1
.بضلی ایلؔ نے صندُوق کِکر دی لکڑ دا بنایا۔ اوہدی لَمیائی ڈھائی ہتھ اَتے چوڑائی ڈیڑھ ہتھ اَتے اُچیائی ڈیڑھ ہتھ سی۔
2
.اوہنے اوہدے اندر باہر پاسے دا سونا مَڑھیا اَتے اوہدے لئی چار چوفیرے اِک سونے دی کِناری اُتلے پاسے لئی بنائی۔
3
.اوہنے اوہدے چَواں پاوّیاں لئی سونے دے چار کڑھے ڈھالے۔ دوکڑے اوہدے اِک پاسے اَتے دو کڑے اوہدے دُجے پاسے سَن۔
4
.اوہنے کِکر دی لکڑ دے دو ڈَنڈے بنا کے اوہناں تے سونا مَڑھیا۔
5
.اوہنے ڈنڈیاں نُوں صندُوق دے دُوںواں پاسیاں دے کڑیاں وِچ پایا تاں جو صندُوق چُکیا جا سَکے۔
6
.اوہنے صندُوق دا سرپوش پاسے دے سونے دا بنایا اَتے اوہدی لَمیائی ڈھائی ہتھ اَتے چوڑائی ڈیڑھ ہتھ سی۔
7
. بضلی ایلؔ نے صندُوق دے سرپوش دے دُوںواں سریاں تے دو کروبی سونے دے کَڑھ کے بنائے۔
8
.اِک کروبی نُوں اوہنے اِک سرے تے دَھریا اَتے دُوجے نُوں دُوجے سرے تے ۔ دُوںواں سریاں دے کروبی اَتے سرپوش اِکو ہی ٹُکرے دے بنے ہوئے سَن۔
9
.کروبیاں دے کھمب اُتلے پاسیوں پھیلے ہوئے سَن اَتے اوہناں دیاں کھمباں نال سرپوش ڈھکیا ہویا سی۔ اَتے اوہناں کروبیاں دے مُنہ آمو سامنے صندُوق دے سرپوش وَل سَن۔
10
.بضلی ایلؔ نے میز کِکر دی لکڑی دا بنایا۔ اوہدی لَمیائی دو ہتھ، چوڑائی اِک ہتھ اَتے اُچیائی ڈیڑھ ہتھ سی۔
11
.اوہنے میز نُوں پاسے دے سونے نال مَڑھیا اَتے اوہدے چار چوفیرے سونے دی کِناری بنائی۔
12
. اوہنے اِک کنگنی چار اُنگل چوڑی اوہدے چار چوفیرے رَکھی اَتے اوس کنگنی تے سونے دی کناری بنائی۔
13
. اوہنے اوہدے لئی سونے دے چار کڑے ڈھال کے چَواں پاویاں دے چواں نُکراں وِچ لائے۔
14
. ایہہ کڑے کنگنی دے کول سَن تاں جو میز چُکن والے ڈنڈیاں لئی خانیاں دا کَم دین۔
15
.اَتے اوہنے میزچُکن لئی اوہ ڈنڈے کِکر دی لکڑی دے بنائے اَتے اوہناں نُوں سونے نال مڑھیا۔
16
.اَتے اوہنے میزتے دَھرن والے سارے پانڈے مطلب کے اوہدے ڈوہنگے، چمچے، وڈے وڈے پیالے اَتے صراہیاں پاسے دے سونے دیِاں بنائِیاں۔
17
.بضلی ایلؔ نے دیِوے دانی پاسے دے سونے دی بنائی۔ اوہنے دیِوے دانی اوہدے پاوے اَتے اوہدی ڈنڈی سنہے بنائی۔ اوہدیِاں پیالیِاں، لاٹو اَتے پھُل اِکو ہی ٹکڑے دے بنے ہوئے سَن۔
18
.چھے بانہواں اوہدے دُوںواں پاسیوں ودھیِاں ہوئیِاں سَن مطلب کے دیِوے دانی دیِاں تِن بانہواں اِک پاسیوں اَتے تِن بانہواں دُوجے پاسیوں۔
19
.پہیلی بانہہ تے بادام دے پُھل ورگیِاں تِن پیالیِاں، اِک لاٹو اَتے اِک پُھل سی اَتے دُوجی بانہہ تے وی بادام دے پُھل ورگیِاں تِن پیالیِاں اِک لاٹو اَتے اِک پُھل سی۔مطلب کے دیِوے دانی دِیاں چھیوے بانہواں تے سب کُجھ اِکو جیہا سی۔
20
.اَتے دیِوے دانی دے وِچکارلے تنے اُتے بادام دے پُھل ورگیِاں چار پیالیِاں اپنے اپنے لاٹو اَتے پُھل سنہے بنیاں ہوئیِاں سَن۔
21
. پہیلیِاں دو بانہواں دے ہیٹھ پُھل تے لاٹو اِک ہی ٹکڑے دے بنے ہوئے سَن اَتے دُوجیِاں دو بانہواں ہیٹھ پُھل تے لاٹو وی اِکو ٹُکرے دے بنے ہوئے سَن۔ ایسے طرح تِجیِاں دو بانہواں ہیٹھ پُھل تے لاٹو اِکو ٹُکرے دے بنے ہوئے سَن۔ دیِوے دانی دِیاں وَدھیِاں ہوئیِاں چھیوے بانہواں ایسے طرح بنَیِاں ہوئیِاں سَن۔
22
.اوہناں دے لاٹو اَتے اوہناں دِیاں بانہواں سب اِکو ہی ٹکرے دے سَن۔ ساری دیِوے دانی پاسے دے سونے اَتے اِکو ہی ٹکڑے دی بنی ہوئی سی۔
23
.بضلی ایلؔ نے دیِونے دانی تے اوہدے لئی سَت دیِوے،اُچے اَتے گُلدان پاسے دے سونے دے بنائے
24
. اوہنے دیِوے دانی اَتے اوہدیِاں کُل شیواں اِک قنطار پاسے دے سونے نال بنائیِاں ۔
25
.بضلی ایلؔ نے بخُور پخاون دی قُربان گاہ کِکر دی لکڑ دی بنائی۔ اوہدی لَمیائی اِک ہتھ اَتے چوڑائی وی اِک ہتھ سی۔ اوہ قُربان گاہ چَوگُٹھی سی اَتے اوہدی اُچیائی دو ہتھ سی۔ قُربان گاہ اَتے اوہدے سینگ اِکو ٹُکرے دے سَن۔
26
. اوہنے بخُور پخاون دی قُربان نُوں پاسے دے سونے نال مَڑھیا مطلب کے اوہدا اُتلا پاسا، اوہدا آل دوالا اَتے اوہدے سینگ پاسے دے سونے دے مَڑھے۔ اوہنے اوہدے چار چَوفیرے پاسے دے سونے دی کناری بنائی۔
27
.اوہنے قُربان گاہ دے دُوںواں پاسے کناری دے تھلے سونے دے دو کَڑے بنائے۔ ایہہ کَڑے قُربانگاہ نُوں چُکن والے ڈنڈیاں دے خانیاں دا کَم کر دے سَن۔
28
.اوہنے ڈنڈے کِکر دی لکڑ دے بنائے اَتے اوہناں نُوں سونے نال مَڑھیا۔
29
. اوہنے مَسح کرن دا پاک تیل اَتے خُوشبُودار بخُور دا مصالح چنڈے ہوئے عِطر ساز دی حِکمت دے حسِاب نال بنایا۔