¹ ۱۔میں تکیا تے ویکھیا پئی کروبیاں دے سیراں دے اُتے دی جیہڑی فضا سی۔اوہدے اُتے نیلم دے تخت وانگ کوئی شے سی دیسدی اے۔ ² ۲۔خداوند نیں سُتی کپڑے پائے ہوئے بندے نوں آکھیا ،کروبیاں دے ہیٹھلے پہیاں چ چلاجا تے اپنیاں دونویں مُٹھیاں نوں کروبیاں دے وچوں پخدے ہوئے کولے چُک کے بھر لے اوہناں نوں شہر اُتے نکھیڑ دے۔میرے ویکھدیاں ویکھدیاں اوہ اوہناں دے وچ چلا گیا۔ ³ ۳۔جدوں اوہ بندہ اندر گیا تد کروبی ہیکل دے دکھن وَل کھرے سن تے اندرلے ویہڑے چ بدل چھایا ہویا دی۔ ⁴ ۴۔اوس ویلے خداوند دا جلال کروبیاں اُتوں ہٹ کے ہیکل دی برونہہ وَل وَدھیا۔ہیکل بدل نال بھر گئی تے ویہڑا خداوند دے جلال دے نور نال بھر گیا۔ ⁵ ۵۔کروبیاں دے پراں دی آواز باہرلے ویہڑے تِک سنائی دیندی سی۔ جیہڑی قادرِمطلق دے کلام دے وانگ سی۔ ⁶ ۶۔جدوں خداوند نیں سُتی کپڑے پائی ہوئے بندے نوں حکم دیتا۔پئی اوہ پہیاں دے اندروں کروبیاں دے وچوں اَگ لوے۔تد اوہ بندہ اندر گیا تے اِک پہیے دے کول جا کھلوتا۔ ⁷ ۷۔تد اوہناں کروبیاں وچوں اِک نیں اپنا ہتھ اَگ وَل وَدھایا جیہڑی اوہناں چ بلدی سی۔ اوہنے اوہدے وچوں کجھ اَگ لئی تے سُتی کپڑیاں والے بندے دے ہتھ تے رَکھ دِتی ۔ تے اوہ اوہنو لے کے باہرٹور گیا۔ ⁸ ۸۔(کروبیاں دے پراں دے ہیٹھاں کوئی ایہو جیہی شے دیسدی سی جیہڑی انسان دے ہتھ وانگ سی۔ ⁹ ۹۔میں تکیا تے کروبیاں دے کول چار پہیے ویکھے۔ سارے کروبیاں کول اِک اِک پہیا سی تے اوہ پہیے فیروزہ دے وانگ لشکدے سن ۔ ¹⁰ ۱۰۔بناوٹ چ تے اوہ چاروں اِک جیہے سن ۔ ہر اِک پہیا اینج دیسدا سی جیویں اِک پہیا دوسرے دے اندر اے۔ ¹¹ ۱۱۔جدوں اوہ ہلدے تد اوہناں چاراں سمتاں وچوں جدھر کروبیاں دا رُخ ہوندا سی، کسے اِک سَمت وَل چل پیندے سن ۔ جدوں کروبی چلن لگدے سن تد پہیےمُڑدے نئیں سن۔ کروبی اوسے سَمت وَل ٹور پیندے سن جدھر اوہناں دے سراں دا رُخ ہوندا سی اورہ چلن ویلے مڑ دے نئیں سن۔ ¹² ۱۲۔اوہناں دی کنڈ ، اوہناں دے ہتھا ں تے اوہناں دے پراں تے اوہناں دے چار پہیاں سمیت اوہنا ں دے سارے جُثے تے اَکھا ں ای اَکھاں سن۔ ¹³ ۱۳۔ میں اوہناں پہیاں نوں چرخ اکھواندے سُنیا۔ ¹⁴ ۱۴۔سارے کروبیاں دے چار چار منہ سن۔ اِک منہ تے کروبی دا سی دوجا انسان دا تیجا شیرِ ببر دا تے چوتھا عقاب دا سی۔ ¹⁵ ۱۵۔ تد کروبی اُتاں نوں اُٹھے ۔ ایہہ اوہو ای جاندار سن جِناں نوں میں نہر کبار دے کنڈے ویکھیا سی۔ ¹⁶ ۱۶۔جدوں کروبی ہلدے سن تد اوہناں دے نیڑے پہیے وی ہلدے تے جدوں کروبی دھرتی توں اُٹھن لئی اپنے پنکھ کھلار دے تے تد وی پہیے اوہناں توں وَکھ نئیں ہوندے سن۔ ¹⁷ ۱۷۔جدوں کروبی رُک جاندے تد اوہ وی رُک جاندے تے جدوں کروبی اُٹھدے تد اوہ وی اوہناں دے نال اُٹھ جاندے سن کیوں جو جاندار دی روح اوہناں چ سی ۔ ¹⁸ ۱۸۔تد خداوند دا جلال ہیکل دی برونہہ توں ہٹ کے کروبیاں دے اُے آکے رُکیا ۔ ¹⁹ ۱۹۔میں ویکج ای رہیا سی پئی کروبیاں نیں اپنے پنکھ کھلارے تے دھرتی اُڈ گئے تے جیویں ای اوہ چلے گئے پہیے وی اوہناں دے نال چلے گئے۔ اوہ خداوہند دے گھر دے چڑھدے وَل پھاٹک دے اُتے رُکے تے اسرائیل دے خدا دا جلال اوہناں دے اُتےظاہرہویا۔ ²⁰ ۲۰۔ایہہ اوہو ای جاندار نیں جناں نوں میں اسرائیل دے خدا دے ہیٹھا ں نہر کبار دے کنڈے ویکھیا سی تے میں ویں پچھان لیا پئی اوہ کروبی سن۔ ²¹ ۲۱۔ساریاں دے چار چار منہ تے چار چار پنکھ سن تے اوہناں دے پنکھا ں دے ہیٹھاں انسان جہیے ہتھ سن۔ ²² ۲۲۔اوہناں دے منہ دی صورت اونج ای سی جسطراں میں نہر کبار دے کنڈے ویکھی سی۔ سارے سیدھے اَگے نوں ای ودھ دے سن۔