¹ ۱۔چار ممالک عالمگیر،دارا مادی دے راج دے پہلے سال وچ میں ہی اوہنوں پکا کرنا لئی تے تکڑا بناون لئی کھڑا ہویا ۔ ² ۲۔تے ہن میں تینوں سچیائی دسداواں ۔ فارس وچ اجے تن بادشاہ ہور اتھن ھے تے چو تھا بادشاہ اوہناں سبھناں توں بہتی دولت والا ہووے گا ۔تداور اپنی دولت دے سببوں سب توں زور والا ہو جاوے گا تد اوہ ساریاں توں یونان دے راج داسامنا کرن لئی چکے گا ۔ ³ ۳۔ تے اک ہو ر وڈا ڈاہڈا بادشاہ اٹھے گا جیہڑا اوہدے اُتے بڑی شان دے نال راج کرے گا تے جو کجھ اوہ چاہے گا سو کرے گا ۔ ⁴ ۴۔اوہدے پکے ہوندے ای اوہدا راج ڈگ پئے گا تے اوہ اسما ن دیا چوواں ہواواں وچ ونڈیا جاوے گا ۔پر ناں تے اوہدا راج اوہدی اولادنوں ملے گا تے ناں ہی اوہدی اوہ شان رہوووے گی جس دے حساب دے نال اوہ راج کردا سی ۔سگوں اوہدا راج مڈھوں پُٹیا جاوے گا تے اوہ غیراں دے لئی ہووے گا ۔ ⁵ ۵۔ تے دکھن دا بادشاہ زور پھڑے گا پر اوہدے سردارا ں وچوں اک سردار اوہدے نالوں ڈاہڈا زور والا ہووے گا تے راج کرے گا تے اوہدا راج بہت وڈا راج ہووے گا ۔ ⁶ ۶۔تے تھوڑے جئے ورھے بیتن مگروں اوہ آپس وچ میل کرن گے کیوں جو دکھن دے بادشاہ دی دھی اتردے بادشاہ کول آوے گی ۔تاں جو پکا ایکا ہووے پر اوہدے وچ زور نئیں رہوے گا تے ناں ہی اوہ بادشاہ کھلو وے گا تے ناں ہی اوہدا راج تے اوہناں دناں وچ اوہ اپنے پیو تے اپنے لیان والیاں تے زور دین والیاں سنے چھڈ دتی جاوے گی ۔ ⁷ ۷۔ پر اوہدیاں جڑاں وچوں اک ٹہنی تھوں اک آدمی اوہدی تھاں اٹھے گا تے اوہ لشکر دا سردا ہو کے اتر دے بادشاہ دے گڑھ وچ وڑے گا ۔تے اوہدے اتے چڑھائی کرے گا تے اوہناں نوں ہرا دیوے گا ۔ ⁸ ۸۔اوہ اوہناں دے دیوتیاں نوں تے گھڑیاں ہونیاں مورتاں نوں چاندی تے سونے دے مہنگے بھانڈیاںسمیت قید کر کے مصر لے جاوے گا ۔تے اوہ کجھ ورہیاں تیک اتر دے بادشاہ اتے چڑھائی نئیں کرے گا ۔ ⁹ ۹۔فیر اوہ دکھن دے بادشاہ دے راج وچ وڑے گا تے فیر اپنے دیس نوں مڑ آوے گا ۔ ¹⁰ ۱۰۔پر اوہدے پتراں دا غصہ بھڑکے گا جیہڑے اک وڈا لشکرا کٹھا کرن گے تے اوہ چڑھائی کر کے اگاں ودے گا تے اوتھوں لنگ جاوے گا تے اوہ مڑ کے اوہدے گڑ ھ تیک لڑن گے ۔ ¹¹ ۱۱۔تد دکھن دے بادشاہ دا غصہ بھڑکے گا تے اوہ نکل کے اتر دے بادشاہ نال جنگ کرے گا ۔اوہ وی اک وڈا لشکر لے کے آوے گا تے اوہ لشکر اوہدے ہتھاں چ دے دتا جاوے گا ۔ ¹² ۱۲۔ جد اوہ لشکر ہر جاوے گا تے اوہدے دل وچ غرورآجاوے گا تے اوہ لکھاں نوں مارے گا پر جت نہ سکے گا ۔ ¹³ ۱۳۔کیوں جو اتر دا بادشاہ مڑ آئے گا تے پہلے نالوں وی چوکھا لشکر جمع کرے گا تے تھوڑے جئے ورھیاں پچھو اوہ وڈا لشکر تے ڈھیر سارا مال لے کے چڑھائی کرے گا ۔ ¹⁴ ۱۴۔تے اوہناں دناں وچ بتھیرے دکھن دے بادشاہ دے خلاف اٹھ کھلون گے تے تیری قوم دے سمندری ڈاکو وی اوس رویانوں پوریاں کرن لئی اٹھ کھلون گے پر ڈھہ پین گے ۔ ¹⁵ 15تے شمال دا بادشاہ آوے گاتے اوہنوں سختی نال ول لئے گاتے حصین شہر نوں لے لوے گا تے دکھن دا زور ٹٹ جاوے گا تے اوہدے چنے ہوے مرداں وچ سامنا کرن دی ہمت ناں ہووے گی ۔ ¹⁶ ۱۶۔تے چڑھائی کرن والا اپنی مرضی کرے گا تے کوئی اوہدا مقابلہ ناں کر سکے گا اوہ اوس جلالی دھرتی وچ ٹھہرے گا تے تباہی اوہدے ہتھا ں وچ ہووے گی ۔ ¹⁷ ۱۷۔ تے اوہدی مرضی ہووے گی پئی اوہ اپنے دیس دی پوری شان دے نال اندر آوے ۔صادق اوہدے نال ہوون گے تے اوہدی جت ہووے گی تے اوہ اوہنوں اک جوان کنواری دیوے گا تاں پئی اوہدے سببوں اوہ برباد ہوجاو پر ایہہ چال توڑ نہ اپڑے گی تے اوہدی مرضی پوری نہ ہووے گی ۔ ¹⁸ ۱۸۔ جد اوہ اپنا منہ سمندری دیساں ول کرے گا تے اوہناں وچوں نہتے دیس لے لوے گا پر اک سردار اوہدی ہٹ دھرمی نوں روکے گا تے اوہدی ایہہ ہٹ دھرمی اوہنوں تباہ کر دیو گی ۔ ¹⁹ ۱۹ ۔تد اوہنوں فیر اپنے ہی گڑھاں ول منہ کرنا پوے گا تے اوہ ٹھیڈا کھاوے گاتے ڈگے گا تے مک جاوے گا ۔ ²⁰ ۲۰۔تے اوہدی تھاں اک ہور بادشا ہاٹھے گا جیہڑا اوس جلالی دھرتی وچ خراج لین لئی لوک بھیجے گا پر اوہ تھوڑے چروچ ای بغیر بھڑکے تے جنگ لڑے ماریا جاوے گا ۔ ²¹ ۲۱۔ یہودیاں دی جان دا ویری،فیر اوہدی تھاں اک سرپھرابادشاہ اٹھے گا جیہدے کول راج دے مان داحق نئیں ہووے گا پر او ہ اچانک آوے گا تے چلاکی نال دیس اُتے قبضہ کر لوے گا ۔ ²² ۲۲۔ تے اوہ اوہناں وڈے لشکراں نوں اپنے سامنے درڑے گا تے اوہدا ناں نشاں مٹا دیوے گا تے اوس سردارنوں وی جیہدے نال اوہدا وعدہ سی مارے دیووے گا ۔ ²³ ۲۳۔وعدے دے باوجود اوہ توکھا دووے گا اوہ اگاں وددا جاوے گا تے تھوڑے جئے لوکاں دے سہار راج لے لووے گا ۔ ²⁴ ۲۴۔اوہ سلامتی دے دناں وچ دیس دیاں چنگے تھانواں اندرورے گا تے ہر اوہ کم جیہڑا ناں تے اوہدے پیو دا دیاں نے کیتا سی تے ناں اوہناں دے دادیاں پڑدادیاں نے کیتا سی اوہ کر وکھا و ے گا۔اوہ غنیمت دا تے لٹ دا تے وسنیکاں دا مال تے دھن اوہناں وچ ونڈے گا تے کجھ چر تیک گڑھاں دے خلاف وی بھیڑاسوچے گا ۔ ²⁵ ۲۵۔ اوہ دکھن دے بادشاہ اتے چڑھائی کرن لئی اپنے زور تے ہمت نوں وداوے گا ۔تے دکھن دا بادشاہ اک وڈا لشکر لے کے اوہدا سامنا کرن لئی نکلے گا پر اوہ کھوناں سکے گا کیوں جو اوہداے خلاف بھیڑا سوچیا جاوے گا ۔ ²⁶ ۲۶۔تے جیہڑے اوہدا دتا کھاندے نیں اوہ ہی اوہ نوں ہرا دین گے تے اوہدا لشکر کھلر جاوے گا تے بتھیرے مارے جاون گے ۔ ²⁷ ۲۷۔ت ےاوہناں دناں وچ بادشاہوں دے دل وچ کھوٹ ہووے گا تے اوہ کٹھے بہہ کے کھان ویلے جھوٹھ بولن گے پر ناں پھلن گے کیوں جو انت متھے ہوئے ویلے سر ہوو ےگا ۔ ²⁸ ۲۸۔ تد اوہ لٹیا ہویا ڈھیر دھن لے کے اپنے دیس وچ مڑ آوے گا تے اوہدا دل پاک وعدے دے خلاف ہووے گا تے اوہ اپنی مرضی پوری کر کے اپنے دیس نوں پرت جاوے گا ۔ ²⁹ ۲۹۔تے اوہ متھے ہوئے ویلے تے دکھن ول فیر چڑھائی کرے گا پر تد یہ چڑھائی پہلے وانگ ناں ہووے گی ۔ ³⁰ ۳۰۔کیوں جو کتیم دے لوکاں دے جہاز اوہدا مقابلہ کرن لئی نکلن گے تے اوہ ٹٹے دل نال پرت آوے گا ۔تے پاک وعدہ تے اوہ ڈاہڈا غصے ہووے گا تے ایس غصہ دے حساب نال چلے گا سگوں اوہ پرت کے پاک وعدہ نوں چھڈ دین والیاں نا ل میل کرے گا ۔ ³¹ ۳۱۔تے لشکر اوہدا ساتھ دین گے تے اوہ پاک تھاں تے گڑھ نوں ناپاک کرین گے تے ہمیشہ دے چڑھاویاں نوں ختم کردتا جاوے گا تے اجاڑن والی تے ناپاک شے نوں اوہدے وچ کھڑا کردتا جاوے گا ۔ ³² ۳۲۔ تے اوہ پاک وعدہ توں انکاری لوکاں نوں بہکاوے گا اتے اپنے خدانوں پچھانن والے لوکی ڈاہڈی سختی نال اوہدا سامنا کردے رہن گے ۔ ³³ ۳۳۔ تے اوہناں لوکاں وچ جیہڑے گیانی ہوون گے اوہ بتھیرےلوکاں نوں سکھان گے پر کجھ دیر تیک اوہ تلوار ،اگ ،قید تے لٹ مار پاروں بھیڑے حال وچ رہن گے ۔ ³⁴ ۳۴۔ تے اوہناں دے ایس بھیڑے حا ل دے ویلے اوہناں نوں تھوڑی جئی مدد ملن نال آسرا ہوجاوے گا پر بتھیرے دھوکے نال اوہناں وچ آن ملن گے ۔ ³⁵ ۳۵۔ تے کجھ گیانیاں دا حال بڑا بھیڑا ہووے گا تاں پئی اوہناں نوں پاک صاف تے ڈھیر چٹے ہوجاون جس ویلے تیک انت دا سمیں آوے کیوں جو اہنوں متھے ہوئے ویلے تیک روکیا ہویا اے ۔ ³⁶ ۳۶۔تے اوہ بادشاہ اپنی مرضی کرے گا اوہ ہنکار کردیا ں ہویاں سار ے معبوداں توں وڈا بنے گا تے خداونداں دے خدا دے خلاف بڑیاں اچرج گلاں کرے گا ۔تے اوہ بڑا پھلے گا جس ویلے تیک اوہ دا غصہ ٹھنڈا ہو جاوے گا سگوں اوہ اپنے آپ نوں ہی سب تو اچا جانے گا ۔ ³⁷ ۳۷۔ اوہ اپنے پیو دادیاں دے دیوتیاں نوں ناں عورتاں دی دیوں دی پرواہ کرے گا تے ناں کسی ہور دیوتانوں منے گا ۔ ³⁸ ۳۸۔اوہ اوہناں دیوتیاں دی تھاں قلعے دے اوس دیوتا نوں سونے تے چاندی تے مہنگے پتھر تے قیمتی ہدیے چڑھا کے اوہدی وڈیائی کرے گا جنہو ں اوہدے پیو دادے نئیں سی جاندے ۔ ³⁹ ۳۹۔ اوہ قلعاں اُتے اوہناں بیگانے دیوتا دے منن والے واکھے متھے گا ،اوہناں نوں اوہ بڑا مان دیوے گا اتے بتھیریاں اُتے سردار بناوے گا تے بدلے وچ دھرتی ونڈے گا ۔ (اوہ بیگانے معبود دی مدد نال تگڑے قلعاں اُتے حملہ کرے گا تے رشوت چ دیس ونڈے گا ) ۔ ⁴⁰ ۴۰۔ تے انت دے ویلے دکھن دا بادشاہ اوہدا سانا کرے گا تے شمال دا بادشاہ رتھاں تے سوار تے ڈھیراں جازلے کے بگولے وانگ اوہدے اُتے آ پئے گا تے دیساں وچ وڑے دے ہویا لنگ جاوے گا۔ (دیساں وچ وڑ کے ہڑ وانگ لنگ کاوے گا ) ⁴¹ ۴۱۔تے اوہ جلالی دھرتی وچ وڑ آوے گا تے ہزاروں ہزار ڈھٹ جاون گے پر ادوم تے موآب تے بنی عمون دا پہلا حصہ اوہدے ہتھوں بچیا روے گا ۔ ⁴² ۴۲۔ اوہ دوجے دیساں نال وی لڑائی کرے گا تے مصر دا دیس وہ اوہد ے کولوں بچ ناں سکے گا ۔ ⁴³ ۴۳۔ سگوں سونے چاندی دیاں قیمتی چیزاں وی اوہدے ہتھ آجان گیاں تے لوبی تے کوشی وی اوہدا ساتھ دین گے ۔ ⁴⁴ ۴۴۔ پر چڑھدے ولوں تے اتر ولوں اٹھن والیا ں جھوٹھیاں خبراںاوہنوں گھبرا دین گیاں تے اوہ بڑے غصے وچ چڑھائی کرے گا تاں جو بہتے لوکاں نوں مارے ۔ ⁴⁵ ۴۵ ۔تے اوہ اپنا شاہی تنبو سمندر تے شاندار پاک پہاڑ دے وچکار کھڑا کرے گا ۔تد اوہدا انت ہو جاو ے گا تے کوئی وی اوہدی مدد کرن والا ناں ہووے گا ۔