1
.تُوں کِکر دی لکڑ دی قُر بان گاہ پنج ہتھ لَمی اَتے پنج ہتھ چوڑی بناویِں۔اوہ قُربان گاہ چوگُھٹی اَتے تِن ہتھ اُچی ہووے۔
2
.اَتے تُوں اوہدیِاں چَواں گھُٹاں تے ڈھگے دے سینگ بناویِں اَتے اوہ سینگ تے قُربان گاہ اِکو ٹوٹے دے ہون اَتے تُوں اوہناں نُوں پِتل نال مَڑھیِں۔
3
.اَتے تُوں اوہدی سواہ چُکن دیِاں ٹوکریِاں، بیلچے، کئولے، سیِکھاں اَتے اَنگیٹھیاں بناویِں۔ اوہدے سارے پانڈے پِتل دے بناویِں۔
4
.اَتے اوہدے لئی پِتل دی جالی دی کِنگھری بناویِں اَتے اوس جالی دیِاں چَواں نُوکراں تے پِتل دے چار کڑے لاویِں۔
5
. اَتے اوس کِنگھری نُوں قُربان گاہ دے چَواں پاسے کنڈے تھلے اینج لاویِں پئی اوہ اُچیائی وِچ قُربان گاہ دے میچ توں اَدھی ہووے۔
6
.تُوں قُربان گاہ لئی کِکر دی لکڑ دے ڈنڈے بنا کے اوہناں نُوں پِتل نال مَڑھیِں۔
7
.تُوں ڈنڈیاں نُوں کڑیاں وِچ پا دیویِں تاں جو قُربان گاہ چُکن ویلے اوہ ڈنڈے دُوہاں پاسےہون۔
8
. تُوں ایہہ قُربان گاہ پھٹیاں دی بناویِں اَتے اوہ کھوکھلی ہووے۔ اَتے تُوں قُربان گاہ اونج دی اوہ ہی بناویِں جنج دی تَینوں پہاڑ تے وکھائی گئی اے۔
9
. تُوں اَکٹھ دی تھاں لئی اِک ویڑھا بناویِں۔ اوس ویڑھے دی دَکھنی لائم لئی باریِک سُوتر دے اُونے ہووے پڑدے ہون جیہڑے جُڑ کے سو ہتھ لمَے ہون۔ ایہہ سارے اِکو پاسے ہون۔
10
.اَتے اوہناں لئی ویِہ تھم بنن اَتے تھماں لئی پِتل دیِاں ویِہ اوہ ہی خانے بنن۔ ایہناں تھماں دے کُنڈے اَتے پٹیاں چاندی دیِاں ہون۔
11
.اینج ہی پہاڑ دی لائم لئی پڑدے جُڑ کے سَو ہتھ ہون۔ اوہناں لئی وی، ویِہ ای تھم اَتے تھماں لئی ویِہ پِتل دیِاں نیہاں بنن اَتے تھماں دے کُنڈے اَتے پَٹیِِاں چاندی دیِاں ہون۔
12
.اَتے ویڑے دی لاہندی لائم دی چوڑائی وِچ پنجاہ ہتھ دے پڑدے ہون۔
13
۔اَتے ویڑا چڑھدی لائمے ہووے۔
14
.اَتے ویڑے دے بُوہے دی اِک تاک لئی پندرہ ہتھ دے پڑدے ہون جِنہاں لئی تِن تھم اَتے تھماں لئی تِن ہی نیہِاں بنن۔
15
.اَتے دُجے تاک لئی وی پندرہ ہتھ دے پڑدے اَتے تِن تھم اَتے تِن ہی خانے نِیہاں بنن۔
16
. اَتے ویڑے دے بُوہے لئی ویِہ ہتھ دا ِک پڑدا ہووے جیہڑا اَسمانی، جامنی اَتے لال رنگ دے کپڑیاں اَتے باریِک اُونے ہووے سُوتی کپڑے دا بنیا ہویا ہووے۔ اَتے اوہدے تے پُھل بُوٹے کڈھے ہون۔ اوہدے تھم چار اَتے تھماں لئی چار ہی نِیہاں ہون۔
17
.اَتے ویڑے دے آسے پاسے سارے تھم چاندی دیان پٹیِاں نال جُڑے ہوے ہون اَتے اوہناں دے کُنڈے چاندی دے اَتے نیہاں پِتل دیِاں ہون۔
18
. ویڑے دی لَمیائی سو ہتھ اَتے چوڑائی ہر تھاں پنجاہ ہتھ ہووے اَتے قنات دی اُچیائی پنج ہتھ ہووے۔پڑدے باریِک اُونے ہوے سُوتر دے اَتے تھماں دیِاں نئِیاں پِتل دیِاں ہون۔
19
. اَکٹھ دی تھاں دے کَم لئی سارے اوزار پِتل دے ہون اَتے تںبُودے کِلے اَتے ویڑے دے کِلے وی پِتل دے ہون۔
20
.تُوں بنی اِسرائیلؔ نُوں حُکم دیویِں پئی تیرے کول کُٹ کے کڈھیا ہویا زیتون دا خالص تیل چانن لئی لَیان تاں جو دیِوا سدا بَلدا رہیوے۔
21
. اَکٹھ دی تھاں دے اوس پڑدے دے باہر جیہڑا عہد دے صندُوق دے ساہمنے ہووے گا ہارُونؔ اَتے اوہدے پُتر شام توں سویل تیِک دیِوے دانی نُوں خُداوند اَگے سجائی رَکھن۔ ایہہ کَم بنی اِسرائیِلؔ لئی پیِڑیو پیِڑھی سدا تیِک چلدا رہیوے گا۔