¹ ۱. جیہڑے بندے نوں کھس کر دِتا گیا ہووے یا نفس کٹ دِتا گیا ہووے ۔ اوہ خداوند دی جماعت وچ داخل ناں ہووے ۔ ² ۲. کوئی حرام زادہ خداوند دی جماعت وچ داخل ناں ہووے۔ اوہدی دسویں پیِڑی تیِک کوئی خداوند دی جماعت وچ داخل ناں ہووے ۔ ³ ۳. تے ناں کوئی عمونی ؔ تے موآنی ؔ خدواند دی جماعت وچ دسویں پیِڑی تیِک داخل ہووے ۔ ایہناں وچوں کوئی وی خداوند دی جماعت وچ کدی داخل ناں ہووے ۔ ⁴ ۴. کیوں جو جیدوں تُسیں مصرؔ جو نکلے او ۔ روٹی تے پانی لے کے تُہاڈے لئی راج وچ ناں آئے۔ تے ایہناں تے فعورؔ چوں جیہڑا نہرائم وچ اے ۔ بلعام بن بعورؔ نوں پیسے دے کے سدیا تاں جو اوہ تُہاڈے اُتے لعنت کرے ۔ ⁵ ۵. پر خدواند تیرے خدا نے چاہیا پئی بلعام ؔ دی سُنے سگوں خدواند تیرے لئی لعنت نوں برکت نال بدل دتا ۔ ⁶ ۶. ایس لئی پئی خداوند تیرا خُدا وند تینوں پیار کردا سی ⁷ ۷. تُوں اپنی ساری حیاتی کدی ایہناں دی سلامتی تے خیریت نا چاہویں ۔ توں ادومیؔ توں نفرت ناں کریں ، کیوں جو اوہ تیرا بھائی اے توں کِسے مصریؔ توں نفرت ناں کریں ۔ کیوں جو او تیرا بھائی اے توں کِسے مصری توں نفرت ناں کریں ۔ کیوں جو توں ایہناں دے دیس وچ مُسافر رہیا ۔ ⁸ ۸. ایہناں دی تیری پیِڑھی دے جیہڑے مُنڈے جمّن اوہ اوہ خداون دی جماعت وچ داخل ہون گے ۔ ⁹ ۹. جدھ توں لشکر گاہ جو اپنے ویریاں نال لڑن لئی نکلن ۔ ¹⁰ ۱۰. توں ہر اِک بُری شے توں پاک رہ ۔ اگر تُہاڈے وچ کوئی اجیہا مرد ہووے ۔ جیہڑا رات نوں سُفنے وچ ناپاک ہو جاوے تے اوہ لشکر گاہ چوں باہر نکلا جائے تے لشکر گا ہ وچ ناں آئے ۔ ¹¹ ۱۱. پر جیدوں شام ہون لگے تے اوہ نہاکے تے سورج دُبن توں بعد لشکر گاہ دے اندر آئے۔ ۔ تے لشکر گاہ توں باہر تُہاڈے لئی اِک تھاں ہووے گی جِتھے تُسیں حاجت دے لئی جاؤ۔ ¹² ۔ تے لشکر گاہ توں باہر تُہاڈے لئی اِک تھاں ہووے گی جِتھے تُسیں حاجت دے لئی جاؤ۔ ¹³ ۱۳. تے تیرے کمر بند وچ تیرے کول اِک رویا ہووے ۔ تاں جو جیدوں توں باہر جا کے بہویں توں کھڈا پُٹ ۔ اپنی گندگی نوں لُکا ۔ ¹⁴ ۱۴. تاں جو تینوں خُداوند تیرا خُدا تیرے لشکر گا ہ دے اندر پھردا اے ۔ تاں جو تینوں چھڈ آئے تے تیرے ویریاں نوں تیرے حوالے کرے ۔ ایس لئی تیری لشکر گاہ پاک رہوے۔ اینج ناں ہووے پئی اوہ اایہدے وچ کوئی ناپاکی ویکھے تے تیرے کولوں چلا جاوے ۔ ¹⁵ ۱۵. جے کوئی غُلام تیرے کول نس کے آ جاوے تے توں اوہنوں اوہدے مالک دے حوالے ناں کر ۔ ¹⁶ ۱۶. سگوں اوہ تیرے کول کسے وی شہر وچ جیہڑی تھاں اوہ چاہو تے جِتھے اوہنوں چنگا لگے رہوے توں اوہدے تے ظلم ناں کریں ۔ ¹⁷ ۱۷. اسرائیل ؔ دی کُڑیاں وچوں کوئی نچن والی ناں ہووے تے ناں اسرائیلؔ دے مُنڈیاں وچوں کوئی رنڈے باز ہووے ۔ ¹⁸ ۱۸. توں خُداوند اپنے خُدا دے گھر وچ نچن والی دی کمائی یا کُتے دی قیمت مُفت دے لئی ناں لیاویں ۔ کیوں جو ایہہ دونویں خداوند تیرے خُدا دے نیڑے مکروہ نیں ۔ ¹⁹ ۱۹. تُوں اپنے بھائی نوں سُود تے قرض ناں دے ناں پیسے ناں دانے تے ناں ہور کوئی شے۔ جیہڑی قرض تے دیتی جا سکدی اے ۔ ²⁰ ۲۰. اجنبی نوں توں سُود تے وقرض دے سکنا ایں ۔ پر اپنے بھائی نوں سُود تے قرض ناں دے دیویں ۔ تاں جو اوس دیس وچ جیدا مالک بنن دے لئی تُوں جانا ایں ۔ خداوند تیرا خُدا تیرے تیرے ہَتھ دے سارے کماں وچ برکت بخشے ۔ ²¹ ۲۱. جَدھ توں خدواند اپنے خدا دے لئی کوئی مَنّت منیں ۔ توں ایہنوں ادا کرن وچ دیر ناں کر۔ کیوں جو خداوند تیرا خدا ایہنون تیرے کولوں طلب کرے گا ۔ ²² ۲۲. تے جے توں پہلاں مَنّت نئیں مَنی توں گُنہگار ناں ہوویں گا ۔ ²³ ۲۳. پر جو کُجھ تیرے بُلاں چوں نکلیا اے ۔ اوہنوں یاد رکھ تے عمل وچ لیا ۔ اوس مَنّت دے مطابق جیہڑ ی توں خُداوند اپنے خُدا کی خوشی نال منّی ایں جس طرحاں پئی تیرے مُونہہ نے آکھیا ۔ ²⁴ ۲۴. جے توں اپنے گوانڈی دے باغ دے وچ اپنی جاویں تے تے تُوں اپنی پنکھ دے مطابق انگور کھا پَر اپنی ٹوکری وچ ہر گز ناں لے کے جائیں۔ ²⁵ ۲۵. جے تُوں اپنے گوانڈی دی پیلی وچ جاویں تے تُوں اپنے ہَتھ نال سُٹے توڑے پر اپنے گوانڈی دی پیلی نوں دااتری ناں لائیں ۔