¹ ۱۔ زمانے دا خاتمہ الہٰی دناں چ اوس ویلے میکائیل وڈا دوت جیہڑا تیر ی قوم دے پتراں دا ساتھ دین لئی کھلوتا اے اٹھیگا اتےاجیہے دکھ دا ویلا ہووے گا جیہاقوماں دے مڈھ تو لے کے اوس ویلے تیک کدے نہ ہویا ہووے گا تے اوس ویلے تیرےلوکاں وچوں ہر کوئی چھڈ دتا جاوے گا۔ جیہدا ناں کتاب وچ لکھیا ہووے گا ۔ ² ۲۔تےجیہڑے ڈھیر سارے لوگ جیہڑے مٹی وچ ستے پئے نیں جاگ اٹھن گے ۔کجھ تے ہمیشہ دی حیاتی دے لئی تے کجھ ہمیشہ دی بدنامی لئی تے کجھ ہمیشہ نرادر ہوں لئی ۔ ³ ۳۔تے جیہڑے گیانی نیں اوہ اسمان دے نور وانگ لشکن گے تے جنہاں دے گیان نال ڈھیر سارے سچے ہو گئے اوہ ستاریاں وانگ ہمیش تیک چمکن گے ۔ ⁴ ۴۔ کتاب دا خاتمہ ،تے توں اے دانی ایل ایناں گلاں نوں بند کر کے رکھ دے تے ۤخری سمے تیک ایس کتاب اتے مہر لادے ۔بتھیرے ایہدیاں گلاں سمجھن لئی تے ایہدا سچ جانن لئی بھج دوڑ کرن گے تے علم وچ وادھا ہووے گا ۔ ⁵ ۵۔ تے میں دانی ایل نے نظر کیتی تے کیہہ ویکھیا پئی دو آدمی ہور کھلوتے نیں اک دریا دے ایس کنڈے اتے ،دوجا دریا دے اوس کنڈے اتے ۔ ⁶ ۶۔ تے اوس آدمی نے جنہے سوتی لیڑے پائے ہوئے سن تے دریا دے پانی تے کھلوتا سی اوس آدمی نوں پچھیا پئی ایہہ اجر ج گلاں پوریاں ہون وچ کناں چر اے ؟ ⁷ ۷۔تے میں سنیا پئی اوس آدمی نے جیہڑا سوتی لیڑیاں چ دریا دے پانی تے کھلوتا سی اپنے دونویں ہتھ اسمان ول اچا کر کے حی القیوم (جیہڑا سدا جیوندا اے ) دی سوں کھادی تے آکھیا پئی ایہہ خاتمہ اک سمے ،دوجے سمے تے ادھے سمے تیک ہووے گا تے جدوں اوہ پاک لوکاں دے راج نوں مڈھوں ختم کردین گے تے ادوں ایہہ سارا کجھ پورا ہو جاوے گا ۔ ⁸ ۸۔ تے میں سنیا پر سمجھ نہ سکیا ۔تد میں پچھیا ۔میرے مالک ایہناں گلاں دا انت کیہ ہووے گا ۔ ⁹ ۹۔ اوہنے آکھیا ۔اے دانی ایل تو اپنی راہ ٹر کیوں جو ایہہ گلاں اخیر ویلے تیک بند رہن گیاں تے ایہناں دے اتے مہر لگی رہووے گی ۔ ¹⁰ ۱۰۔تے بھتیریاں نوں پاک صاف کیتا جاوے گا تے اوہ بالکل چٹے ہون گے پر شریر شرارت کردے رہن گے ۔تے شریراں وچوں کسی دی سجھ وچ کجھ نئیں آئے گا ۔پر گیانی سمجھ جان گے ۔ ¹¹ ۱۱۔ تے جس ویلے ایہہ ہمیش دی بلی مکادتی جاوے گی تے اوہ اجاڑ ن والی ناپاک چیز نوں کھڑا کیتا جاوے گا ایہہ اک ہزار نو سو دیاڑے ہوون گے ۔ ¹² ۱۲۔ دھن اوہ آدمی اے جیہڑا تن سو پینتی دنان تیک اڈیکدا رہووے گا ۔ ¹³ ۱۳۔توں اپنی راہ ٹر جا ۔جد توڑی خاتمے دا ویلا ناں آوے توں ارام کریں گاتے ایناں دناں دے پورے ہون تیک اپنی میراث نال اٹھ کھڑا ہوویں گا ۔