¹ ۱. تُوں خداوند اپنے خدا جوگی کوئی گاں ڈھگا یاں بھیڈ بکری ،جہدےوچ عیب یاں کوئی نقص ہوے ،ذبح ناں کریں ۔کیوں جو خداوند تیرے خدا دےسامنے ایہہ مکروہ اے ² ۲. جیکر تیرے وچ کِدھرے تیرے شہراں وچ ،جیہڑا خداوند تینوں دیوے گا ۔کوئی بندا یاں بی بی ہووے ،جنہے خداوند تیرے خدا دے اگے بدی کیتی پئی اوہدے عہد نوں توڑیا۔ ³ ۳. تے جا کے پرائے معبوداں دی بندگی کیتی تے اوہناں نوں سِجدہ کیتا۔یاں سورج یاں چن یاں سبھے اَسمانی لشکر وچوں کِسے نوں۔جہدے پاریوں میں منع کیتا۔ ⁴ ۴. تے تینوں خبر دِتی گئی تے توں سُنیا تے تُوں بہتری پرکھ پڑچول کیتی تے ایہہ گل ٹھیک ثابت ہوئی ۔پئی اسرائیل وچ اجیہا مکروہ کم ہَویا اے۔ ⁵ ۵. تاں تُوں اوس بندےیاں بی بی ہووے ۔تے اوہنوں سنگسار کریں ۔ایتھوں تیک پئی اوہ مر جاوے ۔ ⁶ ۶. جیہڑا وی قتل کیتا جاوے اوہ دونویں تین گواہواں دے بیان مگروں قتل کیتا جاوے ۔اِک گواہ دے بیان نال اوہ قتل ناں کیتا جاوے۔ ⁷ ۷. اوہدے قتل جوگی اگیترے گواہواں دا ہتھ اوہدے اُتے پَین ۔تے اوہناں دے مگروں باقی لوکاں دے ہتھ ۔تاں جو تُوںاپنے وچوں اجیہی شرارت نُوں دَفعاں کریں ⁸ ۸. جیکر تیرے آپسی دےقتل یاں دعوے یاں مارکٹائی یاں جھگڑے دے کسے معاملے دا فیصلہ تیرے پھاٹکاں دے اندر اوکھا ہووے ۔تاں تُوں اُٹھ تے اوس تھاں۔جنہوں خداوند تیرا خدا چُنے گا ۔جاوِیں۔ ⁹ ۹. تے لاوی کاہناں اُتے اوس ویلے دے قاضی کول حاضر ہون تے اوہناں نوں پُچھیں ۔تاں اوہ فیصلے پاروں تینوں ہدایت دین گے۔ ¹⁰ ۱۰. تے تُوں اوس فصیلے دے حساب نال عمل ورتین ،جیہڑا اوہ تینوں اوس تھاں تے دسن ۔جنہوں خداوند چُنے گا۔تے جو کجھ اوہ تینوں سِکھان اوہنوں منِیں۔ ¹¹ ۱۱. شریعت دے حساب نال ،جو کجھ اوہ تینوں سِکھان تے جیہڑا اوہ تینوں دسن ۔اوہدے حساب نال تُوںکریں ۔تے جیہڑی گلااوہ تینوں دسن ۔اوہدے حساب نال تُوں کریں ۔تے جیہڑی گلا اوہ تینوں جتان اوہدے تھوں سجے یاں کھبے ناں مُڑیں ۔ ¹² ۱۲. تے جیہڑا بندہ اوس کاہن دی گستاخی کرے ،جیہڑا خداوند تیرے خدا دی خدمت کرن جوگی اوتھے کھلوتا اے،جیہڑا خداوند تیرے خدا دی خدمت کرن جوگی اوتھے کھلونا اے یاں قاضی دی گل ناں سُنے اوہ بندہ قتل جاوے ۔تے تُوں اجیہی شرارت نُوں اسرائیل وچوں دفعاں کریں۔ ¹³ ۱۳. تاں سبھے لوک سُنن گے تے ڈرن گے تے فیر گستاخی ناں کرن گے ۔ ¹⁴ ۱۴. جد تُوں اوس دیس وچ جیہڑا خداوند تیرا خدا تینوں بخشے گا ،وڑ جاویں تے اوہدا مالک بنیں تے تُوآکھیں ،پئی اوہناں سبھے قوماں وانگوں ،جیہڑیاں میرے آل دوالے نیں میں وی اپنے اُتے اِک بادشاہ کھلارھاں گا۔ ¹⁵ ۱۵. تان جنہوں خداوند تیرا خدا چُنے ،ااوہنوں تُوں اپنے اُتے بادشاہ بناویں ۔اپنے بھراواں دے وچوں ای اپنے اُتے بادشاہ کھلاریں ۔کسے پرائے بندے نوں جیہڑا جیہڑا بھرا نئیں ،اپنے اُتے بادشاہ نہ بناویں ۔ ¹⁶ ۱۶. پر اوہ اپنے جوگی بوہتے گھوڑے ناں جوڑے ۔تے گھوڑیاں دی چوکھ پاریوں اوہ لوکاں نُوں مِصر وچ ناں لے جاوے ۔کیوں جو خداوند نے تہانوں آکھیا پئی تُسی اوس راہ تھوں فیر کدی پچھاں نوں مُڑناں جانا۔ ¹⁷ ۱۷. تے اپنے جوگی بوہتیاں ووہٹیاں ناں رکھے ۔تاں جو اوہدا دل گمراہی ول نان جا لگے ۔تے ناں وہ بوہتا سونا تے چاندی جوڑ وچ رُجھیا رہوے۔ ¹⁸ v18۱۸. تے جدوں اوہ اپنی شاہی دے تخت اُٹے بہوے تاں لاوی کاہناں دی کتاب دے حساب نال ایسشریعت دی اِک نقل اپنے جوگی لکھوائے۔ ¹⁹ ۱۹. تے وہ اوہدے کول ای رہوے تے اوہاپنی حیاتی دے سبھے دیہاڑے اوہنوں پڑھدا رہوے ۔تاں جو خداونداپنے خدا توں ڈرنا سیکھے۔تے ایس شریعت دی سبھے گلاں تے ایہناں قاعدیاں نوں مَنے تے اُتے عمل کرے۔ ²⁰ ۲۰. تاں جو اوہدا دل اوہدے بھراواں دے برخلاف مغرورناں ہوجاوے۔تے تاں جو اوہ حکم توں سجے یاں کھبے نہ مُڑے ۔تے اسرائیل دے وچ اوہدے تے اوہدے پُتراں دے شاہی دے دیہاڑے لمے ہو جان۔