¹ ۱۔خداوند دا کلام مرے تےاتریا۔ ² ۲ ۔تسیں جدوں اسرائیل دے دیس بارے ایہہ اکھان پاندے اوہ ایہدا کی مطلب اے پئی کھٹے انگور تے پیو دادا نے کھادے تے دند بچیاں دے کھٹے ہوئے؟ ³ ۳۔نئیں خداوند خدا ایہہ فر ماندا اے پئی میری حیا ت دی قسمتسی فیر اسرائیل چ ایہہ اکھان نہ پاؤ گے ۔ ⁴ ۴۔ ویکھو ہر جیوندی جان میری اے پیو دی جان تے پتر دی جان دونویں میریاں نئیں ۔ جیہڑی جان پاپ کرے گی اوہو مرے گی ۔ ⁵ ۵۔پر جیہڑا بندہ سچا اے تے اوہدے کم ٹھیک نیں تے نیاں کرن والے کم کردا اے ⁶ ۶۔جے اوہ پہاڑ دے بُت خانیاں دی قربانی نئیں کھاندا تے ناں ای اسرائیل دے گھرانے دے بُتاں ول اکھاں چکدا اے نہ ای اپنے گوانڈی دی بیوی نوں بے حرمت کردا اے نہ حیض دی حالت وچ اپنی بیوی دے کول جاندا اے ⁷ ۷۔اوہ کِسے تے ظلم نئیں کردا سگوں قرض دی تھاں تے گہنے پئی ہوئی شے نوں موڑ دیندا اے اوہ ڈاکا نئیں ماردا سگوں اپنی روٹی بُھکے نوں دیندا اے تے ننگے نوں کپڑے پواندا اے ⁸ ۸۔اوہ گھینے پاکے لین دین نئیں کردا نہ ای بہتا بیاج لیندا اے اوہ بدکاری توں دور رہندا اے تے لوکاں دے وچ سچیائی نال نیاں کردا اے ⁹ ۹۔اوہ میرے حکماں تے ٹر دا اے تے ایمانداری دے نال میری شریعت تے عمل کردا اے اوہ بندہ راستباز اے تے اوہ پکا جیوے گا خداوند خدا فر ماندا اے ⁸ ۸۔اوہ گھینے پاکے لین دین نئیں کردا نہ ای بہتا بیاج لیندا اے اوہ بدکاری توں دور رہندا اے تے لوکاں دے وچ سچیائی نال نیاں کردا اے ⁹ ۹۔اوہ میرے حکماں تے ٹر دا اے تے ایمانداری دے نال میری شریعت تے عمل کردا اے اوہ بندہ راستباز اے تے اوہ پکا جیوے گا خداوند خدا فر ماندا اے ¹⁰ ۱۰۔فرض کرؤ پئی اوہدے ہاں اک تیز ترار پُتر اے جیہڑا لہو وگاندا اے تے ایہناں برائیاں وچوں کجھ کردا اے ¹¹ ۱۱۔ حالانکہ پیو نے ایہنا نوچوں اک وی برائی نئیں کیتی اوہ پہاڑ دے بت خانیاں وچ قر بانی دا گوشت کھاندا اے اپنے گوانڈی دی بیوی دی بے حر متی کردا اے ¹² ۱۲۔اوہ غر یب تے محتاج تے ظلم ڈھاندا اے اوہ ڈاکا ماردا اے تے گھنے پائی ہوئی شے واپس نئیں کردا اوہ بتاں ول اکھیاں چُکدا اے تے نفرت جوگ کم کردا اے ¹³ ۱۳۔اوہ بیاج تے لین دین کردا اے تے بہتا بیاج لیندا اے۔ کیہ ایہو جیا بندہ جیوندا رہوے گا؟ اوہ ہر گز زندہ نئیں رہوے گا کیو نجو اوہنے یہ سارے کم کیتے نیں ایس لئی اوہ سچی مچی ماریا جائے گا تے اوہدہ خون اوہدے اپنے سرتے ہووے گا ¹⁴ ۱۴۔پرفرض کرو پئی اوس دا پتر اے جیہڑا اپنے پیو نوں ایہہ سارے پاپ کردے ہوئے ویہندا اے تے پاویں ایہناں نوں ویہندا فیر وی آپ اجیہیاں حر کتا ں نئیں کردا ¹⁵ ۱۵۔اوہ پہاڑ دے اُتے بُت خانیاں دی قربانی دا گوشت نئیں کھاندا یا بنی اسرائیل دے بُتاں ول دھیان نئیں لاندا اوہ اپنے گوانڈی دی بیوی دی بے حر متی نئیں کردا۔ ¹⁶ ۱۶۔اوہ کِسے تے ظلم نہیں کردا نہ قرض دین لئی کسی شے نوں گھنے رکھن دی ضد کردا اے اوہ ڈاکا نئیں ماردا سگوں اپنی روٹی بُھکے نوں دیندا اے تے ننگے نوں کپڑے پاندا اے ¹⁷ ۱۷۔اوہ بدکاری توں دور رہندا اے تے ناجائز نفع تے زیادہ بیاج نئیں لیندا اوہ میری شریعت تے عمل کردا اے تے میرے آئین تے چلدا اے اوہ اپنے پیو دے گناہ دی وجہ توں نئیں مرے گا اوہ سچی مچی جیوندا رہوے گا ۔ ¹⁸ ۱۸۔پر اوہدا پیو اپنے گناہ دے سببوں مر جاوے گا کیو نجو اوہنے زبر دستی مال حاصل کیتا ۔اپنے بھرا نوں لُٹیا تے اپنے لوکاں وچ غلط کم کیتے ۔ ¹⁹ ۱۹۔فیر وی تسی پچھدے اوہ پئی پتر پیو دے گناہ دا بھار کیوں نئیں چُکدا ؟ کیوں جو بیٹے نے اوہو کیتا جیہڑا جائز تے روا سی تے میرے آئین تے عمل کردا رہیا۔ایس لئی اوہ ضرورزندہ رہوے گا ۔ ²⁰ ۲۰۔جیہڑی جان گناہ کردی اے اوہو مردی اے ۔پُتر پیو دے گناہ دا بوجھ نئیں چُکے گا نہ پیو پُتر دے گناہ دا بوجھ چُکے گا۔راستباز دی راستبازی اوہدے حق وچ گنی جاوے گی۔تے شریر دی شرارت اوہدے خلاف گنی جاوے گی ۔ ²¹ ۲۱۔پر جے بدکار بندہ اپنے کیتے ہوئے سارے گناہواں توں باز آئے تے میرے سارے آئین تے چلے تے جائز تے ٹھیک کم کرے فیر اوہ ضرور جیوے گا ۔اوہ نئیں مرے گا ۔ ²² ۲۲۔اوہدے کیتے ہووے پاپاں وچوں اک وی اوہدے خلاف یاد نئیں کیتا جاوے گا۔اپنےکیتے ہوئے رستبازی دےکماں دی وجہ توں اوہ جیوندا رہوے گا ۔ ²³ ۲۳۔کہیہ شر یر دی موت وچ منیوں خوچی ہوندی اے ؟ خداوند خدا فر ماندا اے ۔۔سگوں کہیہ مینوں ایس توں خوشی نئیںہوندی پئی اوہ اپنی روش توں باز آوے تے زندہ رہوے ۔ ²⁴ ۲۴۔پر جے اک راستباز بندہ اپنی راستبازی نوں چھڈ دیوے تے پاپ کرے تے اوہ قابل نفرت حر کتاں کرے جیہڑیاں اک شریر بندہ کردا اے تے کہیہ اوہ جیوندا رہوے گا؟ اوسدے کیتے ہوئے راستبازی دے کماں چوں کوئی وی کم یاد نئیں کیتا جاوے گا ۔اپنی بے وفائی دے جرم وچ تے اپنے کیتے ہوئے پاپاں دے کارن وہ مر جاوے گا ۔ ²⁵ ۲۵۔فیر وہ تسیں کہندے اوہ پئی خدا دی روش انصاف والی نئیں ۔اے بنی اسرائیل سُنو : کہیہ میری روش راست نئیں ؟یا کہ تہاڈیاں روشاں راست نئیں ؟ ²⁶ ۲۶۔جے کوئی راستباز بندہ اپنی راستبازی چھڈ دیوے تے گناہ کرے تے اوہ ایس وجہ توں مر جاو ے گا ۔ ²⁷ ۲۷۔پر جے کوئی بدکار بندہ اپنی کیتی ہوئی بدی توں باز آوے تے اجیہے کم کرے جیہڑے جائز تے روا نئیں ،تے اوہ اپنی جان بچاوے گا ۔ ²⁸ ۲۸۔کیونجو اوہو اپنے سارے پاپاں تے غور کر کے اوہناں توں بازآندہ اے ۔ایس لئی اوہپکا زندہ رہوے گا ۔اوہ نئیں مرے گا۔ ²⁹ ۲۹۔فیر وی بنی اسرائیل کہندے نیں پئی خداوند دی روش انصاف والی نئیں ۔اے بنی اسرائیل کہیہ میریاںروشاں نا راست نیں تے تہاڈیاں روشاں ناراست نئیں ؟ ³⁰ ۳۰۔ایس لئی اے بنی اسرائیل میںتہاڈے چوں ہر اک دا اپنی اپنی روش دے حساب نال نیاں کراں گا ۔خداوند خدا فر ماندا اے ۔توبہ کرؤ تے اپنے سارے بھیڑے کماں توں باز آؤ ۔فیر گناہ تہاڈے ڈگن دا باعث نئیں ہووے گا ۔ ³¹ ۳۱۔اپنے سارے پاپاں توں بری ہو جاؤ تے اپنے لئی نواں دل تے نویں روح پیدا کرلو ۔اوے بنی اسرائیل تسیں کیوں مرو گے ؟ ³² ۳۲۔کیو نجو مینوں کِسے دی موت تے خوشی نئیں ہوندی ۔خداوند خدا فرماندا اے ۔ایس لئی توبہ کرو تے زندہ رہوو۔