¹ ۱. جیکر کوئی بندہ کسے بی بی نوُ ں پھڑے تے اوہدا خاوند بن جاوے ۔ تے مگروں کسے عیب دے پاروں اوہدے اوہدے تھوں نفرت کرے ۔ تے طلاق ناامہ لکھ کے اوہنوں دیوے ۔ تے گھر وچوں کڈھ دیوے ۔ ² ۲. تے اوہ اوہدے گھرون نکل کے دوُجے بندے دی ووہٹی بن جاوے ۔ ³ ۳. تے اوہ دوُجا بندہ وی اوہدے تھوں نفرت کرے تے طلاق نامہ لکھ کے اوہنوں دیوے تے اپنے گھروں اوہنوں کڈھے یاں اوہ دو ُجا بندہ جِنے اوہنوں اپنی ووہٹی بنایا ، مر جاوے ۔ ⁴ ۴. تاں اوہدے پچھلے خاوند جوگی ، جنے اوہنوں طلاق دتی سی ۔ ایہہ روا نئیں پئی اوس بی بی نوں ، اوہدے ناپاک ہوں مگروں فیر اپنی ووہٹی بناوے ۔ کیوں جو ایہہ خداوند دے حضور مکروہ اے ۔ اخیر توں اوس دیس وچ جیہڑا خداوند تیرا خدا میراث کرکے تینوں دیندا اے ، گُناہ ناں ہون دیویں ۔ ⁵ ۵. جیکر کِسے بندے نے کسے بی بی نال نواں ویاہ کیتاہووے ۔ تاں اوہ فوج وچ ناں جاوے ۔ ناں اوہدے اُتے کسے کم دا بھار سُٹیا جاوے ۔ سگوں اک ورھے تیِکر اوہ اپنے گھر وچ ویہلا رہوے ۔ تے اپنی ووہٹی نوں ، جیہڑی اوہنے کیتی اے ، خوش رکھے۔ ⁶ ۶. کوئی بندہ چکّی یاں اوہدے اُتے والے پاٹ نوں گروی نال رکھے ۔ کیوں جو ایہہ تان جان نوں گِروی رکھن دے برابر اے ۔ ⁷ ۷. جیکر کوئی بندی اجیہا ملے ، جیہڑا اپنے بھراواں ، مطلب پئی بن اسرائیلؔ وچوں کسے نوں چوری کر کے لے گیا ۔ تے اوہنوں غلام بنا لیا یاں ویچ دِتا ۔ تاں چوری کرن والا ماردتا جاوے تے توں اجیہی شرارت نوں اپنے وچوں دفعا کریں ۔ ⁸ ۸. کوڑھ دی بیماری پاروں سوُہ رکھیں ۔ لاوی تے کاہن جو کُجھ تینوں سکھان اوہدے اُتے عمل ورتیں ۔ ⁹ ۹. چیتا رکھ پئی جدوں تُسیں مصر ؔ تھوں نککلے تاں راہوچ خداوند تیرے خدا نے نیم نال کیہ کیتا ۔ ¹⁰ ۱۰. جیدوں توں اپنے گوانڈی نوں کُجھ قرضا دیویں تاں اوہدے تھوں گروی لین جوگی اوہدے گھو وچ نال وڑیں ۔ ¹¹ ۱۱. سگوں باہر کھلوتا رہویں ۔ تے اوہ تیرے کول گروی باہر کڈھ لیاوے ۔ ¹² ۱۲. جیکر اوہ بندہ ماتر ہووے تاں اوہدا رہن تیرے کول رات نال نال رہوے ۔ ¹³ ۱۳. سگوں سورج ڈُبن لگے تاں اوہنوں موڑ دیویں ۔ تان جو اوہ اپنے کپڑے وچ سوویں تے تینوں برت دیوے ۔ تان ایہہ خداوند تیرے خدا دے اگے جوگی چنگیائی گِنی جاوے ۔ ¹⁴ ۱۴. توں ماتڑ تے مسکین دی مزدوی دین توں انکاری ناں ہوویں ۔ بھاویں اوہ تیرا بھرا ہووے یاں اوہناں پردیسیاں وچوں ہووے جیہڑے تیرے دیس وچ تیرے پھاٹکاں اندر نیں ۔ ¹⁵ ۱۵. سگوں توں اوہدی مزدوری اوسے سورج ڈُبن توں اگدوں اوہنوں دے دیویں ۔ کیوں جو اوہ ماتڑ اے تے اونے وچ ای گزارا کردا اے ۔ اینج ناں ہووے پئی اوہ تیرے بر خلاف خداوند دے اگے کُرلا دے تے ایہہ تیرے سر گناہ ہووے ۔ ¹⁶ ۱۶. مُندیاں بدلے پیو نان مارے جان تے پیو واں بدلے پُتر نان مارے جان س ۔ ¹⁷ ۱۷. توں پردیسی اتے یتیم دا مقدہ نان وگاڑین ۔ تے رنڈی دا کپڑا گروی کیتا کریں ۔ ¹⁸ ۱۸. تے چیتا رکھیں ۔ پئی توں مصرؔ وچ غلام سی ۔ تے خداوند تیرے خدا نے تینوں اوتھوں چھُڈایا ۔ ایس لئی میں تینوں حُکم دیناں ہاں پئی توں اینج کیتا کریں ۔ ¹⁹ ۱۹. جیدوں توں پیلی وچ اناج وڈھین ۔ تے بھُل کے اک پُولا پیلی وچ چھڈ دیویں ۔ تان اوہنون لین جوگی پچھان ناں جاویں ۔ اوہ پردیسی تے یتیم جوگی رہن دیویں ۔ تاں جو خداوند تیرا خدا تیرے ہتھ دے سبھ کم وچ برکت دیوے ۔ ²⁰ ۲۰. جیدوں توں اپنے زیتون دے رُکھ نوں جھاریں تاں جو کُجھ برچھاں تے رہ جاوے اوہنوں فیر ناں لویں ۔ اوہ پردیسی تے یتیم تے رنڈی جوگی رہوے ۔ ²¹ ۲۱. جد توں اپنے انگوران نوں کٹھا کرہیں ۔ تان جو پچھے رہ جاوے اوہنوں فیر ناں لویں ۔ اوہ پردیسی تے یتیم تے بیوہ جوگی ہووے گا ۔ ²² ۲۲. تے چہیتا رکھیں ۔ پئی تون مصرؔ وچ غلام سی ۔ ایس لئی میں تینوں حُکم دیناں ہان توں اینج کریں ۔