¹ ۱۔ اتے بنو کدنضر نے اک سونے دی مورت بنوائی جیہدی اچیائی سٹھ ہتھ تے چوڑائی چھ ہتھ سی ۔ تے اوس نوں بابل دے صوبے وِچ دورا دےمیدان وچ کھڑا کیتا۔ ² ۲۔تد بنو کدنضر بادشاہ نے ساریاں قوماں تے امتاں تے اک اک زبان دے لوکاں تے ناظماں تے سرداراں تے حاکماں تے صلاح کاراں تے خزاچیاں تے مفتیاں اتے وڈیریاں اتے صوبے دے سارے حاکماں نوں بلوا پھجیا پئی اوہ اوس مورت نوں پاک کرن لئی جیہڑی بنو کدنضر کھڑی کیتی سی حاضر ہوون۔ ³ ۳۔تد ناظم تے سردار تے حاکم تے مشیر تے خزانچی تے مفتی تے وڈیرے تے صوبے دے سارے منصب دار اکٹھے ہوےتاں اوس مورت نوں پاک ٹھہران جس نوں بنو کدنضر نے کھڑا کیتا سی سامنے آکے کھلوگئے ۔ ⁴ ۴۔فیر اک ڈھنڈورچی نے بڑی اُچی آواز چ آکھیا کہ اے ساریاں قوماں اتے امتاں تے اک اک زبان دے لوکو ! تہاڈے لئی ایہہ حکم اے پئی ⁵ ۵۔جس ویلے تسیں ترئی اتے بانسری تے طنبورے تے بین تے ستار تے بربط نالے دوجے سازاں دی آواز سنو ۔تد اوس سونے دی مورت د ے اگے جس نوں بنو کدنضر نے کھڑا کیتا اے اپنا متھا ٹیکو ۔ ⁶ ۶۔ جیہڑا بندہ ڈگ کے متھا نا ںٹیکے گااوہنوں اوسے ویلے اگ دی بلدی بھٹی وچ سٹیاجاوے ۔ ⁷ ۷۔اییس لئی جدوں ترئی تے بانسری تے طنبورے تے بین تے ستار تے بربط نالے دوجے سازاں دی آواز سنائی دتی ادوں ساریاں قوماں اتے امتاں اتے اک اک زبان دے لوکاں نے ڈگ کے اوس سونے دی مورت دے اگے متھا ٹیکیا جنہوں بنوکدنضر نےکھڑا کیتا سی ۔ ⁸ ۸۔ تداوس ویلے کسدیاں نے آکے یہودیاں نوں دوشی ٹھہرایا ( تے الزام لایا) ⁹ ۹۔ اوہنا ں نے بنوکدنضر بادشاہ نوں شکایت کیتی تے آکھیا اے بادشاہ سدا تیک جیوندا رہ ۔ ¹⁰ ۱۰ ۔ اے بادشاہ توں تے ایہہ حکم کیتا سی پئی جو کوئی ترئی اتے بانسری تے طنبورے تے بین تے ستار تے بر بط نالے دوجے سازاں دی آواز سنے تے ڈگ کے سونے دی مورت اگے متھا ٹیکے ۔ ¹¹ ۱۱۔ اتے جیہڑا بندہ ڈگ کے متھا نئیں ٹیکے گا اوہنوں اگ دی بلدی بھٹی وچ سٹیا جاوے۔ ¹² ۱۲۔ کجھ اجیہے یہودی مرد ہین جنہاں نوں توں بابل دے صوبے دات کماں دی نگرانی دتی ہوئی اے ۔اوہ نیں سدر ،میسک اتے عبدنجو ۔تے اے بادشاہ ایہہ مرد حکم دی پرواہ نئیں کردے اوہ تیرے دیوتاواں دی پوجا وی نئیں کردے نالے اوہ اوس مورت تے اگے متھا نئیں ٹیکدے جیہڑی توں کھڑی کیتی اے ۔ ¹³ ۱۳۔ تد بنو کدنضر نے غصے چ تے طیش وچ آ کے حکم دتا پئی سدرک ،میسک اتے عبد نجو نوں خاضر کیتا جاوے تے اوہناں نوں بادشاہ دے سامنے لیایا گیا ۔ ¹⁴ ۱۴۔بنوکدنضر نے اوہناں نوں آکھیا اے سدرک تے میسک تے عبدنجو ،کیہ تسی جان بجھ کے میرے دیوتا دی پوجا نئیں کردے اتے اوس مورت اگے جیہڑی میں کھڑی کیتی اے متھا نئیں ٹیکدے ؟ ¹⁵ ۱۵۔ ہن جے ایس ویلے وی تسی تیار ہوجاو تے جد تسیں ترئی اتے بانسری اتے طنبورے اتے بین اتے ستار اتے بربط نالے دوجے سازاں دی آواز سنو تے ڈگ کے اوس مورت دے اگے متھا ٹیکو جس نوں میں بنوایا اے تے ٹھیک اے پر جے تسیں ایہنوں سجدہ نئیں کرو گے فیر اوسے ویلے اگ دی بلدی بھٹی وچ سٹے جاؤ گے ہور اوہ کیہڑا دیوتا (خدا) اے جیہڑا تہانوں میرے ہتھوں چھڈائے گا ۔ ¹⁶ ۱۶۔ سدرک ،میسک تے عبد نجو نت بنو کد نضر بادشاہ نوں آکھیا ضروری نئیں کہ ایسی ایس گل دا تینوں کوئی جواب دیویے ۔ ¹⁷ ۱۷۔ بھانویں ساڈا خدا جس دی ایس عبادت کردے ہاں سانوں اگ دی بلدی بھٹی توں نالے تیرے ہتھوں اے بادشاہ چھڈا سکدا اے ۔ ¹⁸ ۱۸۔بھانویں نئیں چھڈا سکدا۔ اے بادشاہ تتینوں ایہہ پتہ ہووے اے بادشاہ پئی اسی تیرے دیوتا دی پوجا نئیں کراں گے اتے ناں اوس سونے دی مورت دے اگے متھا ٹیکاں گے جیہڑی توں کھڑی کیتی اے ۔۔ ¹⁹ ۱۹۔ تد بنو کدنضر غصے نال بھر گیا تے سدرک میسک اتے عبد نجو تے لال پیلا ہون لگا ۔اوہ ایہہ کہہ کے حکم دتاپئی بھٹی دی اگ نوں دستور تو ست گنا ودھ تیز کردیو و۔ ²⁰ ۲۰۔ تے اوہنے نے اپنے لشکر دے کجھ ڈاہڈے زور والے سورماواں نوں حکم دتا پئی سدرک ،میسک اتےعبد نجور نو بنھ کے اگ دی بھٹی وچ سٹ دین ۔ ²¹ ۲۱۔تد ایہنا بندیاں نوں اوہناں دیاں کرتیاں ،تے پگاں تے دوجے لیڑیاں سمیت بنھ دتا گیا اتے اگ دی بلدی بھٹی وچ سٹ دتا گیا۔ ²² ۲۲۔ تد بادشاہ ندے ڈاہڈے حکم دے حساب نال بھٹی دی اگ چوکھی تیز سی ۔ایس لئی سدرک تے میسک اتے عبد نجو نوں چکن والے اگ دیاں لاٹاں نال سڑ کے سواہ ہوگئے ۔ ²³ ۲۳۔ جد کہ ایہہ تنوں بندے سدرک ،میسک ،عبدنجو نوں بنھ کے اگ وچ سٹے گئے سن تاں وی او ہ اگ دیاں لاٹاں وچ ٹردے ٹردے رب دی تعریف کردے اتے خداوند نوںمبارک آکھ رے سن۔ ²⁴ ۲۴۔ تد بنوکد نضر بادشاہ حیران ہو کے اٹھ کھلوتا تے اپنے صلاح کاراں نوں پچھن لگا ،کیہ اسی تن بندیاں نوں بنھ کے اگ وچ نئیں سی سٹیا؟ اوہناں جواب دتا اے بادشاہ ایہہ سچ اے ۔ ²⁵ ۲۵۔اوہ مڑ آکھن لگا میں چار بندیاں نوں اگ وچ کھلے ٹردے پھر دے ویکھداہاں ۔اوہناں نوں تے کجھ وی نقصان نئیں ہویا ۔اتے چوتے دی شکل رب دے پتر وانگ اے ۔ ²⁶ ۲۶۔تد بنو کدنضر اگ دی بلدی بھٹی دے بوہے دے کول آ کے آواز دین ڈھے پیا ۔اے سدرک تے میسک تے عبد نجو ۔سب توں وڈے رب دے بندیو ۔باہر نکلواتے ایتھے آؤ۔تد سدرک تے میسک تے عبد نجو اگ دے وچوں باہر نکل آئے ۔ ²⁷ ۲۷۔تد ناظم اتے سردار اتے حاکم اتے بادشاہ دے صلاح کار جمع ہو گئے تے اوہناں نے ویکھیا پئی اوہناں بندیاں دے پنڈیاں اتے اگ دا کوئی اثر نئیں ہویا سی تے اوہناں دے سراں دے وال وی نئیں سڑے اتے اوہناں د ے لیڑیاں اتے وی کوئی فرق نئیں پیا اتے ناں ہی اوہناں توں اگ نال سڑن دی باس آندی سی ۔ ²⁸ ۲۸۔ تد بنو کد نضر آکھن لگا سدرک تے میسک تے عبد نجو دا خدا مبارک ہووے جس نے اپنے دوت نوں گھلیا اے اتے اپنے بندیاں نوں چھڈا لیا اے ۔جیناں نے اوہدے تے توکل کر کے بادشاہ دے حکم نوں ٹال دتا سی ۔نالے اپنے پنڈیاں دی بلی چڑھادتی کیوں جو اوہ نئیں چاہندے سن پئی اوہ اپنے خدا توں اڈ کسی ہور دیوتا دی پوجا کرن اتے اوس دے اگے متھا ٹیکن۔ ²⁹ ۲۹۔ ایس لئی میراا یہہ حکم اے پئی جے کسی وی قوم یا امت یا ںزبان دا کوئی وی بندہ سدرک میسک تے عبد نجو دے خدا دے لئی بھیڑی گل کرے گا ۔اوہدے ٹوٹے توٹے کر دتے جان گے ۔نالے اوہدا گھر کوڑے دا ڈھیر بنا دتا جاوے گا ۔کیوں جو کوئی ہور دیوتا اینج نئیں چھڈا سکدا ۔ ³⁰ ۳۰۔تد بادشاہ نے سدرک تے میسک تے عبد نجو نوںمُڑ کے بابل دے صوبے تے بحال کیتا ۔