1
.اَتے تُوں اَکٹھ دے تںبُولئی دَس پڑدے بناویِں۔ اَتے ایہہ چنگی طرح اُنے ہوئے باریِک سُوتی کپڑے دے اَتے اَسمانی، جامنی اَتے لال رنگ دے کپڑیاں دے ہون۔ اَتے اوہناں تے کِسے چنڈے ہوئے کاریِگر توں فرشتیاں دئِیاں صُورتاں کڈھوایِں۔
2
. ہر پڑدے دی لَمیائی اَٹھائی ہتھ اَتے چوڑائی چار ہتھ ہووے اَیہہ سارے پڑدے اِکو ہی میچ دے ہون۔
3
. اَتے پَنج پڑدے اِک دُجے نال گنڈھ کے اِک وڈّا پڑدا بنایا جاوے اَتے باقی دے پَنج پڑدے وی اِک دُجے نال گنڈھ کے اِک وڈا پڑدا بنایا جاوے۔
4
. اَتے تُوں اِک وڈّے پڑدے دی باہرلی کناری تے جِنہوں گنڈھیا جاوے گا اَسمانی رنگ دیِاں لُپیاں لاویِں اَتے اینج ہی دُجے وڈے پڑدے دی باہرلی کناری تے جِنہوں ایہدے نال گنڈھیا جاوے گا لُپیِاں لاویِں۔
5
.اِک وڈے پڑدے نُوں پنجاہ لُپیاں لاویِں اَتے پنجاہ ہی دُجے پڑدے دی کناری تے جیہڑا ایہدے نال گنڈھیا جاوے گا اَتے ساریِاں لُپیاں اِک دُجی دے آمو سامنے ہون۔
6
.اَتے سونے دیِاں پنجاہ کُنڈیاں بنا کے ایہناں پڑدیاں نُوں ایہناں کُنڈیاں نال آپو وِچ گنڈھ دیویِں تاں جو اَکٹھ دا تںبُو اِک ہی ہو جاوے۔
7
.اَتے تُوں بکری دے والاں دے پڑدے بناویِں تاں جو اوہ اَکٹھ دے تںبُو اُتے چھت دا کَم دین۔اَتے ایہہ پڑدے گیارہ ہون۔
8
.اَتے ہر پڑدے دی لمیائی تریِہ ہتھ اَتے چوڑائی چار ہتھ ہووے۔ گیارہ دے گیارہ پڑدے اِکو ہی میچ دے ہون۔
9
.اَتے تُوں پنج پڑدے اِک تھاں اَتے چھے پڑدے اِک تھاں آپو وِچ گنڈھ دیویِں اَتے چھیویں پڑدے نُوں تںبُو اَگے پَن کے دُہرا کر دیویِں۔
10
.پہلے وڈے پڑدے دی کناری تے پنجاہ لُپیِان لاویِں اَتے پنجاہ لُپیاں دُجے وڈے پڑدے دی کناری تے لاویِں۔
11
. اَتے پِتل دیِاں پنجاہ کُنڈیِاں بنا کے ایہناں نُوں لُپیِاں وِچ پا دیویِں۔ تد ایہناں ساریاں پڑدیاں نُوں گنڈھ دیویں تاں جو ایہہ تںبُو اِک گھَر بَن جاوے۔
12
. اَتے خیمے دیاں پڑدیاں دا لمکیا ہویا حصہ مطلب کے اَدھا پڑدا جیہڑا بچدا ہووے اوہ اَکٹھ دے تںبُو دے پچھلے پاسے لمکدا رہیوے۔
13
. پڑدہ دوںواں پاسیوں اِک اِک ہتھ لمکیا ہووے تاں جو اَکٹھ دا تںبُواُکا کَجیا جاوے۔
14
.اَتے تُوں ایس تںبُو لئی بھیڈواں دی رَتی کھَل دا اُچھاڑ اَتے اوہدے اُتلے حصے لئی بکری دیِاں گھَلاں دا اُچھاڑ بناویِں۔
15
.تُوں اَکٹھ دے تںبُو لئی کِکر دی لکڑ دے تختے بناویِں پئی گھلارے جان۔
16
. ہر تختے دی لمیائی دَس ہتھ اَتے چوڑائی ڈیڈھ ہتھ ہووے۔
17
. ہر تختے وِچ دو دہ چُولاں ہون جیہڑیاں اِک دُجی نال مِلیِاں ہون۔ اَکٹھ دے تںبُو دے سارے تختے اینج دے ہی بناویِں۔
18
. اَکٹھ دے تمبُو لئی جیہڑے تختے تُوں بناویں گا اوہناں وِچوں ویِہ تختے، دَکھنی لائمے ہون۔
19
.ایہناں وہِیاں تختیاں ہیٹھ چاندی دے چالھِی خانے بناویِں مطلب کے ہر اِک تختے ہیٹھ اوہدیِاں دوںواں چُولاں لئی دو دو خانے۔
20
.اَتے اَکٹھ دے تںبُو دی دُجی لائم مطلب کے پہاڑ دی لائم لئی ویِہ تختے ہون۔
21
.اَتے اوہناں لئی چاندی دے چالھِی ہی خانے ہون مطلب اِک اِک تختے ہیٹھ دو دو خانے۔
22
.اِکٹھ دے تںبُو دی پچھلی لائمےمطلب کے لاہندی لائمے چھے خانے بناویِں۔
23
.اَتے اوسے پچھلے حصے وِچ اَکٹھ دے تںبُو دئِیاں گُٹھاں لئی دو تختے بناویِں۔
24
.ایہہ ہیٹھلے پاسیوں دہرے ہون اَتے ایسے طرح اُتلے سرے تیِک آکے اِک دائرے وِچ ملائے جان۔ دُونویں تختے ایسے شکل دے ہون ایہہ تختے دوںواں نُوکراں لئی ہون گے۔
25
. چاندی دے خانیاں سنہے، اَٹھ تختے ہون۔ کُل سولاں خانے ہون، دو خانے پہلے تختے تھلے، دو خانے اَگلے تختے تھلے اَتے باقی ویِہ اینج ہی ہون۔
26
. تُوں کِکر دی لکڑ دے بئینڈے بناویِں۔ پنج بئینڈے اَکٹھ دے تںبُو دے اِک پاسے دے تختیاں لئی۔
27
.اَتے پنج بئینڈے اَکٹھ دے تںبُو دے دُجے پاسے دے تختیاں لئی اَتے پنج بئینڈے اَکٹھ دےتںبُو دے پچھلے حصے مطلب کے لاہندی لائم دے تختیاں لئی۔
28
. اَتے وِچکارلا بئینڈا جیہڑا تختیاں دے وِچکار ہووے اوہ تںبُو دی اِک حد توں دُجی حد تیک اَپڑے۔
29
.اَتے تُوں تختیاں نُوں سونے نال مڑھیِں اَتے بئینڈیاں دے گھراں لئی سونے دے کڑے بناویِں اَتے بئینڈیاں نُوں ویِہ سونے نال مَڑھیِں۔
30
. تُوں اَکٹھ دا تںبُو اوسے نمونے تے بناویِں جیہڑا پہاڑ تے تَینوں وکھیا گیا اے۔
31
.تُوں اَسمانی، جامنی اَتے لال رنگ دے کپڑیاں اَتے باریِک اُونے ہوئے کتان دا اِک پردہ بناویِں اَتے اوہدے تے کِسے چَنڈے ہوئے کاریگر توں فرشتیاں دی صُورت کڈھواویِں۔
32
.اَتے اوہنوں سونے نال مَڑھے ہوے کِکر دے چار تھماں تے لمکاویِں۔ ایہناں دے کُنڈے سونے دے ہون اَتے اوہ چاندی دے چار خانیاں تے گھلارے جان۔
33
. اَتے پردے نُوں گُھنڈیاں ہیٹھ لَمکاویِں اَتے عہد دے صندُوق نُوں اوتھے ہی پڑدے وِچ اندر لَیجاویِں اَتے ایہہ پردہ تُہاڈے لئی پاک تھاں نُوں سب توں پاک تھاں توں وَکھ کرے گا۔
34
. تُوں سرپوش نُوں سب توں پاک تھاں وِچ عہد دے صنُدوق تے دَھریِں۔
35
. اَتے میز نُوں پڑدیوں باہر دَھر کے دیِوے دانی نُوں اوہدے ساہمنے اَکٹھ دے تںبُو دی دَکھنی لائمے دَھریِں مطلب کے میز نُوں پہاڑ دی لائمے دَھریِں۔
36
.تُوں اِک پڑدہ تںبُو دے بُوہے لئی اَسمانی، جامنی اَتے لال رنگ دے کپڑیاں اَتے باریِک اُنے ہوے سُوتی کپڑے دا بناویِں اَتے اوہدے تے پُھل بُوٹے کڈھے ہوئے ہون۔
37
. اَتے ایس پڑدے لئی کِکر دی لکڑ دے پنج تھم بناویِں اَتے اوہناں نُوں سونے نال مَڑھیِں اَتے اوہناں دے کُنڈے سونے دے ہون جِنہاں لئی تُوں پِتل دے پنج خانے ڈھال کے بناویِں۔