¹ ۱۔ اِناں واقیاں دے بعد شاِہ اخسویرس نے ھامان بِن حمداتا اجاجی نُوں اگلا عہدہ دے کے اپنے سارے امِیریاں وزیریاں نالوں اُچا مقام دِتا۔ ² ۲۔ شاہی حُکم دے مطابق سارے نوکر جہڑےشاہی محل دے بوھے اُتے نوکری کردے سَن ھامان دے اگے سجدے وِچ جُھک کے عِزت نال کھڑے ھُوندے سَن پرمردکی نا تےاوناں دے اگے جُھکدا سی تے نا ای کھلو کے اوناں دی عِزت کردا سَی ۔ ³ ۳۔ تَد اوناں نوکراں نے جہڑے بُوھے اُتےنوکر سَن مردکی نوں پُچھیا کے تُوں بادشاہ دے حُکم اُتے عمل کیوں نہں کر دا۔ ⁴ ۴۔ او ہر روز اونوں بادشاہ دے حُکم اُتے عمل کرن لئ کہندے سَن پر او انوں منن توں انکار کر دینداسی ۔فیر اوناں نے ھامان نُوں خبر دِتی۔ دراصل او اے ویکھناں چا ہندے سَن کہ کی مردکی دِی ایس حرکت نُوں برداشت کِیتا جاندا اے کہ نہں کیوجے مردکی نے اوناں نُوں دَس دِتا سِی کہ او یہوُدی اے۔ ⁵ ۵۔ جدو ھامان نے وکھیاں کہ مردکی نا تاں اوہدے اگے جُکھدا اے نا ای اوھدی عزت کردا اے تے او غُصے نال بھر گیا۔ ⁶ ۶۔ اونوں ایس گَل دا تاں پتا لگ گیا سی کہ مردکی یُہودی اے ایس لئ اونے صِرف مردکی نُوں مارنا اپنی شان نالوں گھٹ سمجھیا تے ارادا کِیتا کہ مردکی دے سارے قوم دے لوکاں يعنى یُہودیاں نُوں مار دِتا جاوے جہڑے اخسویرس دِی بادشاہی وچ تھاں تھاں وسدے سَن۔ ⁷ ۷۔ شاہِ اخسویرس دِی حکُومت دے بارویں سال دے پہلے مِہنے يعنى نسیان وِچ ھامان دِی موجُودگی وِچ پُور يعنى پرچیاں پایِاں گیِاں تاں جے یُہودیاں دے مارن دا کو ئی مِمہنہ تے دن مقرر کِیتا جاوے پرچیاں وِچ بارویں مہنے يعنى ادار دی تیرھویں تار یخ نِکلی۔ ⁸ ۸۔ تَد ھامان نے شاہِ اخسویرس نُوں مِنت کِیتی بادشاہ دِی حکُومت دے سارے صُوبیاں دے لوکاں وِچ کجھ اجہے لوک وِی کِھلرے ھوے نے جِناں دے رہن سہن دے طِرقے دُوجیاں نالوں وکھرے نے تے جہڑے بادشاہ دے قانوناں اُتے عمل ای نہں کر د ے جہے لوکاں دِی ایس حرکت نُوں برداشت کیتے جانا بادشاہ لئ خطرہ بَن سَکدا اے۔ ⁹ ۹۔ جے بادشاہ سلامت پسند کرن تاں اِناں لوکاں نُوں مارے جان دا حُکم جاری کِیتا جاوے تے میں چاندی دے دَس ہزار سِکے شاہی خزانے وِچ جمع کراوں گا تاں جے او اوس کَم اُتے خرچ کِیتے جاون ۔ ¹⁰ ۱۰۔ بادشاہ نے اپنی اُنگلی اُتو ں شاہئ مُہر آلی مُندری لاہ کے یُہودیاں دے ویری ھاما ن بِن حمداتا اجاجی دے حوالے کر دِتی۔ ¹¹ ۱۱۔ تے اکھیا تُوں اپنی رقم آپنے ای کول رکھ تے اوناں لوکاں نال جِیویں تینوں چنگا لگے اوے ای کر۔ ¹² ۱۲۔ تَد پہلے مِہنے دِی تیرویں تارِیخ نُوں شاہی گِنتی کرن والے بلاے گئےتے ھامان دے کہن دے مطا بق ھر صُوبے دِی زبان تے اوناں دِی لکھای وِچ ھر قوم دے لوکاں لئ حُکم لکھواے گئے تے بادشاہواں دے سارے صُوبیداراں تے حُکومت کرن والیاں تے قوم دے وکھرے وکھرے سرداراں نُوں بجھواے گئے۔تے اے حُکم بادشاہ دے ناں ولوں لِکھے گئے سَن تے اوناں اُتے مُندری نال شاہی مُہر وِی لا دِتی گئ سی۔ ¹³ ۱۳۔ اے حُکم کَم کرن والیاں دے راھیں بادشاہ دے سارے صُوبیاں وِچ بجھووا دِتے اوناں وِچ لِکھیاں سِی کہ یُہودی قوم دے سارے بُڈھیاں جواناں عورتاں تے بچیاں نُوں بارویں مِہنے يعنى ¹⁴ ۱۴۔ ایس حُکم دِی اِک اِک نقل سارے صُوبیاں وِچ بھیج کہ قانونی طور تے لِکھ کہ ونڈیا جاوے تے ھر قوم دے لوکاں دے عِلم وِچ لیایا جاوے تاکہ او اوس دن لئ تِیار رھن۔ ¹⁵ ۱۵۔ ہرکارے ایس شاہی فرمان نُوں لَے کہ چھیتی نال ٹر گئے تے قِیصرِسُوسن وِچ وِ ی ایس فرمان دا اِشتہار لایا گیا۔ سُوسن دے سارے شہروِچ پَج نَس پے گئ۔