¹ ۱. ہُن اے اسرائیلؔ اوہ قوانین تے احکام جو میں تُہانوں سکھاناں آں ۔سُنو ۔ تاں جو تُسیں اوہدے تے عمل کرکے جیوندے رئیوو۔ تے اوس دیس وچ جیہڑا تُہاڈے باپ دادا دا خدا تُہانوں دے گا ۔ اوہدے وچ وڑو ۔ تے اوہدے مالک بنو ۔ ² ۲. جو کُجھ میں تُہانوں حُکم دینا واں ۔تُسیں اوہدے تے کوئی گل ناں ودھائو ۔ تے ناں اوہدے وچ کُجھ گھٹائو ۔ خداوند اپنے خُدا اوہناں حکماں نوں جہناں دا میں تُہانوں حکم دتا، مندے رہو ۔ ³ ۳. تُہاڈیاں اکھاں نے ویکھیا ۔ پئی خداوند نے بعل فحورؔ دے وسببوں کیہ کیتا۔ یعنی پئی خداوند تُہادے خدا نے اوہناں ساریاں نوں ۔ جیہڑے بعل فعورؔ دے پِِچھے ٹُر دے سن ۔ تُہاڈے وچکاروں مار دتا ۔ ⁴ ۴. پَر تُسیں جیہڑے خُداوند اپنے خُدا نال چِمڑے رہ ۔ اج دے دیہاڑے سارے جہوندے او ۔ ⁵ ۵. ویکھو میں اوہ قوانین تے احکام جیہڑے خُداوند میرے خُدا نے تُہانوں فرمائیں تے سکھائیاں۔ تاں جو اوس دیس وچ اوہدے تے عمل کرو ۔ جیہدتے قبضہ کرن لئی تُسیں جاندے اوہ۔ ⁶ ۶. سو اوہناں نو ں منو تے عمل کرو ۔ تاں جو ایہہ اوہناں قوماں دی نگاہ وچ تُہاڈی عقل مندی عقلمندی تے دانشوری ہووے گی ۔ جہڑیاں اوہناں قوماں نوں سُن کے آکھن گئیاں ۔ پک اے ایہہ قوم وڈی اے ۔ اے لوک عقل مند تے دانشور نیں ۔ ⁷ ۷. کیوں جو اینج دی وڈی قوم کیہڑی اے ، جیدے معبود ایس طرحاں نیڑے ہون ، جس طرحاں خداوند ساڈا خدا ہر اِک گِل وچ جوکُجھ اسیں اوہدے توں منگنے آں ، نیڑے او ۔ ⁸ ۸. تے کیہڑی ایسی وڈی قوم اے ۔ جیدے قوانین تے احکام اینج دے پاک نیں ۔ جیویں ایہہ ساری شریعت اے جیہڑی اج دے دن میں تہانوں دینا واں ۔ ⁹ ۹. ہۃشریا رہ تے اپنی جان دہی بڑی رکھوالی کر ۔ توں ایناں گلاں نوں چھڈ ناں دینا ، جیہڑیاں تیریاں اکھاں نے ویکھیان ۔تے اوہ تیری حیاتی دے سارے دیہاڑیاں وچ تیرے دن تون جاندیاں رئین۔ سگوں تون اپنیاں پُتراں تے پوتریاں نوں سکھا ۔ ¹⁰ ۱۰. جس دیہارے توں خداوند اپنے خُدا دے اگے حوربؔ وچ کھڑا ہویا ۔ جیہدوں خُداوند نے مینوں آکھیا ۔ پئی لوکاں نوں میرے اگے کٹھیاں کر ۔ تان جو میں اوہنوں اپنا کلام سُناواں ۔ تاں جو ساریاں دیہاڑیاں وچ ۔ جد تیِک دھرتی تے جیوندے نیں ۔ میر توں ڈرنا سکِھن تے اپنے مُنڈیان نوں وی سکھان ۔ ¹¹ ۱۱. تاں جو تُسیں نیڑے آئے تے پہاڑ دے کھلو تے تے بدل تے وڈھا ہنیرا سی ۔ ¹² ۱۲. تدوں خداوند نے اگ وچوں تُہاڈے نال کلام کیتا ۔ تُساں کلام دی آواز سُنی ۔ پر شکل ناں ویکھی ۔ صرف آواز ای سُنی ۔ ¹³ ۱۳. اوہنے اپنا عہد تُہانوں دسیا ۔ تے اوہدے بارے اوہنے حُکم فرمایا ۔ پئی تُسیں اوہدے تے عمل کرو ۔ یعنی اوہناں دس کلمیاں تے جیہڑیاں اوہنے پتھر دیاں دو تختیاں تے لِکھے ۔ ¹⁴ ۱۴. تے اوس ویلے خدواند نے حکم کیتا ۔ پئی تُہانوں قوانین تے حُکم سکھاواں ۔تاں جو اوس دیس وچ جیہدے مالک بنن لئی تُسیں جاندے او ۔ تُسیں اوہدے تے عمل کرو ۔ ¹⁵ ۱۵. سو تُسیں اپنیاں جاناں لئی خُوب یاد رکھو ۔ پئی جس دیہاڑے حورب ؔتے خداوند نے اگ دے وچکار تُہاڈے نال کلا م کیتا ۔ تُساں اوس دیہاڑے کوئی شکل ناں ویکھی۔ ¹⁶ ۱۶. تے اپنے لئی کوئی گھڑی ہوئی موُرت کسے شکل دے وانگر بندے تے عورت دی بناؤ۔ ¹⁷ ۱۷. تے کوسے جانور دی شکل جیہڑی دھرتی اے۔ ایس طرحاں پَر رکھن والے جانور دی شکل جیہڑا اسمانتون اُڈ دا روے۔ ¹⁸ ۱۸. کسے شے دی شکل جیہڑی دھرتی تے ریہڑدی اے ۔ یا کسے اینج دی مچھی دی جیہڑی زمین دے تھلے پانی وچ اے ۔ ¹⁹ ۱۹. ایس طرحاں ناں ہووے ۔ توں اپنیاں اکھان ول چُکیں ۔ تے سورج تے چن تے ستارے نون یعنی سارے اوسمانی لشکر نوں ویکھ کے جیہنوں خداوند تیر ے خُدا نے اسمان دے تھلے وی ساریاں قوماں دی خدمت لئی بنایا ۔ توں دھو کھاویں تے اوہنون سجدہ کریں ۔ تے اوہدی خدمت کریں ۔ ²⁰ ۲۰. پر خداوند نے تُہانوں چُن لیا ۔ تے مصرؔ دے لکوے دے تندُور وچوں تُہانوں کڈھیا ۔ تاں جو تُسیں اوہدی میراث دے لوک او ۔ جیویں کہ اج دے دیہاڑے اے ۔ ²¹ ۲۱. تُہاڈے سببوں خداوند میرے نال ناراض ہویا تے قسم کھاہدی ۔ پئی توں یردؔ وچ پار ناں جاویں گا تے اوس چنگے دیس وچ ،جیہڑا میں میرا ث لئی اوہنوں دیاں گا ۔ وڑھیں گا ۔ ²² ۲۲. پکا اے پئی ایسے ای دیس وچ مر جاواں گا ۔ میں یردنؔ دے پار نئیں جاواں ۔ پر تُسیں پار جاؤ گے ۔ تے اوس چنگی دھرتی دے وارث ہوؤ گے ۔ ²³ ۲۳. سو اپنے اپ وچ ہُشیار رہوؤ پئی تُسیں خداوند اپنے خدا دا عہد ۔ جیہڑا اوہنے تُہاڈے نال کیتا بھُل ناں جاؤ۔ تے اپنے لئی کوئی کھوتری ہوئ مورت اوس شے دی ناں بناؤ۔ جیدے تون خداوند تیرے خدا نے ڈکیا اے ۔ ²⁴ ۲۴. تان جو خداوند تیرا خُدا ساڑن والی اَگ اے ۔ او غیرت مند خدا اے ۔ ²⁵ ۲۵. تے جیدوں تُہاڈے پُتران تے دھیاں دے پُتر جمن گے ۔ تے تُسیں ۔ مُدت تیِک دیس وچ رہوؤ گے تے وِگڑ جائو گے ۔ تے اپنے لئی کِسے شے دی گھڑی ہوئی مُورت بناؤ گے ۔ تے خداوند اپنے خدا اپنے خدا دے سامنے شرارت کروگے تے غُصہ دواؤگے ۔ ²⁶ ۲۶. تاںمیں اج دے دیہاڑے تُہادے خلاف اسمان تے دھرتی نوں گواہ بنانا ہاں پیہ تُسیں اوس دھرتی توں جیدے وارث ہون لئی تُسیں یردنؔ دے پار جاندے او چھیتی تباہ کیتے جاؤ گے۔ تُسیں اوتھے مُدت تیِک ناں روؤ گے۔ سگوں اُکا ای فنا ہو جاؤ گے ۔ ²⁷ ۲۷. تے خداوند تُہانوں قوماں وچ کھلار دیوے گا ۔ ایتھوں تیِک پئی اوہناں قوماں دے وچکار تُہانوں لے جاوے گا ۔ تُسیں تھوڑے جیہے رہ جاؤ گے ۔ ²⁸ ۲۸. تے اوتھے تُسیں بندیاں دے ہتھاں دے بنائے ہوئے لکڑی تے پتھر دے دیوتیاں دی عبادت کرو گے ۔ جیہڑے وویندے نیں نیں تے سُن دے نئیں تے کھاندے نیں تے سونگھ دے نئیں ۔ ²⁹ v29۲۹. پر اوتھوں وی توں خُداوند اپنے خُدا دا طالب ہوویں گا ۔ توں اوہنوں پائیں گا ۔ جے تون اپنے سارے دِل تے جان نال اوہنوں لبھیں گا ۔ ³⁰ ۳۰. تے جیدوں تیرے تے مُصیبت پوے تے ایہہ گلاں آخری دہاڑیان وچ تُہاڈے تے آئون ۔ پھیر خداوند اپنے خدا دا طالب ہوویں گا ،۔ توں اوہنوں پائیں گا ۔ جے توں اپنے دل تے جان نال اوہنوں لبھیں گا ۔ ³¹ ۳۱. کیوں جو خداوند تیرا رحم کرن والا خُدا اے ۔ اوہ تینوں ناں چھڈے گا ۔ تے ناں تینوں تباہ کرے گا ۔ تے نان اوس عہد نوں بھُلے گا ۔ جیدے بارے وچ اوہنے تیرے پیو دا دے نال سونہہ کھاہدی ۔ ³² ۳۲. تے ہُن پرانے دیہاڑیاں دے بارے جیہڑے تیرے ہتھوں پہلاں بِگ گئے ۔ پُچھے پئی خداوند نے بندے نون دھرتی تے اسماناں دے اِک کنڈے توں دوُجے کنڈے تیِک جمیاں تے اینج دادڈا کم کدی پہلاں وی ہویا ۔ یا اوہدے وانگر کدی سُنیا گیا ۔ ³³ ۳۳. کیہ کسے قوم نے اگ دے وچکار وں خدا دے بولن دی اواز سُنی ۔ جیوین پئی سُنی ایں تے جیوندا رئیا۔ ³⁴ ۳۴. یا کدی خُدا نے ایس طرحاں کیتا ۔ پئی قوماں دے وچکاروں اِک قوم نوں امتحاناں نشاناں تے مُعجزیان دے سببوں تے لڑئیاں تے زورآور ہتھ تے ودھائی ہوئی بانہہ تے بڑیاں دہشتان توں اپنے لئی لیا ۔ ضینج خُداوند تُہاڈے خدا نے تُہاڈیاں اکھاں دے اگے تُہاڈے لئی مصرؔ وچ کیتا۔ ³⁵ ۳۵. ایہہ تینوں وکھیا گیا تاں جو تُوں جانیں پئی خُداوند خُدا اے ۔ اوہدے علاوہ کوئی خُدا نئیں ۔ ³⁶ ۳۶. اوہنے آسمان توں اپنی آواز تینوں سُنائی ۔ تاں جو تینوں ہدایت کرے تے دھرتی تے اوہنے اِک وڈھی اِگ تینوں وکھائی ۔ تے توں اوہدا کلام اَگ دے وچکاروں سُنیاں ۔ ³⁷ ۳۷. تے ایہہ ایس لئی پئی اوہنے تیرے باپ دادا نال پیار کیتا ۔ تے اوہدے بعد اوہدی پیڑھی نوں چُن لیا تے اپنی وڈی اپنی وڈی طاقت نال تینوں مصرؔ وچوں اپ ای کڈھ لیا ۔ ³⁸ ۳۸. تاں جو اوہناں قوماں نوں جیہڑیاں تیرے تھوں وڈیاں تے طاقت والیاں نے تیرے سامنے کڈھ دیوے تے اوہناں دے دیس وچ تینوں واڑے تے اوہ تینوں میراث وچ دیوے ، جیویں توں اِج دیناں ایں ۔ ³⁹ ۳۹. سو اَج دے دیہاڑے جان لے تے اپنے دِل وچ خیال رَکھ ۔ پئی خداوند ای اسمان دے اُتے ۔تے دھرتی دے تھلے خُدا اے ۔ اوہدے علاوہ ہور کوئی نئیں ۔ ⁴⁰ ۴۰. تے توں اوہدے قوانین تے احکام من ۔ جہناں دا اَج دے دیہاڑے میں تینوں فرما دینا آں ۔ تاں جو تیرا تے تیرے بعد تیری اولاد دا بھلا ہووے ۔ تے تیرے دیہاڑے اوس دیس وچ جیہڑا خُدا وند تیرا خُدا تینوں دیندا اے ۔ زمانے دے انجام تیِک ودھائے جان ۔ ⁴¹ ۴۱. فیر مُوسیٰ نے چڑھدے وَل یردنؔ دے پار تِن شہر وکھرے کر دِتے ۔ ⁴² ۴۲. تاں جو جس کسے قاتل اپنے گواہنڈی نوں نا چاہندیاں ہوئیا ں قتل کر دتا ۔ جد پئی او ہ اِک دو دیہاڑے پہلاں اوہدا دُشمن نئیں سی ۔ جیہڑا اوہدے اگے تیِک جاوے ، جدوں اوہ اوہناں شہراں وچوں کسے وچ بھج جائے تے جیوندا رہ گا ۔ ⁴³ ۴۳. باصرؔ نوں جیہڑا اُجاڑ وچ روبینیوں ؔدے میدانی علاقے وچ اے ۔ تے راموتؔنون جیہڑا جا جادیون ؔ دے جلعاد ؔ وچ اے ۔ تے جالان ؔ نوں جیہڑا فلستیاں ؔ دے باشانؔ وچ اے ۔ ⁴⁴ ۴۴. ایہہ او ہ شریعت اے جیہڑی مُوسیٰ نے بنیاسرائیلؔ لئی ترتیب دِتی ۔ ⁴⁵ ۴۵. ایہہ او شہادتاں تے قوانین تے احکام نیں ۔ جہڑے موسیٰؔ نے بنی اسرائیلؔ تون اوہناں دے مصرؔ توں نکلن دے بعد بیان کیتے ۔ ⁴⁶ ۴۶. یردنؔ دے پار وادی وچ بیت فعورؔ دے سامنے اموریاں ؔ دے بادشاہ سیحونؔ دے دیس وچ جیہڑا حشبون ؔ وچ رہندا سی ۔ جہنوں موسیٰؔ تے بنی اسرائیلؔ نے مصر ؔ توں نکلن دے بعد ماریا۔ ⁴⁷ ۴۷. تے اوہ اوہدے دیس تے باشانؔ عوجؔ دے مُلک بنے ۔ ایہہ دونویں اموریاں ؔ دے بادشاہ سن ۔ جیہڑے یردنؔ دے پار چڑھدے وِل رہندے سَن ۔ ⁴⁸ ۴۸. عروعریرؔ توں لے کے جیہڑا وادی ارنون ؔ دے کنڈے تے اے ، کوہِ صیہونؔ یعنی حرمونؔ تیِک ⁴⁹ ۴۹. سارا عرابہؔ یردنؔ دے پار چڑھدے وَل جیہڑا عرابہ دے سمندر تیِک تے کوہ فسحہؔ دی ٹیسی تیِک اے ۔