¹ ۱. ہر سَتویں ورھے مگروں تُوں معافی دا عمل ورتیں ۔ ² ۲. تے معافی دا ایہہ چج اے پئی جس کِسے نے اپنے گونڈی نُوں کجھ قرض دِتا ہووے ۔اوہ اوہنوں معاف کر دیوے ۔تے اپنے بھرا تے گاونڈی توں اوہدی مانگ نہ کریں ۔کیوں جو ایہہ خداوند دی معافی دا ورھا اے۔ ³ ۳. پردیسی کولوں تاں تُوں مانگ کر سکنا ایں پر جو کجھ تیرا تیرے بھرا وَل اے ،تُوں اوہنوں معاف کریں۔ ⁴ ۴. تے تیرے وچ کوئی محتاج ہووے گا وی نئیں ۔کیوں جو جیہڑا دیس خداوند تیرا خدا تینوں میراث وچ دیوے گا ۔ پئی تُوں اوہدا مالک بنیں ،خداوند تینوں اوہدے وِچ برکت دیوے گا۔ ⁵ ۵. ایس شرط نال پئی تُؤں خداوند اپنے خدا دے سُنیں تے اوہدے اوہناں سبھ حُکماں نُوں ،جنہاں پاریوں میں اَج تینوں فرمان دیناواں ،منیِں تے اوہناں نوں اُتے عمل ورتیں ۔ ⁶ ۷. کیوں جو خداوند تیرا خدا تینوں برکت دیوے گا ۔جیویں اوہدے تیرے نال وعدہکِتا اے۔تے بہتیریاں قوماں تیھتوں قرض لین گِیاں تے تُوں قرض ناں لَویں گا ۔تے تؤں بہتیریاں قوماں تے حکومت کریں گا تے اوہ تیرے اوتے حکومت ناں کرن گِیاں ۔ ⁷ ۷. جیکر اوس دیس وچ جیہڑا خداوند تیرا خداتینوں دیوے گا۔کسے شہر وچ تیرے وچوں تیرے بھراواں وچ کوئی مہاتڑ ہووے تاں تُوں اپنا دِل پتھر نہ کریں ،تے اپنے مہاتڑ بھرا ول اپنا ہتھ بند نہ کریں ۔ ⁸ ۸. سگوں اوہدے لئی تُوں اپنا پتھ کھول تے اوہدی لوڑ دے حساب نال اوہنوں قرض دے ۔ ⁹ ۹. تے خبردار اینج نہ ہووے پئی تیرے دل وچ نالائق خیال رہن ۔تے تُوں آکھیں پئی سَتواں سال معافی دا سال نیڑے وے ۔تیری مُفلس نظر تیرے بھرا تَوں پھیر جاوے ۔تے تُوں اوہنوں کُجھ نہ دیویں ۔تے اوہ تیرے خلاف رَب دے حضور بولے۔تے ایہہ تیرے لئی گناہ ٹھہرے ۔ ¹⁰ ۱۰. سگوں تُوں اوہنوں دے تے دیندے ویلے دُکھ نہ کر ۔کیوں جو ایسے گل لئی رَب تیرا خُدا تیرے سارے کماں وچ تے اوہناںساریاں معاملیاں وچ جنہاں وچ تُؤں ہتھ ودھائیں ۔ینوں برکت دے گا ۔ ¹¹ ۱۱. کویں جو مہاتڑاں توں خالی نہ رہوے گا ۔ایس کر کے میں اَج ایہہ آکھ کے تینوں حکم دیناں واں ۔پئی تُوں اپنے اوس مہاتڑ تے لوڑ دا ر بھرا دے وَلوں ،جیہڑا تیرے دیس وچ اے اپنا ہتھ کھلا رکھ۔ ¹² ۱۲. جیکر تیرا کوئی بھرا مطلب عبرانی بندیاں کوئی بھین مطلب عبرانی بی بی تیرے کول ویچی جاوے ۔تاں اوہ چھے ورھیاں تیک تیری خدمت کر ے تے سَتویں ورھے وچ تُوں اہونوں اپنے کولوں آزاد کر دیویں ۔ ¹³ ۱۳. تے جدوں تُوں اوہنوں آزاد کر کے اپنے کولوں رخصت کریں تاں اوہنوں خالی ہتھ رخصت نہ کریں ۔ ¹⁴ ۱۴. سگوں اپنی بھیڈ بکری تے کھتے تے کولہو وچؤں مطلب اوس برکت وچوں جیہڑی خداوند تیرے خدا نے تینوں بخشی اے ۔اوہنوں کجھ دیویں ۔ ¹⁵ ۱۵. تے یاد کر پئی تُوں مصر وچ غلام سیں ۔تے خدا وند تیرے خدا نے تینوں چھُڈایا ۔ایس لئی اَج دے دیہاڑے میں تینوں ایہہ حکم دیناں واں ۔ ¹⁶ ۱۶. پر جیکر اوہ آکھے ۔پی میں تیرے کولوں نئیں جانا کیوں جو اوہ تینوں پیار کردا اے۔تے تیرے گھرانے نُوں پیار کردا اے ۔تے تیرے کول رہنا واں ۔ ¹⁷ ۱۷. تاں تُوں اِک سُوا لے تے اپنے گھر دے بوہے وچ اوہدا کن وِنھ تاں اوہ ہمیشاں تیک تیرا غلام رہوے گا ۔تے تُوں اپنی لونڈی نال وی ایہو ای کریں ۔ ¹⁸ ۱۸. تے جد تُوں اوہنوں آزاد کر کے اپنے کولوں رُخصت کریں ۔تاں ایہہ تیرے لئی اوکھا نہ ہووے۔کیوں جو اوہنے چھ ورھے تیری خدمت کیتی تے ایہہ مزدوردی دُونی اُجرت دے برابر اے ۔تاں خداوند تیرا خدا اوس سبھے کجھ وچ جو تُوں کریں ۔تینوں برکت دیوے گا ۔ ¹⁹ ۱۹. تیری بھیڈ بکری تے گاں ڈھگے دے جینے اگیترے نَر بچے پیدا ہون اوہناں سبھناں نُوں تُوں خداوند اپنے خدا جوگی اڈرے کریں ،تُوں اپنی گاں دے اگیترے نَر بچے تَوں کجھ کم نہ لَویں ۔تے نہ اپنی بھیڈ دے اگیترے بچے دے وال کُتریں ۔ ²⁰ ۲۰. سگوں تُوں اوہنوں خداوند دے حضور اوس تھاں وچ جیہڑی خداوند چنیں گا ،ہر ورھے اپنے گھرانے نال رل کے کھا ۔ ²¹ ۲۱. پر جیکر اوہدے وچ کوئی عیب ہووے گا پئی لنگڑا ہووے یاں اَنھا ہووے ۔یاں کوئی ہور عیب ہووے تاں تُوں اوہنوں خداوند اپنے خدا جوگی ذبح ناں کریں ۔ ²² ۲۲. سگوں تُوں اپنے پھاٹکاں دے اندر اوہنوں کھاویں ۔بھانویں تُوں پاک ہوویں یاں ناپاک ،بغیر ایس ویروے دے کھاویں۔ جیویں بارہ سنگھا یا ہرن کھانا ایں۔ ²³ ۲۳. پر اوہدا خون نہ کھاویں ۔پانی وانگوں اوہنوں دھرتی اُتے روڑھ دیویں۔