¹ ۱۔بنو کدنضر ولوں اوہناں ساریاں قوماں اتے امتاں اتے الگ الگ بولیاں بولن والیاں دی جیہڑے دھرتی اتے ہور جتھے وی اوہ وسدے نیں سلامتی وچ وادا ہووے ۔ ² ۲۔مینوں اے چنگا لگا پئی او ناں نشانیاں تے اچرج کماں نوں دھماواں کراں جیہڑے اُچے رب نےمینوں وکھائے نیں۔ ³ ۳۔اوہدایں نشانیاں ڈاہڈیاں اتم نیں اوہدے اچرج کم ڈاہڈے رعب والے نیں اوہدادیس سدا تیک زمین والا دیس اے تے اوہدا راج پیڑھیاں تیک رہووے گا ⁴ ۴۔ میں بنو کدنضر اپنے گھر وچ آرام نال ساں تے اپنے محل وچ ڈاہڈا سکھی ساں ۔ ⁵ ۵ ۔پر میں اک سفنہ ڈٹھا جیہدے سببوں میں گبھرا گیا اپنے بستر تے آن والے خیالاں تے میرے دماغ دیاں سوچاں نے مینوں پریشان کر دتا ۔ ⁶ ۶۔تد میں حکم دتا جے پئی بابل دے سارے گیای میرے سامنے حاضر کیتے جاون تاں جو اوہ مینوں میرے سفنے دا مطلب مینوں دسن ۔ ⁷ ۷۔ تد فیر جادوگراں تے جو تشی تے کسدی تے فال کڈن والے حاضر ہو ئے تے میں اوہناں نوں اپنا سفنہ سنایا ۔پر اوہناں نے میرے سفنے دا مطلب مینوں ناں دسیا ۔ ⁸ ۸۔فیرآخر دانی ایل میرے سامنے آیا جس داناں میرے دیوتا دے ناں تے بیلشضر اے تے جس دے وچ پاک دیوتیاں دی روح وے تد میں اپنا سفنہ اوس نوں دسیا تے آکھیا۔ ⁹ ۹۔اے بیلشضرجادوگراں دے سردار ! مینوں پتہ اے تیرے وچ پاک دیوتیاں دی روح اے اتے تیرے لئی کوئی بھید مشکل نئیں ۔ایس لئی جیہڑی رویا میں سفنے وچ ڈٹھی اے اوہ سن تے اوہدا مطلب دس ۔ ¹⁰ ۱۰۔بستر تے لیٹے ہویاں میرے دماغ دی رویاایہہ سی ۔میں نظر کیتی تے کیہ ویکھیا کہ دھرتی دے وچ کار اک ڈاہڈا اچا رکھ اے ۔ ¹¹ ۱۱۔اوہ رکھ وڈا ہوندا گیا تے تکڑا ہو گیا تے اوہد ی اچیائی اسمان تیک جا اپڑی تے اوہ رکھ دھرتی دے کنڈیاں تیک وکھائی دن لگ پیا ۔ ¹² ۱۲۔ اوس دے پتر ڈاہڈے سوہنے اتے اوسدا پھل وادوسی تے جیہڑا سبناں نوں رجاندا سی تے میدان دے جناور اوہدی چھاں تھلے تے وا دے پنچھی اوہدیاں ٹہنیاں اتے وسیرا کردے سن تے اوہ سارے جانداراں دا پالن ہار سی ۔ ¹³ ۱۳۔ میں اپنے بستر اُتے اپنے دماغ دی رویا نوں ویکھی جاندا سی اتے میں کیہہ ویکھیا کہ اسمان توں اک راکھا مطلب پئی اک دوت اسمان تو ں اتریا ۔ ¹⁴ ۱۴۔اوت اوس نے بڑی اچی ہاک مار کے اینج آکھیا پئی اوس رکھ نوں وڈ چھڈو اتے اوہدیاں ٹہنیاں نوں چھنڈو دیو ۔اوہدے پتر جھاڑ دیو ۔اوہدا پھل کھلا ر دیو ۔جناور اوسدے ہیٹھوں چلے جاون اتے پکھیرو اوہدیاں ٹہنیاں اتوں اُڈ جاون ۔ ¹⁵ ۱۵۔پر اوسدیاں جڑاں دا تنا دھرتی اندر رہن دیو سگوں لوے تے تانبے دے وناں نال بنھیا ہایا میدان دی ہر ی گھاہ وچ رہن دیو۔اوہ اسمان دد ی تریل (اوس) نال بھجیا روے تے اوہدا حصہ حیواناں دے نال ہووے ۔ ¹⁶ ۱۶۔اوہدا دل بدل جاوے اوہ انسان دا دل نہ روے سگوں حیوان دا دل بن جاوے اتے اوس نوں ست زمانے بیت جاون۔ ¹⁷ ۱۷۔ایہہ حکم راکھیاں دے فیصلے ولو ناے جے ایہہ گل دوتاں دے کلام وسارے گی جیہڑے جیوندے نے جان لین اجے پئی سچا رب بندیاں دے جہان اتے راج کردا اے تے جنہوں اوہدی مرضی ہووے دیندا اے سگوں بندیاں وچوں جیہڑا سب تو ماڑا ہووے اوہنوں کھڑا کر دیندا اے ۔ ¹⁸ ۱۸۔ایہہ او ہ سفنا اے جیہڑا میں بنو کدنضر بادشاہ نے ویکھیا اے ۔ایس لئی اے بیلشضر ایہدا مطلب دس ۔کیوں جو میرے دیس دا کوئی وی گیانی مینوں ایس دا مطلب نئیں دس سکیا ۔پرتوں دس سکدا ایں کیوں جو تیرے اندر دیوتیاں دی روح وے ۔ ¹⁹ ۱۹۔ تد دانی ایل نے جس دا ناں بیلشضر اے ،کجھ دیر تیک چپ رہیا ۔اتے اپنیاں سوچاں تو گبھرایا بادشاہ نے اوہدے نال گل کردے ہویاں آکھیا ۔اے بیلشضر سفنے تے اوس دے مطلب توں پریشان نہ ہو ۔بیلشضر نے جواب دتا ۔اے میر مالک رب کر ے پئی ایہہ سفنہ تیرے کروہدیاں دے لئی اتے ایس دا مطلب تیرے ویریاں لئی ہووے ۔ ²⁰ ۲۰۔جیہڑا رکھ توں ڈٹھا پئی اوہ ودھیا تے تکڑا ہو گیا تے اوہدی اچیائی اسمان تیک جا اپڑی تے اوہ دھرتی دے کنڈیاں تیک وکھائی دین لگ پیا ۔ ²¹ ۲۱۔تے اوہدے پتر ڈاہڈے سوہنے سن تے اوہدا پھل وادوسی ۔تے اوہ رکھ سبناں نوں رجانداسی تے میدان دے جناور اوہدی چھاں تھلے بہندے تے وا دے پنچھی اوہدیاں ٹہنیاں اتے وسیرا کردے سن۔ ²² ۲۲۔ اے بادشاہ اوہ رکھ توئیوں ایں ۔جیہڑا ودھیا تے تکڑا ہویا تے تیری بزرگی وادوہوئی تے اسمان تیکر جا اپڑی اتے تیرا راج دھرتی دے کنڈیاں تیک اپڑ گیا ۔ ²³ ۲۳۔تے جیویں بادشاہ نے ڈٹھا پئی اک راکھا مطلب اک دوت اسمان توں اتریا تے اوہنے ایہہ آکھیا پئی رکھ نوں وڈ چھڈو تے اوسنوں برباد کر دیو ۔پر اوہدیاں جڑاں دا مڈھ دھرتی دے اندر رہن دیو سگوں لوے تے تانبے دے وناں دے نال نبھیا ہویا میدان دی ہری گھاہ وچ رہن دیو ۔اوہ اسمان دی تریل (اوس)نال بھجیا روے جد تیکر اوس دے اُتے ست زمانے نہ لنگ جاون ۔ ²⁴ ۲۴۔اے بادشاہ ایس سفنے دا مطلب اتے سچے رب دا جیہڑا حکم میرے مالک لئی ہویا اے اوہ ایئیوں ای اے ۔ ²⁵ ۲۵۔مطلب اے تینوں آدمیاں وچوں کڈ دتا جاوے گا اتے توں میدان دے جناوراں دے نال رہویں گا تے توں بلداں وانگوں گھاہ چریں گا تے توں اسمان دی تریل(اوس) نال بھجیں گا اتے تیرے اُتوں ست زمانے بیت جاون گے جس ویلے تیکر توںجان لویں پئی سچا رب ای انسان دے دیس اُتے راج دا وے تے جیہنوں اوسدی مرضی ہووے راج دیندا اے ۔ ²⁶ ۲۶۔پر ایہہ جیہڑا حکم دتا گیا اے پئی رکھ دیاں جڑاں مڈھ رہن دتا جاوے ۔ایس دا مطلب اے کہ جد تینوں سمجھ آ جاوے گی پئی راج اسمان دے ولوں پندا اے تے فیر توں اپنے دیس اُتے اک واری فیر راج کرن لگ پئیں گا۔ ²⁷ ۲۷۔ایس لئی اے بادشاہ جیکر توں اسیری صلاح نوں من لویں ۔توں اپنیاں قصوراں توں سچیائی نال تے اپنے پاپاں نوں ماڑیاں اتے ترس کھا کے دور کریں تے فیر ہوسکدا ا ے تو اگاں نوں سکھ نال رہ سکیں ۔ ²⁸ ۲۸۔ایہہ ساری ہونی بنوکدنضر دے نال ہوئی ۔ ²⁹ ۲۹۔ اک سال دے پچھوں اوہ (بادشاہ)بابل دے شاہی محل وچ ٹہل ریا سی ۔ ³⁰ ۳۰۔تد بادشاہ نے پچھیا کیہ اے اوہ وڈا بابل نئیں جیہنوں میں اپنی طاقت دے زور نال ایس لئی بنایا اے کہ ایہہ دیس دا مرکز ہووے تے میری وڈیائی دا نمونہ بنے ۔ ³¹ ۳۱۔اجے بادشاہ ایہہ گل کرن ای ڈیا سی کہ اسمان توں اک آواز آئی اے بنو کدنضر بادشاہ تینوں ایہہ دسیا جاندا اے پئی تیرا راج تیرے کولوں چلا گیا اے ۔ ³² ۳۲۔ تیرے آدمی تینوں ہک کے کڈھ دین گے ۔توں میدان دے جناوراں دے نال رہویں گا تے بلداں وانگر گھاہ چریں گا ۔جد تیک توں جان نہ لویں پئی سچا رب ای انساناں دے دیس اُتے راج کردا اے اتے جیہنوں اوسدی مرضی ہووے اوہنوں دیندا اے تے ست زمانے تیرے اتوں لنگ جان گے ۔ ³³ ۳۳۔ اوس ویلے یہ گل بنو کدنضر اُتے پوری ہوئی اوہنوں آدمیاں دے وچوں کڈ دتا گیا تے اوہ بلداں وانگر گھاہ چردا رہیا تے اوہدا پنڈاں اسمان دی تریل(اوس) نال بھجدارہا ایتھوں تائیں کہ اوہدے وال عقاب دے پراں وانگ ہوگئے تے اوہدے نونہہ پنچھیاں دے چنگل وانگ ودھ گئے ۔ ³⁴ ۳۴۔اتے اوہناں زمانیاں دے اوہدے اتوں توں بیتن پچھوں میں بنو کدنضر نے اپنی اکھاں اسمان ول چکیاں اتے میری سمجھ میرے وچ مڑآئی اتے میں سچے رب دا شکر کیتا تے اوہدی جیہڑا سدا جیوندا اے اینج وڈیائی کیتی اوہدا دیس ہمیشہ تیک رہن والا راج اے اوہدا راج پیڑھیاں تیک قائم رہووے گا۔ ³⁵ ۳۵۔دھرتی تے سارے وسنیک گھٹیا سمجھے جاندے نے ۔ اوہ اسمانی لشکر توں جو چاہندا اے کردا اے اجیہا کوئی وی نئیں جیہڑا اوہدا ہتھ روک سکے یا اوہنوں پچھے پئی توں کیہہ کردا ایں ³⁶ ۳۶۔ اوسی ویلے میری سمجھ فیر میرے اندر آگئی تے میرے دیس دی وڈیائی تے شان تے رعب مینوں مڑ گیا تے میرے صلاح کاراں تے پردھاناں نے مینوں اپنا بادشاہ من لیا تے میرا راج قائم ہوگیا تے میری وڈیائی چ وادا ہوگیا۔ ³⁷ ۳۷۔ایس لئی ہن میں بنو کدنضر اسمان دے بادشاہ دی وڈیائی کردا ہاں کہ اوہ اپنے سارے کماں وچ راست اے اتے اپنی ساری راہواں وچ نیاںکر دا اے اتے جیہڑے گھمنڈ وچ چل دے نین اوہ اوہناں نوں نیواں کرن دی قدرت رکھدا اے ۔