¹ ۱. جیکر بندیاں وچ جھگڑا ہووے تے اوہ نیاں جوگی آؤن تاں قاضی اوہناں دا نیاں کرن ۔تاں اوہ سچے نوں سچا مِتھن تے گناہی تے فتویٰ دین۔ ² ۲. تے جیکر اوہ گناہی کوڑے کھان لائق ہووےتاں اوہ تھلے لمیا پایا جاوے۔تے اوہدے گناہ دے حساب نال گِن کے قاضی دےساہمنے اوہنوں کوڑے مارے جان ۔ ³ ۳. چالہی تیکر اوہنوں کوڑے مارے جان تے دُدھ نئین ۔تاں جو اینج ناں ہووے پئی جیکر ایس تھوں ودھ کوڑے مارے جان۔تاں تیرا بھرا تیری نِگاہ وچ نیچ ہووے۔ ⁴ ۴. تُوں گاہندے ویلے ڈھکے دا مونہہ ناں بنھیں ۔ ⁵ ۵. جیکر کِنے ای بھرا کٹھےرہندے ہَون تے اوہناں وِچوں اِک مر جاوے تے اوہ بے اولاد ہوے ۔تاں مرن والے دی ووہٹی باہر کِسے پرائے بندے نال ویاہی نال جاوے ۔سگوں اوہدا بھرا اوہدے نال صحبت کرے تے اوہنوں اپنی ووہٹی بناوے ۔تے اپنے بھرا جوگی نسل جمے۔ ⁶ ۶. جیہڑااگیترا پُتر اوہدے وِچوں جمے ۔اوہ اوہدے مرے ہوئے بھرا دے ناں نُوں قائیم رکھے گا ۔تاں جو اسرائیل وچوں اوہدا ناں مِٹ ناں جاوے۔ ⁷ ۷. جیکر اوہ بندہ راضی نا ہووے پئی اپنے بھرا دی ووہٹی نال ویاہ کرے ۔تں اوہدے بھرا دی ووہٹی وڈے وڈیریاں کول شہر دے پھاٹک اُتے جاوے تے آکھپے پئی میرے خاوند دے بھرا نے اسرائیل وچ اپنے بھرا دے نان نُوں قائیم رکھن تھوں انکار کیتا اے تے مینوں اپنی ووہٹی بناؤن لئی راضی نئیں ۔ ⁸ ۸. تد شہر دے وڈے وڈے اوہنوں بلاؤن تے اوہدے پاروں اوہدے نال گل بات کرن ۔جیکر اوہ نا کھلووےتے آکھے۔پئی میں ایس بی بی نُوں ووہٹی بناؤن لئی راضی نئیں ۔ ⁹ ۹. تا ں اوہدے بھر ادی ووہٹی وڈیریاں دے ساہمنے اوہدے نیٹرے جاوے تے پیروں جُتی لاہوے تے اوہدےمُنہ اُتے تھُکے ،تے آکھے پئی اوس بندے نال جیہڑا اپنے بھرا دا گھر نا بناوے اجیہا سلوک ای کیتا جاوے گا۔ ¹⁰ ۱۰. تے بنی اسرائیل وچ اوہدا ناں "جُتی لاہے گئے دا خاندان"رکھیا جاوے گا۔ ¹¹ ۱۱. جیکر دوبندے آپس وچ اِک دوجے نال لِڑے دے ہون ۔تے اِک دی ووہٹی نیڑے آوے پئی اپنے خاوند نوں اوہدے ہتھوں جیہڑا اوہنوں کُٹ رہیا اے۔چھڈاوے تے ہتھ ودھاکے اوہدا قضیب پھڑے۔ ¹² ۱۲. تاں تُوں اوہدا ہتھ وَڈھ دیویں تے اوہدے تےترس نا کھاویں ۔ ¹³ ۱۳. توں اپنے گُتُھلے وچ دو وَٹے ،اِک نِکا تے دوجا وڈا نا رکھیں۔ ¹⁴ ۱۴. تے نا تیرے گھر وچ دو ترکڑیاں،اِک نِکی تےدوجی وڈی ،ہون ۔ ¹⁵ ۱۵. سگوں تیرا وَٹا پُورا تے سالم،تے تیری ترکڑی پوری تے سالم ہووے ۔تاں جو اوس دیس وچ ،جیہڑا خداوند تیرا خدا تینوں دیندا اے۔تیرے دیہاڑے چوکھے ہَون۔ ¹⁶ ۱۶. کیوں جو اوہناں سبھاں نال ،جیہڑے کردے نیں،مطلب اوہناںسب نال جیہڑے بھیڑے کم کر دے نیں ،خداوند تیرے خدا نُوں نفرت اے۔ ¹⁷ ۱۷. تُوں چیتارکھیں ۔پئی جد تُوں م،صر وچوں نِکلیا تاں رہ وچ عمالیق نے تیرے نال کیہ کِیتا۔ ¹⁸ ۱۸. اوہ راہ وچ تینوں کیوں ٹُکر یا ۔تے جس ویلے تپوں تھکیا سی اوہنے تیرے مگر لے مارے بندیاں نوں کِنج قتل کِیتا ۔تے خدا دا خوف نا رکھیا۔ ¹⁹ ۱۹. اخیر جدون اوس دیس وچ جیہڑا خداوند تیرا خدا میراث کر کے تینوں دیندا اے،پئی تُوں اوہد ادیس بنیں ،خداوند تیرا خدا تیرےآسے پاسے دے سبھے ویریاں تھوں تینوں آرام بخشے ۔تاں توں عمالیق تیکر عرش تھلوں دیویں ۔ایہہ گل بھُلانا دیویں ۔