¹ ۱۔فیر میں اوہنوں اُچی اواز چہ کوندیا سنایا ۔کہ شہر دے راکھے اپنے اپنے ہتھارا ں نال ایتھے آ ؤ ۔ ² ۲۔تے میں چھ بنداں نوں اپنے اپنے مار مکان والے ہتھاراں سنے اوتھے پھاٹک توں آوندے ویکھیا ۔جہندا رخ شمال ول سی ۔اوہناں دے نال اک بندہ سوتی کپڑے وچ سی ۔ جدے کول لکھاری دا تھیلا سی ۔اوہ اندر آ کے پیتل دے مذبح کول کھلو گے ۔ ³ ۳۔تے اسرائیل دے خدا دا جلال کروبیاں توں اُٹھ کے ہیکل دی برو ں تے آ گیا ۔فیر رب نے اُس بندے نوں سدھایا ۔جہنیں سوتی کپڑے پائے ہوئے سن ۔جیدے کول لکھاری دا بستہ وی سی ۔ ⁴ ۴۔تے اوہنوں آکھیا ۔یروشلیم دے سارے شہر وچ دورہ کر ۔ تے اوہناں سارے لوکاں دے متھاں تے نشان لا جیہڑے شہر وچ ہوون والے مکرو کماں دی وجہ توں دکھی نیں تے نالے روندے نیں ۔ ⁵ ۵۔اوہنے میرے سندے ہویاں دوجیاں نوں آکھیا شہر وچ اوہدے پیچھے پیچھے ٹر کے تے کسے دے نال وی رحم یا ہمدردی نہ کرو تے قتل کردتے جاؤ گے۔ ⁶ ۶۔بزرگاں ،جواناں ،سوہنیاں کُڑھیاں ،زنانیاں تے بالاں نوں قتل کرو ۔پر جیناں تے نشان ہووئے اوہناں نوں ہتھ وی نہ لاؤ ۔میرے گھر توں شروع کرو ۔ایس لئی اوہناں نے بزرگاں توں شروعات کیتی ۔جیہڑے ہیکل دے سامنے سن ۔ ⁷ ۷۔فیر اوہنے اوہناں نوں آکھیا ۔ہیکل نوں پلیت کرو تے ویڑے نوں لاشاں نال بھر دیو۔جاؤ! سو وہ باہر نکلے تے سارے شہر وچ قتل کردے پھرے ۔ ⁸ ۸۔جدوں اوہ قتل کر رے سن میں کلیِاں بچ گیا ۔تدوں میں منہ پرنے ڈگ کے تے چلا کے آکھیا ۔ہائے ربا کی توں اپنا قہر یروشلیم تے نازل کر کے اسرائیل دے باقی بچے ہووے لوکاں نوں وی تباہ کردیں گا ؟ ⁹ ۹۔اوہنے جواب دتا ۔بنی اسرائیل تے یہوداہ دی بدکاری ڈاہڈی ایہہ دیس دے اندر خون خرابا مچایا اے تے شہر بے انصافی نا ل بھریا اے ۔اوہ کہندے نیں کہ رب خدا دیس نوں چھڈ دتا اے ۔تے اوہ کجھ نیں ویکھدا ۔ ¹⁰ ۱۰۔ایس لئی میں اوہناں تے ترس نہ کھاواں گا ۔نہ ہی ڈِھل کراں گا ۔سگوں جو کجھ اوہناں نے کیتا اے ۔اوہنا دے آگے سراں تے لیاواں گا ۔ ¹¹ ۱۱۔فیر اُوس آدمی نے جنہیں سوتی کپڑے پائے ہوئے سی تے جہیدے کول لکھاری دا بستہ سی ۔آکے اے خبر دتی کہ میں تیرے حکم نوں پورا کر دتا اے ۔