پھلا دتا اوہندے دویں پاسے وین،ماتم تے بڑے دکھی اکھر لکھے ہوئے سن۔