¹ ۱۔دارا نوں ایہہ چنگا لگا پئی اوہ اپنے دیس وچ اک سو ویہہ ناظم متھے جیہڑے سارے دیس تے راج کرن ۔ ² ۲۔تے اوہناں دے اتے تن وزیر ہوں جنہاں وچوں اک دانی ایل سی ،تاں جو ناظم اوہناں نوں حساب دیوں تے بادشاہ دا حرج نہ ہو وے ۔ ³ ۳۔دانی ایل وچ جیکر اُچی روح سی اوہ ساریاں نالوں ودھ گیا تے بادشاہ چاہندا سی کہ دانی ایل نوں سارے دیس دا مختار متھ دیوے ۔ ⁴ ۴۔ تد وزیر تے ناظم دانی ایل اتے دیس دے کماں وچ کسی قصور دی کھوج کرن لگ پئے پر اوہناں نوں کوئی قصور تے موقع نہ ملیا کیوں جو اوہ سچا سی تے اوہدے وچ کوئی کھوٹ تے قصور نئیں سی ۔ ⁵ ۵۔تد اوہناں بندیاں نے آکھیا کہ ساہنوں دانی ایل دے خدا تے اوہدی شر یعت بارے اوہدے خلاف توں وکھ ہو ر کسی گل وچ کوئی موقع نئیں مل سکدا ۔ ⁶ ۶۔سو ایہہ وزیر تے ناظم بادشاہ کول جمع ہوے تے اوہنوں آکھن لگے اے دارا بادشاہ ہمیشہ تیک جیوندارہ ۔ ⁷ ۷۔ دیس دے سارے وزیراں تے سرداراں تے ناظماں مفتیاں تے حاکماں نے صلاح کیتی اے کہ اے بادشاہ اک شاہی فرمان دتا جاوے تے آئینپکا بنایا کاوے پئی تریہ دن تیک تیرے توں وکھ جے کوئی کسی دیوتا یا آدمی کولوں کجھ منگے تے اوہنوں شیراں دی کھوہ وچ سٹیا جاوے ۔ ⁸ ۸۔ہن اے بادشاہ ! ایس آئین نوں پکا کرتے لکھے ہوے تے دستخط کر تاں جو ایہہ آئین بدلیا نہ جاوے جیویں مادیاں تے فارسیاں دے آئین بدلے نئیں جاندے ۔ ⁹ ۹۔سو دارا بادشاہ نے اوس لکھے ہوئے اتے دستخط کر دتے ۔ ¹⁰ ۱۰۔ جد دانی ایل نوں پتہ لگیا پئی نوشتے اتے دستخط ہو گئے نیںتاں اوہ اپنے گھر وچ آیا (اوہدے گھر دے اُتلے کمرے دیاں باریاں یروشلیم ول کھول دیاں سن) تے اوہ گوڈے ٹیک کےتن واری دعا تے خدا دی تعریف کیتی جیویں پہلے کردا ہوندا سی ۔ ¹¹ ۱۱۔ اینج بندیاں نے اکھٹیاں ہو کہ دانی ایل نوں اپنے خدا دےحضور دعا کردے تے منت کردے ویکھ لیا ۔ ¹² ۱۲۔تد اوہ بادشاہ کول گئے تے بادشاہ دے آئین بارے گل کردے ہویاں آکھیا کہیہ توں ایس حکم اتے دستخط نئیں کسی کیتے ؟ پئی جیہڑا وی تریہہ دیہاڑیاں تیک اے بادشاہ تیرے باہجو ں کسی دیوتا توں یا آدمی توں منت کرے سواوہ شیراں دی کھوہ وچ سٹیا جاوے گا۔ بادشاہ نے جواب دتا پئی مادیاں تے فارسیاں دے قانون وسارایہہ بدل نئیں سکدا ایہ گل پکی اے ۔ ¹³ ۱۳۔تد اوہناں نے بینتی کردے ہویاں بادشاہ دے سامنے آکھیا اے بادشاہ ایہہ دانی ایل جیہڑا یہوداہ دے بندیاں وچوں اے اوہنوں ناںتیری پرواہ اے تے ناںای تیرے اوس حکم دی جیہدے اتے توں دستخط کیتے نیں ۔اوہ سگوں دن وچ تن واری اپنی دعا کردا اے ۔ ¹⁴ ۱۴۔ جد بادشاہ نے ایہہ گلاں سنیاں تے بہتا دکھی ہویا تے اوہ دلوں چاہندا سی پئی دانی ایل نوں چھڈ اوے تے اوہ سورج دے ڈبن تک اوہنوں چھڈان دا چارہ کردا رہیا ۔ ¹⁵ ۱۵۔فیر اوہ آدمی بادشاہ دے سامنے جمع ہوے تے بادشاہ نوں آکھیا اے بادشاہ ایہہ گل پلے بنھ لے پئی مادیاں تے فارسیاں دا قانون ایہہوے کہ جیہڑا حکم یا فرمان بادشاہ نے جاری کیتا ہووے اوہ ہر گز نئیں بدل دا ۔ ¹⁶ ۱۶۔ تد بادشاہ نے حکم دتا تے اوہ آدمی دانی ایل نوں لے کے آئے تے اوہنوں شیراں دی کھوہ وچ سٹ دتا ۔پر بادشاہ نے دانی ایل نوں آکھیا پئی تیرا خدا جیہدی توں ہر ویلے عبادت کردا ایں اوہ تینوں چھڈائے گا ۔ ¹⁷ ۱۷۔ تے اک پتھر لیا کے اوس کھوہ دے منہ اتے رکھ دتا گیا ۔تے بادشاہ نے اپنی تے اپنے امیراں دی مہر اوہدے اتے لادتی تاں جو دانیایل بارے اوہدی نیت نہ بدلے ۔ ¹⁸ ۱۸۔تد بادشاہ اپنے محل نوں چلا گیا تے ساری رات پھکھا رہیا ۔اوہدے سامنے کسی طرح دا ساز نئیں لیایا گیا ۔اوہنوں نیند وہ نئیں آئی ۔ ¹⁹ ۱۹۔ بادشاہ سویلے ای اٹھ کھلوتا تے اچیچا شیراں دی کھوہ ول ٹر پیا ۔ ²⁰ ۲۰۔ جد بادشاہ کھوہ دے نیڑے اپڑیا تاں اوہنے بڑے دکھ نال دانی ایل نوں آواز دتی ۔اے دانی ایل ! جیوندے خدا دے بندے جیہڑے خدا دی توں ہمیش عبادت کردا این کہیہ اوہنے اپنی قدرت نال تینوں چھڈا لیا اے ؟ ²¹ ۲۱۔دانی ایل نے بادشاہ نوں جواب دتا! اے بادشاہ تو سدا جیوندا رہ۔ ²² ۲۲۔ میرے خدا نے اپنے دُوت نوں بھج کے شیراں دے منہ بند کر دتے سن تے اوہناں نے مینوں نقصان نئیں پہنچایا ۔کیوں جو اوہدیاں نظراں وچ میں پاپی نئیں ساں تے تیریاں نظراں وچ وی اے بادشاہ میںکوئی قصور نئیں سی کیتا ۔ ²³ ۲۳۔تد بادشاہ چوکھا راضی ہویا تے حکم دتا پئی دانی ایل نوں کھوہ وچوں باہر کڈن ۔سو دانی ایل نوں باہر کڈیا گیا تے ویکھیا گیا پئی اوہ صحیح سلامت سی کیوں جو اوہدا توکل اپنے خدا تے سی ۔ ²⁴ ۲۴۔فیر بادشاہ دے حکم تے دانی ایل دی شکایت کرن والے آدمی لیائے گئے تے بال بچیاں سنے شیراں دی کھوہ وچ سٹ دتے گئے تے کھوہ دی تہ تک اپڑن توں پہلاں ای شیراں نے اوہناں نوں پھڑ کے اوہناں دیاں ساریاں ہڈیاں بھن چھڈیاں ۔ ²⁵ ۲۵،ایہدے پچھو دارا بادشاہ تے ساریاں قوماں تے امتاں نے وکھری وکھری بولیاں بولن والیاں نوں جیہڑے دنیا وچ جیتھے کتھے وی وسدے سناک پتر لکھیا پئی تہاڈ ی ڈھیر سلامتی ہووے ۔ ²⁶ ۲۶۔ میں ایہہ حکم دینداواں کہ میرے دیس دے ہر صوبے دے لوکی دانی ایل دے خدا دے حضور ڈر دے تے کمبدے رہن ۔کیو ں جو اوہ زندہ خدا اے اوہ ہمیش تیک قائم اے اوہدا راج اٹل اے اوہ دا راج ہمیش رہو گا ۔ ²⁷ ۲۷۔ اوہو چھڈاندا اتے بچاندا اے اوہواسمان تے زمین اتے معجزے (نشان) تے اچرچ کم وکھاندا اے اوہنے ہی دانی ایل نوں شیراں توں چھڈایااے ۔ ²⁸ ۲۸۔ سو دانی ایل دارا دے راج تے کورش فارسی دے راج وچ پھلدا ریہا۔