¹ ۱۔ اخسویرسدے پتر دارا دے پہلے ورھے وچ ـــ ایہہ مادیاں دی اولاد وچوں سی تے کسدیاں دے ملک دا بادشاہ بنیا ۔ ² ۲۔مطلب پئی اوہدی بادشاہت دے پہلے سال وچ میں دانی ایل نے کتاباں وچ اوہناں ورھیاں دا حساب سمجھیا جنہاں ولوں یر میاہ نبی اُتے خداوند دا کلام اتریا سی پئی یروشلیم دے اُجڑن وچ ستر سال پورے بیتن گے ۔ ³ ۳۔تے میں خداوند خدا ول منہ پھیریا تا جوں روزہ رکھ کے تے ٹاٹ لے کے تے بھنجے بہہ کے نیتی تے دعاواں کرن لگ پواں ۔ ⁴ ۴۔ سو میں خداوند اپنے خدا توں دعا منگی تے ایہہ مندے ہویاں آکھیا پئی اے خداوند خدا تو جو بہت وڈا تے رعب والا ایں تو اپنا حکم منن والیاں تے پیار کرن والیاں اُتے اپنے رحم کرمدے وعدے دا پکا ایں ۔ ⁵ ۵۔پر اساں پاپ کیتا ،اسی راہوں بے راہ ہوے ہاں تے اساں شرارت کیتی اے ،اساں باغی ہو گئے آں سگوں اساں تیرے حکماں تے آئین نوں چھڈ دتا اے ۔ ⁶ ۶ ۔تے اساں تیرے خد مت کرن والے بٹیاں دی گل ناں سنی جنہاں نے تیرا ناں لے کے ساڈے بادشاہواں تے ساڈے سرداراں تے ساڈے پیو دادیاں دے سارے لوکاں نال گلاں کیتیاں ۔ ⁷ ۷۔ اے خداوند سچیائی تیرے لئی اے تے نندیاہ ساڈے لئی اے مطلب پئی یہوداہ دے گھر دے لوکاں لئی تے یروشلیم دے وسیکاں لئی تے بنی اسرائیل دے لئی اے بھانویں دور دے ہون بھانویں نیڑے دے ۔جنہاں نوں توں ساریاں دیساں وچ جتھے کتھے وی اوہناں دے پاپاں دے سبب کڈھ چھڈ یا اے کیوں جو اوہ تیرے قصور وار متھے گئے نیں ۔ ⁸ ۸۔ ہاں اے خداوند بد نامی ساڈے لئی اے ـــ ساڈے بادشاہ دےلئی ،ساڈےسرداراں لئی تے ساڈے پیو دادیاں دے لئی کیوں جو اسی تیری نظراں وچ پاپی متھے گئے ۔ ⁹ ۹۔ساڈا خداوند رحم کرن والا تے بخش دین والا اے جد کہ اسی اوہدے خلاف بغاوت کیتی اے ۔ ¹⁰ ۱۰۔ تے خداوند اپنے خدا دی آواز نوں ناں سنیا پئی اسی اوہدی شر یعت اُتے عمل کر یے جیہڑی اوہنے اپنے بندیاں نبیاں ولوں ساڈے لئی متھی ہوئی اے ۔ ¹¹ ۱۱۔تے کل اسرائیل نے تیری شریعت نوں توڑ پائے تیریاں راہواں توں پھر گئے تے تیری آواز نوں ناں سنیا ۔ایس لئی اوہ پھٹکار تے اوہ سونہہ ساڈے اُتے پوری ہوئی اے جیہڑی خدا دے بندے موسیٰ دی شریعت وچ لکھی ہوئی اے کیوں جو اسی اوہدا پاپ کیتا اے ۔ ¹² ۱۲۔تے اوہنے اپنیاں اوہناں گلاں دا ثبوت دتا اے جیہڑیاں اوہنے ساڈے تے ساڈے سرداراں دے خلاف جیہڑے ساڈے اُتے راج کردے سن (قاضیاں دے خلاف ساڈا نیاں کردے سن) آکھیاں پئی میں تہاڈے اُتے بڑی وڈی بلا لیاواں گا ۔ایتھوں تیک کہ یروشلیم نال جو کجھ کیتا گیا اوہ دنیا وچ ہو ر کدھرے نئیں ہویا ۔ ¹³ ۱۳۔تے جیویں موسیٰ دس شریعت وچ لکھیا ہویا اے اینج ای ایہہ ساری بپتا ساڈے اتے آن پئی ۔فیروی اسی خداوند اپنے خدا اگے بنتی نئیں کیتی پئی اسی اپنی بریائی تھوں توبہ کر دے تے تیری سچائی نوں سیہاندے ۔ ¹⁴ ۱۴۔تے خداوند خدا بلاواں دا راکھا ساڈے اتے بٹھایا ہویا اے کیوں جو خداوند ساڈا خدا اپنے سارے کماں وچ جیہڑے اوہ کردا اے سچا اے پر اسی اوہدی آواز نوں ناں سنیا ۔ ¹⁵ ۱۵۔تے ہن توں اے خداوند ساڈے خدا جیہڑا اپنی تگڑی بانہواں نال اپنی قوم نوں مصر دے ملک وچوں کڈھ لیا یا تے جیہدے ناں نوں شہرت ملی جیویں اج دے دیہاڑے اے ۔اساں پاپ ،کیتا اساں شرارت کیتی اے ۔ ¹⁶ ۱۶۔اے خداوند اپنی ساری سچیائی دے حساب نال اپنا غصہ تے اپنا قہر اپنے شہر یروشلیم تھوں مطلب پئی اپنے پاک پہاڑا ں توں دور کر دے کیو نکہ جو ساڈے پاپاں تے ساڈے پیو دادیاں برائیاں سببوں یروشلیم تے تیری قوم دے آلے دوالے لوکاں وچ پھٹکار متھے گئے نیں ۔ ¹⁷ ۱۷۔ہن اے ساڈے خدا اپنے لوکاں دی دعا تے منت نوں سن تے اپنے لئی اپنا چہرہ اپنی اجاڑی ہوئی پاک تھاں اتے لشکا ۔ ¹⁸ ۱۸۔ اے خدا اپنا کن لا کے سن تے اپنیاں اکھاں کھول کے ساڈی تباہی نوں تے اپنے شہرنوں جیہڑا تیرے ناں دا اکھواندا اے ویکھ۔کیوں جو اسی اپنی راستی دے سببوں نئیں پر تیری ان گنت رحمتاں دے سببوں اپیناں دعاواں تیرے اگے نذر کردے ہاں ۔ ¹⁹ ۱۹۔اے خداوند سن اے خداوندمعاف کر ۔اے خداوند سن لے تے کجھ کر ۔اے میرے خدا اپنے ناں دے لئی دیر نہ کر کیوں جو تیرا شہر تے تیری قوم تیرے ای ناں نال اکھواندے نیں ۔ ²⁰ ۲۰۔ اجے میں ایہہ آکھدا پیاسی تے دعا کردا سی تے اپنے تے اپنی قوم اسرائیل دے پاپاں نوں من رہیا سی تے خدا ونداپنے خدا دے حضور اپنے خدا د ے پاک پہاڑ دے لئی بینتی کردا پیا سی ۔ ²¹ ۲۱۔ ہاں میں دعا وچ اجے ایناں ہی آکھدا پیاسی پئی جبرئیل فرشتہ جنہوں میں رویا دے شروع وچ ویکھیا سی تیزی نال اُڈدا ہویا آیا تے تر کلاں ویلے دی قربانی چڑھان دے ویلے نیڑے نیڑے اوہنے مینوں چھویا ۔ ²² ۲۲۔ اوہ نے مینوں سمجھا یا تے گلاں کیتیاں تے آکھن لگا ۔اے دانی ایل میں ایس ویلے ایس لئی آیا واں کہ تینوں گیان دے سمجھ بخشاں ۔ ²³ ۲۳۔تیری دعا دے شروع چ مینوں حکم ملیا سی تے میں آیا واں جے تینوں دس دواں کیو ں جو توں وڈا پیارا ایں ۔سوتوں دھیان کر تے رویا نوں سمجھ لے ۔ ²⁴ ۲۴۔تیری قوم تے تیرے پاک شہر لئی ستر ہفتے متھے گئے نیںپئی قصور تے پاپ ختم ہو جاون بھیڑے کماں دا کفارہ دتا جاوے تے ہمیشہ دی سچیائی قائم ہو جاوے تاں جو نبوت دے رویا اتے چھاپ لگ جاوے تے سب توں پاک تھاں نوں مسح کیتا جاوے ۔ ²⁵ ۲۵۔سو تو ایہہ سب جان لے تے سمجھ لے ایس حکم دے جاری ہون توں لے کے پئی یروشلم دے نویں سرے توں بحال ہووے پئی ہن تھوں لے کے مسح کیتے ہوئے سردار دے آون تیک ہفتیاں تے باہٹھ ہفتیا ں تیک گلیاں تے دیواراں نوں نویں سرے تھوں بنایا جاوے گا جد کہ اوہ بپتا دے دیہاڑے ہوون گے ۔ ²⁶ ۲۶۔تے اوہناں باہٹھ دناں دے پچھوں مسح کیتے ہوئے نوں قتل کردتا جاوے گا تے اوہدا کجھ نئیں بچے گا۔ تے اک بادشاہ آوے گا جیہدے لوکی شہر تے پاک تھا ں نوں ڈھا دین گے تے اک طوفان اوہنوں مٹا دیوے گا۔ تے اخیر تیک جنگ تے بربادی ہوندی روے گی ²⁷ ۲۷۔ تے اوہ اک ہفتے دے لئی بتھیریاں نال عہد کرے گا تے ادھے ہفتے دے لئی جناور ذبح کرن تے نذرانے چڑھاونے بند کردیوے گا تے اوہناں دی تھاں اور گھنونا بت کھڑا کر دیوے گا جس ویلے تیک پئی اجاڑن والے اُتے متھی گئی بر بادی تے قہر اترے ۔