¹ ۱۔ ایناں گلاں توں بعد جدوں اخسویرس بادشاہ دا غصہ ٹھنڈا پے گیا تے اونوں یاد آیا کہ وشتی نے کی کیتا سی تے اے وی کہ اونوں کی سزا دتی گئی سی۔ ² ۲۔ تداو نوکر جیہڑے خاص طور تے بادشاہ دی خدمت کرن لئی سن ا یویں منت کرن لگے کہ جے بادشاہ سلامت دا حکم ہووے تے حضور دے لئی دو سوہنیاں تے جوان کنواریاں کڑیاں لبھیاں جاون ۔ ³ ۳۔ حضور اودی بادشاہت دے ہر صوبے وچ ایویں دے حاکم مقرر کریں جیہڑے ایویں د یاں ساریاں سوھنیاں کڑیاں نوں قصرِسُوسن دے حرم سرا وچ کھٹیاں کرن تے اوہناں نوں حضور دے خواجہ سرا ہیجا دی حفاظت وچ رکھیا جاوے جئیڑا کڑیاں اوتے رکھوالی دے طور لئی مقرر اے ۔اوہنا ں نوں ہار سنگار کرن دا سارا ضروری سامان دِتا جاوے۔ ⁴ ۴۔ جیہڑیاں دو کڑیاں بادشاہ دیاں اکھاں نوں چنگیاں لگن او وِشتی دی جگہ ملکہ بنا ئی جا وے۔بادشاہ نوں اے گل پسند آئی تے اونے ایویں ای کیتا۔ ⁵ ۵۔ قصر ِسُوسن وچ بن یمین قبیلے دا اِک یہودی سی۔جہدا ناں مردکی بِن یائربِن فیس سی۔ ⁶ ۶۔ جیہڑا یروشیلم دے اوہناں یہودیاں وِچوں سی جہناں نوں نبو کد نضر شاہ بابل شاہ یہوداہ یکونیاہ دے نال قید کرکے لے گیاسی ۔ ⁷ ۷۔ مردکی دی اِک بھتیجی سی جیدا ناں ہدساہ عُرف آستر سی جہنوں اونے گود لے لیا سی تے اونوں پالیا کیوں جے آستر دے ماں پیو مر گئے سن ۔او رج کے سوھنی سی اوہدے ماں پیو دے مرن توں بعد مردکی نے اوہنوں دھی وانگو پالیا سی ۔ ⁸ ۸۔ بادشاہ دے حکم داے چرچے تو ں بعد بڑیاں کڑیاں قصر ِسُوسن وچ لیایاں گئیاں ہیجا دے حوالے کئتیاں گئیاں ۔آستر وی بادشاہ دے محل تیک پُہنچائی گئی تے او وی ہیجا دے حوالے کیتی گئی جہڑا حرم سرا دا نگران سی۔ ⁹ ۹۔ ایہہ کڑی اونوں بڑی چنگی لگی تے اوہدی منظور نظر ہو گئی ہیجا نے چھیتی نال اونوں سجن سنورن دا سامان دے دتا تے اوہدے لئی خاص کھان پین دا انتظام کیتا ۔اونے محل دیاں سَت نوکرانیاں نوں آستر دے کول رہن لئی چنیا تے حرم سرا دے اِک خاص کمرے وِچ اوناں دے رہن دا بندوبست کر دِتا تا ں جے آستر پاکیزگی تے سجن سنورن دے طور طر یقیاں توں چنگی طراں واقف ہو جاوے ۔ ¹⁰ ۱۰۔ آستر نے آودی قوم تے خاندان دے بارے کُجھ وی نیں دسیا سی کیوں جے مردکی نے اونوں پہلے ای تاکید کر دِتی سی کہ او کسے نوں نہ دسے ۔ ¹¹ ۱۱۔ مر دکی آستر دا پتہ کرن لئی ہر روز حرم سرا دے ویڑے دے سامنے چکر لاندا سی۔ ¹² ۱۲۔ ہر کڑی نوں آودی واری تے بادشاہ اخسویرس دے کول جان توں پہلاں بارہ مہیناں تیک سجن سنورن تے پا کیزگی دے طور طریقیاں توں واقف ہونا لازمی سی ۔اوناں وِ چوں چھ مہینے تیل مر نال مالش کروان تے چھ مہینے دوجیاں خشبواں تے عطراں دے استعمال وچ گزا رے جاندے سن۔ ¹³ ۱۳۔ بادشاہ دے کول پونچن دا طریقہ ایہہ سی کہ کڑی حرم سرا توں جہڑا کُجھ آودے نال محل وچ لے جانا چاہندی سی او اوہنوں دِتا جانداسی ۔ ¹⁴ ۱۴۔ شام نوں او محل وچ جاندی تے سویر ہوندے ای او تھوں مُڑ آندی تے فیر حرم سرا دے اک دوجے حصے وچ شعشجز دے حوالے کر دِتی جاندی سی جیہڑا بادشاہ دیاں نوکرانیاں دا حفاطت کرن آلا سی جدوں تیک بادشاہ کسی کڑی نوں آودی خوشی نال اوہدا ناں لے کے نیں صددا سی اوہدوں تیک او بادشاہ دے کول واپس نیں جا سکدی سی ۔ ¹⁵ ۱۵۔ جدوں آستر دی واری آئی (جینوں مردکی نے پالیا پوسیا سی جیہڑی او ہدے چاچا ابی خیل دی دھی سی ) کہ او بادشاہ دے کول جاوے تے او صرف اوہی کُجھ لے کے بادشاہ دے کول پُو نچی جہڑا حرم سرا دے نگران ہیجا نے آکھیا سی ۔ آستر ہر ویکھن آے دی نظر وِچ خاص سی ۔ ¹⁶ ۱۶۔ او شاہی محل وچ بادشاہ دی بادشاہت دے ستویں ورے دے دسویں مہینے وچ جہنوں طیبت آکھدے نے بادشاہ دے حضور پیش کیتی گئی ۔ ¹⁷ ۱۷۔ بادشاہ دوجیاں کڑیاں دے مقابلے وِچ آستر ول بوہتا دھیان دِتا تے او ساریاں کڑیاں نالوں کیتے وھد کے بادشاہ دی منظور نظر بنی ۔ بادشاہ نے شاہی تاج اوہدے سر اوتے رکھیا تے اوہنوں وِشتی دی جگہ آودی ملکہ بنا لیا۔ ¹⁸ ۱۸۔ بادشاہ نے اِک وڈی دعوت آستر دے ناں توں تیار کیتی تے آودے سارے ا مراں تے وزراں نوں آن دی دعوت دتی ۔ایسس خوشی وچ سارے صوبیاں وچ چھٹی دا علان کیتا گیا تے شاہی کرم دے مطابق انعام ونڈے گئے ¹⁹ ۱۹۔ جدوں کڑیاں دوجی وار کٹھیاں کیتیاں گئیاں سن تے مردکی شاہی محل دے بوہے اِگے بیٹھا ہویا سی ۔ ²⁰ ۲۰۔ آستر نے ہالے تیک مردکی دی نصحیت دے مطابق آودے خاندانی حالات تے آودی قومیت نوں لکا کے رکھیا ہویا سی کیوں جے جدوں توں مردکی نے اوہنوں پالنا شروع کیتا سی اودوں توں او ہمیشہ مردکی دے آکھن تے عمل کر دی آری سی۔ ²¹ ۲۱۔ جدوں مردکی شاہی محل دے بوہے اِگے بیٹھا ہویا سی تے بادشاہ دے دو خواجہ سراواں بگتان تے ترش نے جیہڑے محل دے بوہے اوتے پہرہ دیندے سَن بادشاہ دی کِسے گل توں ناراض ہو کے اونوں مارن دا فیصلہ کیتا۔ ²² ۲۲۔ پر مردکی نوں ایسس سازش دا پتہ چل گیا تے اونے ملکہ آستر دے راھیں بادشاہ نوں خبر دِتی ۔ ²³ ۲۳۔ جدوں ایسس گل دا پتہ کیتا گیا تے او سچ ثابت ہوئی تےاو دویں خواجہ سرا پھانسی تے لٹکائے گئے۔ ایہہ واقع بادشاہ دے سامنے ای شاہی تاریخ دی کتاب وچ لیکھا گیا