1
۱۔تیسویں ورے دے چوتھے مہینے دے پنجویں دن میں اسیراں دے وچ کبار نہر دے کنڈے تے ساں پئی اسمان کھل گیا تے میں خدا دیاں رویتاں ویکھیاں ۔
2
۲۔اوس مہینے دے پنجویں دن جیہڑا یہوکینؔ بادشاہ دے دیس نکالے دا نپجواں سال سی ۔
3
۳۔خداوند دا کلام بُوزی دے پتر حز قی ایل کاہن تے کسدیاں دے دیس وچ کبار نہر دے کنڈے تے نازل ہویا ۔
4
۴۔جدوں میں اکھاں چُکیاں تے شمال دے ولوں اک اتھری ہنیری آندی ہوئی وکھالی دتی ۔اوہ اک بہت وڈی گھٹا سی ۔جدے نال بجلی چمک ریئی سی تے اوہدے چار چو فیرے تیز چانن سی ۔ تے اوس اگ دے وچکار تائے ہوئے پیتل وانگ اک صورت وکھائی دے ریئی سی ۔
5
۵۔تے اوس اگ وچ چار جیوندیاں شکلاں نظر آرہیاں سن جیہڑیاں بندے دے مکھ وانگ سن۔
6
۶۔پر اوہناں چوں ہر اک دے چار چار چہرے تے چار چار کھنب سَن ۔
7
۷۔اوہناں دیاں لتاں سیدھیاں سن تے پیر وچھے دے کُھراں وانگر سن ۔جیہڑے قلی کیتے ہوئے کانسے وانگ چمکدے سَن۔
8
۸۔اوہناں دیاں چاراں باہواں وچ پراں دے تھلے بندے جیہے ہتھ سَن ۔اوہناں چاراں دے مکھ تے کھنب سن۔
9
۹۔تے اوہناں دے کھنب اک دوجے نوں چھوندے سَن ۔ہر اک سدھا اگاں ودھد ا سی ۔
10
۱۰۔اوہناں دے مکھ اینج وکھالی دیندے سَن پئی چاراں دا اک اک مکھ بندے دا ،اک اک مکھ ببر شیر دا سجے پاسے تے کھبے پاسے اک اک چہرہ سنڈے دا تے اک اک چہرہ عقاب جیہا سی ۔
11
۱۱۔اوہناں دے چہرے تے انیج دے سَن پر اوہناں دے کھنب اُتاں نوں پھیلے ہوئے سَن ۔ہر اک دے دودو کھنب دُوجے جاندار دےکھنباں نال ملے ہوئے سَن تے دو دو کھنباں نے ہر اک دا جُسا کجیا ہویا سی ۔
12
۱۲۔ہر جاندار سدھا اگاں ودھداسی جدھر اوہناں دا دل کردا سی اوہ جاندے سَن ۔پر ٹر دیاں ہویاں کسے وی پاسے مڑ دے نیں سَن ۔
13
۱۳۔اوہناں جانداراں دی صورت اگ نال بلدے ہوئے انگاریاں تے دویاں وانگر سی ۔اوہناں جانداراں دے وچ اگ اگے تے پچھےچلدی پھر دی سی جیہڑی بہت ای چمکیلی سی تے اوہدے وچوں بجلی نکلدی سی ۔
14
۱۴۔اوہ جاندار اینی چھیتی ایدھر اوھر نسدے سَن جیویں بجلی کُنددی اے ۔
15
۱۵۔جیویں ای میں اوہناں جانداراں تے نظر کیتی میں اوہناں چار مکھاںوالے ہر جاندار دے کول زمین تے اک پہیہ ویکھیا۔
16
۱۶۔اوہناں پہیاں دی شکل صورت اجیہی سی : اوہ فیر وزے وانگر چمکیلے سَن ۔تے چاراں پہیے اکو جئی شکل دے سَن ۔تے اوہناں دی بناوٹ اجیہی سی جیویں پہیے دے وچ پہیا ہوندا اے ۔
17
۱۷۔جدوں اوہ ٹر دے سَن تے اوہ چاراں پاسے جدھر وی اوہناں دا رخ ہوندا سی اوہ ٹر دے سَن ۔ جدوں اوہ جاندار ٹر پیندے سن فیر اوہناں دے پیئے مڑدے نیں سن۔
18
۱۸۔اوہناں دے چکے بڑے اُچے تے ڈراؤنے سَن تے اوہناں دے چکیاں دے ہر پاسے اکھاں اکھاں سَن ۔
19
۱۹۔جدوں اوہ جاندار ٹردے سَن تے اوہناں دیاں باہواں دے پہیے وی اوہناں دے نال ٹر دے سَن ۔تے جدوں اوہ جاندار دھرتی توں اُٹھدے سن تے اوہناں دے نال پہیے وی اُٹھدے سن۔
20
۲۰۔جدھر نوں دل کردا سی اوہ جاندے سن۔کیو نجو جانداراں دی روح پہیاں چہ سی ۔
21
۲۱۔جدوں جاندار ٹردے سن پہیے وی ٹر دے سن تےجدوں جاندار کھلوندے سن تے پہیے وی کھلو جاندے سن ۔جدوں جاندار دھرتی توں اُٹھدے سن اودوں پہیے وی اُٹھ جاندے سن ۔کیونجواوہناں وی روح اوہناں چہ سی ۔
22
۲۲۔تے جانداراں دے سراں تے فضا برف وانگر شفاف تے ڈراونی نظر آندی سی ۔
23
۲۳۔اوس فضا ہیٹھ اوہناں دے پر اک دوجے ول پھیلے ہوئے سن تے ہر اک دے دو کھنباں نے اوہناں دے جُسیاں نوں کجیا ہویا سی ۔
24
۲۴۔جدوں اوہ جاندار ٹرن لگے میں اوہناں دے کھنباں دی پھڑ پھڑاہٹ سنی ۔جیہڑے زور نال وگدے ہوئےپانی دے شور دے وانگ قادر مطلق دی آواز وانگ یا کسی لشکر دی ہلچل وانگ لگدی سی ۔جدوں اوہ کھوندے سن تے اپنے کھنب لمکا دیندے سن ۔
25
۲۵۔جدوں اوہ کھنب لمکائے کھلوتے سن تد اوہناں دے سر دے اتے دی فضا دے وچوں آواز آ رہی سی ۔
26
۲۶۔اوس فضا دے اُتے جیہڑی اوہناں دے سراں دے اُتے سی نیلم دا تخت وکھائی دیندا سی جدے اُتے انسان دی شکل دی کوئی ہستی سی ۔
27
۲۷۔میں ویکھیا پئی اوہ اپنے لک توں اُتے چمکیلے پیتل دابنیا ہویا سی جیویں اگ دا شعلہ ہوندا اے تے لک توں تھلے تھلے اوہ اگ ورگا جاپدا سی ۔
28
۲۸۔اوہدے چار چو فیرے دی جگمگ مینہ والے دن بدل چہ وکھالی دین والی گڈی گڈے دی پینگ وانگ سی ۔ایہہ نظارا خداوند دے جلال وانگ سی ۔جدوں میں اوہنوں ویکھیا،مُنہ پرنے ڈگ پیا تے میں اک آواز سنی جیویں کوئی بول رہیا ہووے ۔