¹ ۱. کاہناں تے لاویاں تے لاویاں دے سبھے قبیلے دا سرائیل دے نال حِصا تے میراث نہ ہووےگی ۔کیوں جو اوہ خداوند دی اَگ والی قربانیاں تے اوہدی میراث وچوں کھان گے۔ ² ۲. تے اوہدی میراث اوہدے بھراواں دے وچ ناں ہووے گی۔کیوں جو خداوند ای اوہدی میراث اے،جیویں اوہنے اوہنوں آکھیا۔ ³ ۳. لوکاں وَلوں جدوں اوہ گاں ڈھگے یا بھیڈ بکری دی قربانی کرن ۔تاں کاہناں نوں ایہہ حق ہووے گا۔کاہن نوں موڈھے،تے دونویں جیہڑے تے جھو جھودِتے جان۔ ⁴ ۴. تے اپنے غلے اُتے اپنی مَے تے اپنے تیل دےاگیترےپھل تے اپنی بھیڈاں دی اگیتری اُن توں اوہنوں دیویں۔ ⁵ ۵. کیوں خداوند تیرے خدا نے تیرے سبھے قبیلیاںوِچوں اوہنوں چُنیا اے تاں جو اوہ تے اوہدے پُتر ہمیشاں خداوند دے ناں دی خدمت جوگی کھلوتے رہن ۔ ⁶ ۶. جیکر اسرائیل دے وچ تیرے کِسے شہر توں جِتھے اوہ رہندا اے،کوئی لاوی آوے تے اوہدی تھاں وچ ،جنہوں خداوندچُنے گا اپنے دل دی لوبھ نال حاضر ہووے۔ ⁷ ۷. تاں اوہ خداوند اپنے خدا دے ناں نال اپنے سبھے بھرا لاویاں وانگوں ،جیہڑے اوتھے خداوند دے حُضور کھلوتے رہندے نیں ،خدمت کرے گا۔ ⁸ ۸. تے اوہ اوہدے کھان دے برابر حِصا دین گے۔بجائے اوس حصےدے،جیہڑا اوہنوں اپنی جدی ملکیت ویچن نال مِلیا ہووے۔ ⁹ ۹. جدوں تُوں اوس دیس وچ آویں جیہڑا خداوند تیرا خدا تینوں بخشے گا۔توں اوہنوں قوماں دی مکروہات وانگو کرنا ناں سِکھیں ۔ ¹⁰ ۱۰. تیرے وچ کوئی اجیہا نہ لبھے۔جیہڑا اپنے پُتر یاں دھی نُؤں اَگ وچوں لنگھا وے یاں جیہڑا جادوگیری صلاح لَوے یا آپ جادوگیر ہووے۔ ¹¹ ۱۱. ناں منتر پڑھن والاناں جِناںتوں پُچھن والا نہ اَملی تےناں اوہ موئیاں توں صلاح لیندا ہووے۔ ¹² ۱۲. کیوں جو اوہ سبھے ،جیہڑے اجیہے کم کردے نیں ۔خداوند دے نیڑے نفرت جوگے نیں تے ایہناں ای مکروہاں پاریوں خداوند تیرا خدا اوہناں قوماں نوں تیرے اَگوں دفعاں کرے۔ ¹³ ۱۳. سگوں تُوں خداوند اپنے خدا دے حُضور کامل ہو۔ ¹⁴ ۱۴. کیوں جو ایہہ قوماں جنہاں نؤں تُوں کڈھ دیویں گا ۔نجومیاں تے جادوگیراں دی سُندیاں نیں ۔پر اجیہا کرن دی خداوند تیرے خدا نے تینوں اجازت نئیں دِتی۔ ¹⁵ ۱۵. خداوند تیرا خدا تیرے ای وچوں مطلب تیرے بھراواں ای دے وچوں میرے ورگا ای نبی سہر جوگی گھلے گا۔تُوں اوہدی سُنیں ۔ ¹⁶ ۱۶. جیویں پئی تُوں خداوند اپنے خدا توں حُورب ؔ اُتے محمے ؔ دے دیہاڑے مِنت کر کے آکھیا سی پئی میں خداوند اپنے خدا دی واج فیر ناں سُناں تے اجیہی وڈی اَگ وی فیر ناں ویکھاں۔تاں جو مین مرناں جاواں ۔ ¹⁷ ۱۷. تاں خداوند تے مینوں آکھیا پئی چنگا آکھیا ۔ ¹⁸ ۱۸. میں اوہناں دے بھراواں دے وِچوں تیرے ورگا اِک نبی گھلاں گا۔تے آنیا کلام اوہدے مُونہہ وچ رکھاں گا تے جو کجھ میں اوہنوں حکم دواں گا اوہ اوہناں آگھے گا۔ ¹⁹ ۱۹. تے جیہڑا بشر میرے کلام نوں،جیہڑا اوہ میرے ناں نال آکھے گا،ناں منے گا،تاں میں اوہدا حساب اوہدے توں لواں گا۔ ²⁰ ۲۰. تے جیہڑا بنی ایہہ گُستاخی کرے پئی کوئی اجیہی گل میرے ناں توں آکھے ،جیہڑے آکھن دا میں اوہنوں حکم نئیں دِتا ۔یاں پرائے معبوداں دے ناں نال نبوت کرے ،تاں اوہ نبی جرور قتل کیتا جاوے۔ ²¹ ۲۱. جیکر تُوں اپنے دل وچ آکھیں ،پئی ایہہ کیوں پتا چلے پئی ایہہ گل خداوند نے نئیں آکھی؟ ²² ۲۲. تاں جیکر اوہ نبی خداوند دے ناں نال کجھ آکھے تے اوہدا آکھیا پورا ناں ہووے تان اوہ کلام خداوند نے اوہنوں نئیں دِتا ۔سگوں اوس نبی نے گُستاخ بن کے اوہ گل آکھی اے۔توں اجیہے کولوں ناں ڈریں۔