¹ ۱. تُسی خداوند اپنے خدا دے پُتر او۔موئیاں جوگی اپنے جُسیاں اُتے پھٹ نہ لاوؤ۔تے اپنی اکھاں دے وچکار وں نان مُنواؤ۔ ² ۲. کیوں جو تُسی خداوند اپنےخدا دے پاک لوک او۔تے خداوند نے دھتی اُتے دے سبھے لوکاں وِچوں تہانوں چُن لیا اے۔تاں جو تُسی اوہدے اُچیچے لوک او۔ ³ ۳. ڈنگراں وچوں توں ایہہ کھاویں ،گاں ،ڈھگا تے بھیڈتے بکری ۔ ⁴ ۴. تے ہرن تے بارہ سنگھا تے نِکا ہرن تے پہاڑی بکری تے نہری گاں تے جنگی بھیڈ۔ ⁵ ۵. تے ہر اِک ڈنگر ،جیہدے کھُر دو حِصیاں وچ چیرےہوئے ہون تے جیہڑا جگالی کردا ہووے ۔ڈنگراں وچوں تؤن ایہہ کھا سکناں اے۔ ⁶ ۶. پر اوہناں وچوں جیہڑےجُگالیکردے نیں یاں جنہاں دے کھُر چیرے ہوئے نیں توں ایہہنہ کھاویں ۔اُٹھ تے خرگوش تے وبُر ۔کیوں جو ایہہ جگالی تاں کردے نیں پر اوہناں دے کھُر چیرے ہوئے نیں ۔ایس لئی ایہہ تیرے جوگی ناپاک نیں ۔ ⁷ ۷. تے اسور ؔ کیوں جو ایہدے کُھر تے چیرے ہوئے نیں ۔پر اوہ جُگالی نئیں کردا ۔ایہہ تیرے جوگی ناپاک اے۔توں ایہناں دی لاش نُوں ہتھ لاویں ۔ ⁸ ۸. تے پانی دے ڈنگراں وچوں تُوں ایہہ کھاویں، جنہاں دے پکھ یاں چھِلکے ہون ۔توں کھان سکدا ایں ۔ ⁹ ۹. تے ہاں دے پکھ یاں چھلکے ناں ہون اوہناں وِچوں کسے نُوں ناں کھاویں ۔اوہ تیرے جوگی ناپاک نیں۔ ¹⁰ ۱۰. ہر اِک پاک پکھیروتُوں کھا سکدا ایں۔ ¹¹ ۱۱. پر تؤں ایہہ ناں کھاویں۔عقاب ،چیل ،سمندری باز ¹² ۱۲. تے چِیل تے جُرا۔تے ایہناں دی سبھے قِسماں ۔ ¹³ ۱۳. تے ہر قِسم دے کاں۔ ¹⁴ ۱۴. تے شُتر مرغ تے ابابیل ۔ ¹⁵ ۱۵. تے چُغدؔتے سبھے قسماں دے شِکرے ۔ ¹⁶ ۱۶. تے بگلا تے گِدھ تے اُلو تے چمگادڑ ¹⁷ ۱۷. تےتعلق تے بُو تیمارؔ سبھے قِسماں تے ہُدہُد ¹⁸ ۱۸. تے ہر اِک پکھ دار رنگین والا ڈنگر تیرے لئی ناپاک اے۔اوہنوں نان کھاویں۔ ¹⁹ ۱۹. پر جِنے پکھیرو پاک نیں تُواوہناں نوں کھا سکدا ایں۔ تے جیہڑا جانور اپنے آپ مر جاوے تُوں اوہنوں نہ کھاویں ۔ ²⁰ ۲۰. تُوں اوہنوں کِسے پردیسی نوں،جیہڑا تیرے شہراں دے وچ ہووے دے تاں جو اوہ اوہنوں کھاوے ۔یاں اوہنوں ویچ دیوے ۔کیوں تُوں خداوند اپنے خدا دی پاک قوم ایں ۔تُوں حلوان نُوں اوہدی ماں دے دُدھ وچ ناں پکاویں ۔ ²¹ ۲۱. تُوں اوہنوں کِسے پردیسی نوں،جیہڑا تیرے شہرا ں دے وچ ہووےدے تان جو اوہ اوہنوں کھاوے ۔یاں اوہنوں دیوے ۔کیوں جو توں خداوند اپنے خدا دی پاک قوم ایں ۔تُوں حلوانُوں اوہدی دے دُدھ وچ ناں پکاویں ۔ ²² ۲۲. تُوں اپنی کھیتی دےغلےوچوں ،جیہڑا ہر ورھے تیونن دھرتی وِچوں حاصل ہووے ،دسواں حصہ اڈرا کر۔ ²³ ۲۳. توں خداوند اپنےخدا دےحضُور اُس تھاں اُتے ،جِتھے اوہ اپنا ناں رکھنا چاہوے گا،اپنے غلے تے اپنی مَے تے اپنے تیل دا دسواں حِصا تے گاں ڈھگے تے اپنی بھیڈ بکری دے اگیترے بچے کھاویں ۔تاں جو تُوں خداوند ²⁴ ۲۴. تے جیکر تیری راہ لمی ہووے ،پئی تُوں اوہنوں چُک کے ناں لے جا سکیں ۔تے اوہ تھاں جِتھے خداوند تیرا خُدا اپنا نان رکھنا چاہووےگا۔تیتھوں دور ہووے۔تے خداوند تیرے خدا نے تینوں برکت دِتی۔ ²⁵ ۲۵. تد تؤُں اوہنوں نقدی دے بدلے ویچ تے نقدی نُوں بنھ تے اوہنوں اپنے نال لے کے اوس تھاں وَل جا ،جیہڑی خداوند تیرا چُن لَووے گا۔ ²⁶ ۲۶. تے اوس نقدی نال ،جو کجھ تیرا جی چاہووے ،خریدلے ۔گاں ،ڈھگا،یان بھیڈ بکری یا مَے یا شراب یاں جو کجھ تیرے مَن نون بھاوے ۔تے اوتھےاوہنوں خداوند اپنے خدا دے حُضوررکھا ۔تے اپنے سبھے گھرانے دے نال رَل کے خوشی کر۔ ²⁷ ۲۷. تےاوس لاوی نوں جیہڑا تیرےشہراں وچ اے۔بھُلا نا دیویں۔کیوں جو تیرے نال اوہدا حِصا تے میراث نئیں ۔ ²⁸ ۲۸. تریہہ ورھے مگروں تُوں اوس ورھے اپنے غلے سبھے دسویں حصے اڈ کر کے اوہناں نوں اپنے پھاٹکاں دے اندر کٹھا کر۔ ²⁹ ۲۹. تد لاوی ،جیہدا حِصا تے میراث تیرےنال نئیں ۔تے جیہرے راہی ۔تے یتیم تے رنڈی بیبیاں تیرے پھاٹکاں اندر نیں اوہ آون تے کھان ۔تے رجن ۔تاں جو خداوند تیرا خدا تیرے ہتھ دے اوہناں سبھے کماں وچ ۔جیہڑے توں کرنا ایں ۔تینوں برکت بخشے۔