¹ ۱۔فیر روح مینوں چک کے خداوند دے گھر دے اُس پھاٹک تے لے آئی جندا رخ مشرق ول اے اوتھے پھاٹک دے بوہے تے پنجی بندے سن۔جناں وچ عزار دا پتر یازنیاہ تے بنایاہ دا پتر پیلا طیاہ نوں ویکھیا جیہڑے قوم دے سرداراں وچوں سن ۔ ² ۲۔خداوند نے مینوں آکھیا اے آدمزاد ایں اوہ لوکی نیں جیہڑے ایس شہر وچ بھیڑے منصوبے بنادے نیں۔ ³ ۳۔اوہ کہندے نیں پئی مکان بنان دا ویلہ نیڑے نیں اے ۔اے شہر دیگ اے تے اسی گوشت آں ۔ ⁴ ۴۔ایس لئی ایناں دے خلاف نبوت کر اے آدمزاد نبوت کر ۔ ⁵ ۵۔تد خداوند دی روح میرے تے نازل ہوئی اوہنے مینوں اے اکھن دا حکم دتا خداوند انج فرماندا اے ،اے بنی اسرائیل تسی اے کہہ رہے اوہ پر میں جانداں کہ تہاڈے دل وچ کی اے ۔ ⁶ ۶۔تساں ایس شہرو چ بڑے لوکاں نوں قتل کیتا تے اوہدے سڑکاں نوں لاشاں نا ل بھر دتا ۔ ⁷ ۷۔ایس لئی خداوند خدا انج فرماندا اے جیہڑیاں لاشاں تسی اوتھے سٹییاں نیں اور گوشت نیں ۔ تے ایہہ شہر دیگ اے پر میں تہانوں اوتھوں باہر کڈھ دیاں گا ۔ ⁸ ۸۔تسی تلوار توں ڈر دے او پر میں تہاڈے خلاف تلوار ہی لیاواں گا اے خداوند خدا فرماندا اے ۔ ⁹ ۹۔میں تہانوں شہر توں باہر کڈھ دیا گا تے پر دیسیاں دے حوالے کر دیاں گا تے تہانوں سزا دیوا ںگا ۔ ¹⁰ ۱۰۔میں تہانوں اسرائیل دیاں سر حداں تے سزا دا حکم سناواں گا ۔پر تسی تلوار نال مارے جاو گے فیر تسی جان لو و گے کہہ میں خداوندآ ں۔ ¹¹ ۱۱۔ایہہ شہر تہاڈے لئی دیگ نیں ہو وے گا نہ تسی اوندے اندر دا گوشت ہوو گے میں تہانوں اسرائیل دیاں سرحداں تے سزا دا حکم سناواں گا ۔ ¹² ۱۲۔تے تسی جان لو گے پئی میں خداوند آں کیو نجو تسی میرے حکماں نوں نہ منِیا نہ میری شریعت تے عمل کیتا ۔سگوں تسی اوہناں قوماں دے حکماں تے چلے جیہڑے تہاڈے چار چوفیرے نیں ۔ ¹³ ۱۳۔ہن جدوں میں نبوت کرن ڈھیا ساں تے بنایا ہ دا پتر پیلا طیاہ مر گیا ۔فیر میں اوندھےمنہ ڈیگ پیا تے اُچی آواز نال بول اٹھیا پئی اے خداوندخدا کی توں اسرائیل دے باقی بچے ہوئے لوکاں نوں موہڈوں مکا دیواں گا ۔ ¹⁴ ۱۴۔خداوند دا کلام میرے تے نازل ہویا ۔ ¹⁵ ۱۵۔اے آدمزاد تیرے بھراواں ہاں تیرے بھراواں تیرے رشتہ داراں ،ایتھوں تک کہ اسرائیل دی ساری آل نوں ہاں اوہناں ساریاں نوں یروشلیم دے رہن والیاں نیں کہیا اے خداوند خدا توں دور دور رہوو ایہہ ملک سانوں وراثت چ دتا گیا اے ۔ ¹⁶ ۱۶۔ایس لئی توں کہہ خداوند خدا انیج فرماندا اے بھاویں میں اوہناں نوں بڑی دور وکھری قوماں وچ گھلیا اے تے ویکھ دیساں چ کھلا ر دتا اے تدوی کجھ ویلے لئی اوہناں دیساں چ جتھے اوہ گے اوہناں دا مقدس بنیا رہیا ہاں ۔ ¹⁷ ۱۷۔ایس لئی تو ں دس پئی خداوند انیج فر ماندا اے میں تہانوں مخلتف قوماں چوں کٹھا کراں گا تے اوہناں ملکاں چوں موڑ لیاواں گا جتھے تسی اڈواڈ کیتے گے سو تے میں تہانوں اسرائیل دا دیس پھیر دیواںگا ۔ ¹⁸ ۱۸۔تےسارے اوتھے آن گے تے اوہدیاں ساریاں نفرتی تے مکروہ شیواں نوں اوتھوں دور کر دین گے ۔ ¹⁹ ۱۹۔میں اوہناں نوں نواں دل دیاں گا تے اوہناں چ نویں روح پاواں گا ۔تے اوہناں نوں گوشت ورگا کولہ دل دیاں گا ۔ ²⁰ ۲۰۔فیر اوہ میرے حکماں نوں منن گے تے میں شریعت تے عمل کرن گے اوہ میرے لوکی ہوون گے تے میں اوہناں دا رب ہوواں گا ۔ ²¹ ۲۱۔پر جنہاں دے دل اپنایاں بھہیڑ یاں مورتاں تے مکروہ بُتاں دے پچاری نیں اوہناںدی روش اوہناں دے ای سر تے لیاواں گا ایہہ خداوند خدا فرماندا اے ۔ ²² ۲۲۔تد کروبیاں نے جنہاں دے کول پہیے سن ۔اپنے پر پھیلا ے ،تے اسرائیل دے خدا دا جلال اوہناں دے اُتے سی ۔ ²³ ۲۳۔خداوند دا جلال شہر وچوں اُتاں اٹھیا تے اوس پہاڑ تے جا کھلوتا جیہڑا شہر دے مشرق وچ اے ۔ ²⁴ ۲۴۔ فیر روح نے مینوں چک لیا تے خدا دی روح دی قدرت نال میں رویا چ ویکھیا پئی میں کسدیاں دے دیس وچ جلا وطناں دے کول اپڑ گیاواں فیر اوہ رویا جیہڑی میں ویکھی سی میرے کولوں ہٹ گئی ۔ ²⁵ ۲۵۔تے میں دیس نکالیاں نوں اوہ ساریاں گلاں دس دتیاں جیہڑیاں خدا وند نے میرے تے کھولیاں سن۔