¹ ۱. اوہناں ساریاں کلماں نوں جہناں دے بارے اَج دے دیہاڑے میں تُہانوں فرمان دیناں آں ۔ تُسیں منوتے اوہناں تے عمل کرو ۔ تاں جو تُسیں جیوندے رہو تے ودھیرے ہو جاؤ تے اوس دیس وچ جیدے بارے تُہاڈے پیو دا دے نال سونہہہ کھاہدی ،وڑھو تے اوہدے مالک بنو ۔ ² ۲. تے توں اوہدے سارے رستے نوں یاد رَکھ۔ جیدے تے خُداوند اُجاڑ وچ چالی ورھے تیِک تینوں ٹُرایا ۔ تاں جو تینوں دُکھ دے کے آزمائے ۔ تے تیرے دِل دی گَل نوں لبھے ۔ پئی توں احکام نوں منیں گا یا نئیں ۔ ³ ۳. سو اوہنے مینوں دُکھ دتا ۔ تےتینوں اوہ منّ کھوایا ۔جہنوں توں نئیں سی جاندا ۔ تے ناں تیرے پیو دادا جان دے سن ۔ تان جو تینوں سکھانے پئی ۔ تاں جو تینوں سکھائے پئی بندہ روٹی نال ای جیوندا نئیں رہیندا ۔ سگوں ہر کلمے توں جیہڑا اوہدے مُنہ وچوں نِکل دا اے ۔ بندہ جیوندا اے ۔ ⁴ ۴. ایہناں چالی ورھیاںوچ ناں تے کپڑے پُرانے ہوئے تے ناں تیرے پیر سُجّے۔ ⁵ ۵. سو اپنے دِل وچ بندہ اپنے پُتر نوں ڈانٹ ڈپٹ کرا خُداوند تیرے خُدا نے اینج ای تیری کیتی۔ ⁶ ۶. سو توں خُداوند اپنے خُدا دے حُکماں نوں مَن ۔ تے اوہدے رستے تے ٹُر تے اوہدے توں ڈر۔ ⁷ ۷. کیوں جو خُداوند تیرا خُدا تینوں چنگے دیس وچ واڑے گا ۔ یعنی اوس دیس وچ جتھے پانی دیاں نہراں تے سوتے میداناں تے پہاڑاں وچ پھُٹ نکلدے نیں ۔ ⁸ ۸. اوہ کنک تے جَوں تے انگور تے انجیر تے انار دا دیس اے ۔ تیل تے شہد دا دیس ۔ ⁹ ۹. اِک اجیہادیس جِتھے توں اپنی روٹی تنگ ہو کے ناں کھاویں گا ۔ تے جیہدے وچ تینوں کِسے شے دا گھاٹا ناں ہووے گا ۔ اِک اینج دا دیس جیہدے پتھراں توں لوئیا تے پہاڑاں توں پیتل کڈھیں گا ۔ ¹⁰ ۱۰. فیر توں کھائیں گا تے رجیں گا تے خداوند اپنے خُدا نوں مبارک آکھیں گا ۔ایس لئی اوہنے ایہڈا چنگا دیس تُہانوں دِتا اے ۔ ¹¹ ۱۱. ہو شیار رہو۔ تاں جو کِتے اینج ناں ہووے ۔ پئی توں خُداوند اپنے خدا نوں بھُل جائیں تے اوہدے حُکم تے قوانین تے عمل ناں کریں ۔ جنہاں دے بارے اَج دے دیہاڑے میں تینوں حکم دتا اے ۔ ¹² ۱۲. ڈردا روؤ۔ اینج ناں ہووے پئی جیہدوں توں کھائیں تے رجیں تے چنگے گھر بنائیں تے اوہناں وچ رہویں ۔ ¹³ ۱۳. تے تیریاں گاواں ڈھگے تے بھیڈاں بکریاں ودھ جان تے چاندی تے تیرا سونا تے تیرا مال ودھیرا ہووے ۔ ¹⁴ ۱۴. تے تیرے دل پھُل ناں جان تے توں خُداوند اپنے خُدا نوں نوں بھُل جاویں جیہڑا دیس مصرّؔیعنی غلامی دے تھاں توں تینوں کڈھ لے آیا۔ ¹⁵ ۱۵. تے جہنے اوس وڈھے تے خوفناک اُجاڑ وچ تینوں را دسیاں ۔ جتھے ساڑن والے سپ تے بچھو تے اینج دی تریائی دھرتی سی۔ جتھے پانی نئیں سی ۔ اوتھے اوہنے تیرے لئی سخت چٹان تھوں پانی کڈھیا ۔ ¹⁶ ۱۶. تے اوہنے اُجاڑ وچ تینوں مَنّ کھوایا ۔ جہنوں تیرے پیو دا دا جاندے نیں سن۔ تان جو تینوں دُکھ دین تے تیرا اِمتحان کرن دے بعد آخرکار تیرے نال بھلائی کرے ۔ ¹⁷ ۱۷. تے توں اپنے دِل وچ ایہہ ناں ناں آکھیں ۔ میری ای طاقت تے میریاں ہتھان دی طاقت نے ایہہ دولت میرے لئی پیدا کیتی اے ۔ ¹⁸ ۱۸. تے توں اپنے خدا نوں یاد کریں تاں جو اوسے نے ای تینوں دولت کماں دی طاقت بخشی ۔ تاں جو اپنے اوس عہد نوں پوریاں کرے ۔ جیدے بارے اوہنے تیرے پیو دادے نال سونہہہ کھاہدی ۔ جینج پئی اَج توں ویکھناایں ۔ ¹⁹ ۱۹. پر جے توں خداوند اپنے خدا نوں بھُل جاویں تے اوپرے معبوداں دی پیروی کریں ۔ اوہناں دی عبادت کریں تے اوہناں نوں سجدہ کریں ۔ تے میں اَج دے دیہاڑے ای تیرے خلاف گوئی دیناں واں ۔ تُسیں پُکا اوہناں قوماں وانگر فنا ہو جاؤ گے ۔ ²⁰ ۲۰. جہناں نوں خدواند نے تۃاڈے اگے ہٹا چھڈیا اے ۔ تُسیں فنا ہو جا ؤ گے ۔ ایس لئی پئی تُساں خدا وند اپنے خُدا دی آواز سُنی ۔