¹ ۱۔خداوند دا کلام میرے اُتے اُترےاُتریا۔ ² ۲۔ اے آدمزاد ! اِک بُجھارت بوجھ تے اسرائیل دے گھرانے نوں ایہہ کہاوت سُنا۔ ³ ۳۔اوہناں نوں آکھ رَب خداوند اینج فرماندا اے،طاقتور بازو تے لمے پراں والا اِک وڈا عقاب جسدے وال تے پنکھ رنگ برنگے سن ، لبنان چ آیا تے اِک دیار دے رُکھ دی اُچی ٹاہن تے جا بیٹھا۔ ⁴ ۴۔اہنے اوہدی سب توں اُچی ٹہنی توڑ ی تے اوہنوں سوداگراں دے دیس لے گیا تے اوتھے اوہنوں بپاریاں دے شہر وچ لا دیتا۔ ⁵ ۵۔ اوہنے تہاڈے دیس دا کجھ بی لجا کے اوہنوں چنگی زمین چ بیج دیتا۔اوہنے اوہنوں بوہتے پانیاں دے کنڈے زمین چ بید وانگ لایا۔ ⁶ ۶۔تے او اُگ کے اِک نیکے قد دی چھتری دار انگور دی بیل بن گئی۔ اوہدیاں ٹہنیاں اوہدے وَل جھکیاں ہوئیاں سن پر اوہدیاں جڑاں اوہدے ای ہیٹھاں رہیاں ایسطراں اوہ رُکھ انگور دی بیل بن گیاتے اوہدے وچ ٹہنیان نکلیاں تے پھُٹاں پنگریاں۔ ⁷ ۷۔پر اوتھے اِ وڈا عقاب ہور سی ۔جسدے بازو وڈے سن۔تے پراں والاں نال بھریا ہویا سی۔ ہن اوس انگور دی بیل نیں جیہڑی کیاری وچ اوہ لائی گئی سی اوتھوں اپنیاں جڑاں عقاب وَل ودھائیاں تے اپنیاں ٹہنیاں اوہدے وَل کھلاریاں تاں جو اوہ اوہناں نون پانی لائے۔ ⁸ ۸۔اوہنو جنگی تے پانی نال رسی ہوئی زمین چ لایا گیا سی تاں جو اوہدیاں ٹہنیاں نکلن تے اوہدے وچ پھل لگن تے اوہ بوہت ای ودھیا انگوراں دی بیل بنے۔ ⁹ ۹۔ اوہناں نوں آکھرَب خداوند اینج فرماندا اے : کی اوہ ودھے پھلے گی؟ کی اوہنوں ٹہنیاں نکلن تے اوہدے وچ پھل لگن تے اوہ بوہت ای ودھیا انگوراں دی بیل بنے۔ ¹⁰ ۱۰۔ جے اوہنوں فیر لایا جاوے تے کی اوہ ودھ سکے گی؟ جدوں چڑھدے وَل دی ہوا اوہدے نال وجےگی اوہ اُکی سُک نئیں جاوے گی تے اوسے کیاری وچ آدھ موئی نئیں ہو جاوے گی جیہدے وچ اوہ ودھی سی؟ ¹¹ ۱۱۔فیر خداوند دا کلام میرے اُتریا ۔ ¹² ۱۲۔ایس باغی گھرانے نون آکھ !کی تُسی ایناں دا مطلب نئیں جاندے ؟ اوہناں نوں آکھ بابل دا بادشاہ ،یروشلیم گیا تے اوہدے بادشاہ تے سرداراں نو ں لے کے بابل پرت گیا۔ ¹³ ۱۳۔فیر اوہنے شاہی گھرانے چوں اِک بندے نوں لیا تے اوہدے نال قول بنیا تے اوہدے توں سوں لئی ۔ اوہ دیس دے وڈے لوکاں نوں وی نال لے گیا۔ ¹⁴ ۱۴۔تاں جو اوہ دیس پست ہو جاوے تے فیر کدی سر نی چُکے ایہدی بجائے اوہدے قول نوں یاد رکھے تے قیم رہوے۔ ¹⁵ ۱۵۔پر بادشاہ نیں اوہدے خلاف بغاوت کیتی تے بوہت سارے بندے تے گھوڑے لین لئی مصر نوں ایلچی گھلے۔ کی اوہ جیت جاوے گا؟کی ایسطراں دے کم کرن والا بندہ بچ سکدا اے ؟کی اوہ قول توڑ کے وی بچ جاوے گا؟ ¹⁶ ۱۶۔رَب خداوند اینج فرماندا اےمیری جان دی سوں اوہ بابل وچ مطلب اے اوسے بادشاہ دے دیس وچ مرجاوے گا جینے اوہنوں تخت تے بٹھایا ، جس دی سوں نوں اوہنے حقیر جانیا تے جیدے قول نوں اوہنے توڑیا ۔ ¹⁷ ۱۷۔جدوں بوہت سارے لوکاں نوں قتل کرن لئی مورچے بنے جان کے تے بُرج بنائے جان گےتد فرعون اپنے وڈے لشکر تے وڈے جتھے دے ہوندیاں ہویاں ویں لڑائی وچ اوہدی مدد نئیں کر سکے گا۔ ¹⁸ ۱۸۔اوہنے قول توڑکے سوں دی حقارت کیتی ۔ اوہنے سوں کھا کے وی ایہو جہیے کا م کیتے ایس لئی اوہ بچ نئیں سکے گا ۔ ¹⁹ ۱۹۔ایس لئی رَب خداوند اینج فرماندا اے : مینوں اپنی جان دی سوں میری ای سوں دی اوہنے حقارت کیتی تے میرے جس قول نوں اوہنے توڑیا اوہنو میں اوہدے ای سر تے لاواں گا۔ ²⁰ ۲۰۔میں اوہدے لئی اپنا جال وچھاواں گا تے اوہ میرے پھندے چ پھس جاوے گا میں اوہنو ں بابل لیا کے اوتھے اوہدا فیصلہ کران گا ۔ کیوں جو اوہنے میرے نال بے وفائی کیتی ۔ ²¹ ۲۱۔اوہدے سارے گھمنڈی سپائی تلوار نال مارے جان گے تے بچے ہوئے لوکی ہوا وچ نکھیڑ دِتے جان گے ۔تد تُسی جان لو گے پئی میں خداوند نیں ایہہ فرمایا اے۔ ²² ۲۲۔رَب خداوند اینج فرماندا اےمیں آپ وہ دیار دے سرے توں اِک ٹہنی لے کے لاواں گا ۔میں اوہدی سب توں اُچی شاخ وچوں اِک بوہت کولی ٹہنی لے کے اوہنو اِ ک اُچے تے بلند پہاڑ تے لاواں گا ۔ ²³ ۲۳۔میں اوہنوں اسرائیل دے اُچے پہاڑ تے لاواں گا ۔اوہدے وچ شاخاں پُھٹن گیاں تے پھل لگن گے تے اوہ بوہت ودھیا دیار بن جاوے گا ۔طراں طراں دے پنچھی اوہدے وچ آہلنہ پان گے تے اوہدی ٹہنیاں دی چھاں چ رہن گے۔ ²⁴ ۲۴۔تد میدان دے سارے رُکھ جان لین گے پئی میں خداوند اُچے رُکھ نوں ڈیگ دِتا تے سُکے رُکھ نوں ہرا کر دِتا۔میں خداوند نیں ایہہ فرمایا اےتے میں اوہنو کراں گا۔