¹ ۱. توں ابیب ؔدے مہینے نُوں یاد رکیھں ۔تے اوہدے وچ خداوند اپنے خدا جوگی فصیح کریں۔کیوں جو ابیب دے مہینے وچ خداوند تیرا خدا رات دے ویلے تینوں مِصر وچوں کڈھ لیا سی۔ ² ۲. توں اپنی بھیڈبکری تے گاں ڈھگے وچوں اوس تھاںوچ جتھے خداوند اپنیاں نال رکھانا چاہوے گا۔خداوند اپنے خدا جوگی فصح ذبح کر۔ ³ ۳. توں اہودے نال خمیر نہ کھاویں ۔سگوں سَت دیہاڑے تیک اوہدے نال تُوں فطیری روٹی مطلب دُکھ دی روٹی کھاویں (کیوں جو تُوںمِصر وچوں چھیتی کر کے نکلیا سی)تاں جو تُوں مِصر وچوں نکلن دے دیہاڑے نوں اپنی حیاتی دے سبھے دیہاڑیاں وچ چیتا رکھیں ۔ ⁴ ۴. تے تیری سبھے سرحدا ں وچ ست دیہاڑے تیک تیرے کول خمیر کِدھرے نظریں نہ آوے ۔تے اوس گوشت وچوں ،جنہوں تُوں اگیتر دیہاڑے ڈیگر ویلے نوں ذبح کِیتا سی۔کجھ وی دوجےدیہاڑےتیک باقی نہ ہوے ۔ ⁵ ۵. تیرے جوگی جائیز نئیں پئی تُوں فصح نوں اپنے کسے شہر وچ جیہڑا خداوند تیرا خدا تینوں دیوے گا ،ذبح کریں۔ ⁶ ۶. سگوں اوس تھاں وچ جنہوں خدا وند تیرا خدا چُنے گا،پئی اپنا ناں اوتھے رکھے ،توں ڈیگر ویلے فَسح ذبح کریں ۔سورج دُبن نیڑے اوسے ای ویلے پئی جدوں تُوں مِصر وچوں نکلیا سی۔ ⁷ ۷. تے اوسے ای تھاں وچ جنہوں خداوند تیرا خدا چُن لَوے گا ۔بھُن تے کھا سویرے مُڑ کے اپنے خیمے وَل چلا جاویں ۔ ⁸ ۸. چھے دیہاڑے تیکر تُوں فطیری روٹی کھاویں ،تے ستویں دیہاڑے خداوند تیرے خدا دی محفل ہووے گی ۔توں اوہدے وچ کوئی وی کم ناں کریں ۔ ⁹ ۹. توں اپنے جو گی سَت ہفتے گنیں ۔غلے نوں داتری لاؤن دے ویلے توں لے کے توُں ست ہفتے گِننا شروع کریں ۔ ¹⁰ ۱۰. تے تُوں خداوند اپنے خڈا جوگی ہفتیاں دی عید کریں ۔جنہا پئی تیرے ہتھ تُوں خرچ کرن دی ہمت ہووے ،اوس برکت دے برابر ،جیہڑی خداوند تیرے خدا نے تینوں دِتی اے۔ ¹¹ ۱۱. تے تُوں اوس تھاں وچ جنہوں خداوند تیرا خدا چُنے گا،پئی اوتھے اپنا ناں رکھے ،اپنے پُتر تے دھے ،غلام تے لوندی نوں اوس لاوی سمیت ،جیہڑا تیرے پھاٹکاں دے اندر ہووے تے اوس پردیسی تے یتیم تے رنڈی دے ،جیہڑی تیرے وچ ہووے ،خداوند اپنے خدا دے حضور خوشی کریں۔ ¹² ۱۲. تے یاد رکھیں پئی توں مِصر وچ غلام سی۔ اخری ایہناں قانوناں نوں میں تے ایہناں تے عمل ورتیں ۔ ¹³ ۱۳. جدوں تُوں اپنے کھلیان تے اپنے کولہو دا پھل کٹھا کر لیویں تاں سَت دیہاڑے خیمیان دی عید کریں۔ ¹⁴ ۱۴. تے اپنے پُتر تے دھی تے غلا م تے لونڈی نوں اوس لاوی سمیت تے پردیسی تے یتیم تے رنڈی ،جیہڑی تیرے پھاٹکاں دے اندر ہووے ،اپنی ایس عید وچ خوشی کریں ۔ ¹⁵ ۱۵. اوس تھاں وچ ،جنہوں خداوند چُن لَوے گا ،سَت دیہاڑے تیکر خداوند اپنے خدا جوگی عید کریں ۔کیوں جو خدا وند تیر اخدا تیری سبھے پیداوار وچ تے ہتھ دے سبھےکمان وچ برکت دیوے گا۔اخیری تینوں ڈھیر خوشی ہووے گی۔ ¹⁶ ۱۶. تیرے سبھے بندے ورھے وچ تیجی وار مطلب فطیری عید نوں تے ہفتیاں دی عید نون تے خیمیاں دی عید نوں خداوند دے حضور اوس تھاں وچ جنہوں اوہ چُن لَوے گا ، حاضر ہَون ۔تے اوہ خداوند دے حضور خالی ہتھ حاضر ناں ہَون ۔ ¹⁷ ۱۷. ہر اِک اپنی طاقت دے تئیں تے اوس برکت دے برابر جیہڑی خداوند تیرے خدا نے اوہنوں دِتی اے،لیاوے۔ ¹⁸ ۱۸. تُوں اپنے اوہنان سبھے شہراں وچ ۔جیہڑے خداوند تیرا خدا تیرے قبیلیاں دے حساب نال تینوں دیوے گا۔قاضی تے حاکم مِتھ لَویں۔اوہ لوکاں دے وچ انصاف نال عدالت کرن۔ ¹⁹ ۱۹. تُوں فیصلہ سُناون وچ راستی تھوں پھیریں تے مُکھ دا لحاظ ناں کریں تے رشوت ناں لَویں ۔کویں جو رشوت عقل والیاں دی اکھاں نوں انھا کر دیندی اے تے سچیاں دی گلاں نوںوگاڑ دیندی اے۔ ²⁰ ۲۰. تے تُوں سچیائی دی پیروی کریں۔تاں جو تُوں جیوندا رہویں تے اوس دیس دا جیہڑا خداوند تیرا خدا تینوں بخشے گا ،مال بنیں۔ ²¹ ۲۱. تُوں خداوند اپنے خدادے اوس مذبحے دے نیڑے ،جیہڑا تُوں بناویں گا ،اپنے جوگی کسے قسم دے رُکھ دا کھمبا نہ لاویں ۔ ²² ۲۲. تے ناں اپنےجوگا کوئی ستون کھلاریں ۔کیوں جو ایہناں توں خُداوند تیرے خدا نُوں نفرت اے۔