¹ ۱. تدھ اسیں پھرے تے باشان ؔ راہیں پڑھے تے باشان ؔ دا بادشاہ عوجؔ آ ساری قوم ساڈے بر خلاف ادرعیؔ وچ لڑن جوگی نکلیا ۔ ² ۲. تاں خداوند نے میناں آکھیا اوہدے توں ناں ڈر ۔ کیوں جو میں اوہنوں تے اوہدی قوم نوں تے اوہدی دھرتی نوں تیرے ہتھ وچ دے دتا اے ۔ توں اوہدے نال توویں کر جیویں اموریاںؔدے بادشاہ سیحون ؔ دے جو حبشونؔ رہندا سی ، کیتا ۔ ³ ۳. اخیری خداوند ساڈے خدا نے باشانؔ دے بادشاہ عوجؔ نوں وی وی تے اوہدی سبھے قوم نوں ساڈے ہتھ کر دتا ۔ تے اساں اوہناں نوں ماریا۔ ایتھوں تیِک پئی اوہدا کُجھ باقی ناں رہیا ۔ ⁴ ۴. تے اساں اوسے ای ویلے اوہدے سبھے شہر لے لئے ۔ تے کوئی اجیہا باقی ناں رہیا جیہڑا ساڈے نال لیا ۔ ایہہ سٹھ شہر سَن ۔ مطلب ارجوب ؔ دا اوہ علاقہ جیہڑا باشان ؔ وچ عوجؔ وی شاہی وچ شامل سی ۔ ⁵ ۵. ایہہ سبھے حصین شہر اُچیاں کندھاں اُتے پھاٹکا ں اتے سلاخاں نال مضبوط سَن ۔ ایہناں تھوں اڈ ایہناں دے ہوعر بتھیرے شہر جیہڑے رَڑھ تے سَن ۔ ⁶ ۶. تے اساں اوہناں نوں برباد کیتا ۔ جیویں اساں حشبون ؔ دے بادشاہ سیحونؔ نال کیتا سی ۔ تے اسں ہر اک شہر دے بندیاں تے عورتاں تے بچیاں نوں قتل کیتا ۔ ⁷ ۷. پر اسن ڈنگر تے شہراں دی غنیمت ا پئے جوگی لُٹ لئی۔ ⁸ ۸. تے اوسے ای ویلے اساں اموریاں ؔ دے دونوں بادشاہانؔ دے ہتھو ں اوہ دھرتی جیہڑی یردنؔ دے پار ارنوُن تھوں لے کے حرمون ؔ دے پہاڑ تیِکر اے ، لے لئی ۔ ⁹ ۹. صیدونی ؔ حرمون ؔ نوں سریونؔ تے اموریؔ اوہنوں سنیر ؔکہندے نیں ۔ ¹⁰ ۱۰. رَڑھ دے سبھے شہر تے سھے جلعادؔ تے سبھے باشان ؔ سلکہ ؔ تے عیؔ تیِکر جیہڑا باشان ؔ وچ عوجؔ دی شاہی دے شہر سَن ۔ لے لئے ۔ عوجؔ باشانؔ دا بادشاہ رفائیم ؔ دی نسل چوں کلّا باقی سی ¹¹ ۱۱. تے اوہدا مزار موسوی پتھر دا اے ۔ اوہ ربت امونؔ وچ اے ۔ بندے ہتھ دے برابر نو( ۹) ہتھ لما تے چار ہتھ چوڑا اے ۔ ¹² ۱۲. تے اوس ویلے اساں ایہہ ملک عروعیر ؔ توں لے کے جیہڑا ارنونؔ دی وادی اُتے اے ۔ اپنے قبضے وچ کر لیا ، تے جلعادؔ دے پہاڑ دا ادھ ۔ اوہدے شہراں سَنے روبینیاںؔ تے جلعا دیاں ؔ نوں دے دتا ۔ ¹³ ۱۳. تے جلعاد ؔ دا بقایا تے سبھے باشان ؔ مطلب عوجؔ دی شاہی سَن ۔ منسیؔ دے ادھے قبیلے نوں دے دتی ۔ ارجوبؔ واسطے علاقہ تے باشان ؔ دا ایہہ سارا دیس رفائیم ؔ دا دیس اکھواندا سی ۔ ¹⁴ ۱۴. تے یائرؔ بن منسیؔ نے ارجوبؔ دا سبھے علاقہ حشبوریاں ؔ تے معکیاں ؔ دی حد تیکر لے لیا باشانؔ دا ناں اوہنے اپنے ناں نال ادوت یائر ؔ رکھیا ۔ ایتھوں تیِک اے ¹⁵ ۱۵. تے جلعادؔ ماکیرؔ نوں دتا۔ ¹⁶ ۱۶. تے جلعا دؔ تھوں لے کے ارنونؔ دی وادی تیِکر دا ادھا ، جیہڑا اوہناں دی حد اے ۔ تے یبوقؔ دی وادی تیِکر ، جیہڑی بنی عمونؔ دی حد اے ۔ روبیناں ؔ تے جادیاںؔ نوں دتا ۔ ¹⁷ ۱۷. تے عرابہ ؔ دے سمندر مطلب ملحؔ دے سمندر تیِکر جیہڑا مشرقی پاسے فِسجاؔ دے پہاڑ دے رُڑھ وچ اے ۔ ¹⁸ ۱۸. تے اوسے ویلے میں تُہانوں حُکم دِتا۔ پئی خُداوند تُہاڈے خدا نے تُہانوں ایہہ دھرتی میراث وچ دتی۔ اخیر تُسیں سبھے طاقتور بندے اپنے بھراواں بنی اسرائیلؔ دے اگے ہتھیار بنھ پار اُترو۔ ¹⁹ ۱۹. پر تُہاڈی بیبیاں تے تُہاڈے بچے تے تُہاڈے ڈنگر جیہڑے مینوں معلوم نیں پئی بہتیرے نیں اوہ تُہاڈے شہراں وچ رہن جیہڑے میں تُہانوں دتے نیں ۔ ²⁰ ۲۰. ایتھوں ےتیِک پئی خدوا ن تُہاڈے بھراواں نو تُہاڈے وانگوں ارم بخشے ۔ تے اوہ وی او س دیس دے مالک بنن ۔ جیہڑا خداوند تُہاڈا خدا یردنؔ دے پار تُہانوں دیوے گا ۔ تدھ تُسے سبھے اوس میرث نوں جیہڑی میں تُہانوں دتی اے ۔ مُڑ کے آ جاؤ گے ۔ ²¹ ۲۱. تے اوسے ای ویلے میں یشوع ؔ نوں حکم دے کے آکھیا پئی توں اپنی اکھاں نال اوہ سبھ کُجھ ویکھیا جو خداوند تُہاڈے خدا نے اوہناں دونواں باشا واں نال کیتا ۔ اخیر اجیہا خُداوند اوہناں سبھے شاہاں نال کرے گا ۔ جِتھے جِتھے تُوں اوہناں دے بر خلاف جاویں گا ۔ ²² ۲۲. اخیر تُسی اوہناں تھوں ناں ڈرو ۔ کیوؐں جو خداوند تُہاڈا خدا تُہادے دلوں آپ لڑے گا ۔ ²³ ۲۳. تے اوسے ای ویلے میں خداوند دے اگے عاجزی نال آکھیا ۔ ²⁴ ۲۴. تے اے خُداوند خدا ! توں اپنے ہتھاں دی قُدرت تے اپنی وڈیائی اپنے بندے نوں وکھانا شروع کیتی ۔ اسمان تے زمین وچ کوئی خُدا اجیہا نئیں جیہڑا تیرے کماں تے تیری قُسرت دے برابر کُجھ کر سکے ۔ ²⁵ ۲۵. مینوں پار جان دے پئی میں اوس چنگے پہاڑ تے لُبنانؔ نوں ویکھاں ۔ ²⁶ ۲۶. پر خداوند میرے اُتے تُہاڈے سببوں ناراض ہویا تے اوہنے میری ناں سُنی ۔ سگوں آکھیا ! پئی ایہہ تیرے جوگی کافی اے ۔ ایس پاروں میرے نال گل ناں کر ۔ ²⁷ ۲۷. پر فسجا ؔ دی چوٹی اُتے چڑھ تے مغرب تے شمال تے جنوب تے مشرق وَل اپنی نگاہ چُک تے اپنی آکھیں ویکھ ۔ ²⁸ ۲۸. تے یشوعؔ نوں حُکم دے ۔ اوہنوں مضبوط کر تے اوہدی کنڈھ تھاپ ۔ کیوں جو اوہ ایہناں لوکاں دے اگے پار جاوے گا ۔ تے جیہڑے دیس نوں تُوں ویکھیں گا ۔ اوہو ای اوہنوں ونڈے گا۔ ²⁹ ۲۹. فیر اسیں وادی وچ بیت فغورؔ دے سامنے ٹھہرے رئیے۔