¹ . اے اِسرائیل دے گھر آلیوایہہ کلام سنومیں ایہہ ماتم تہاڈے لئی کر ریا آں ² . اِسرائیل دی کنواری ڈیگ گئی تے کدی نہیں اُٹھے گی او آودے ای ملک وِچ کیلی چھڈ دتی گئی کہ کوئی اونوں چُکن آلا نہیں ³ . بزرگ خدا ایویں فرماندا اے اِسرائیل دے گھرانے لئی جس شہر وِچوں اِک ہزار جوان نکلدے سن ایدے وِچوں صرف سَو رہ جاون گے تے جس شہر وِچوں اِک سَو نکلدے سن اوھد ےوِچ دِس رہ جاون گے ⁴ . خداوند اِسرائیل دے گھرانے نوں ایہہ فرماندا اےکہ تُسیں میرے طالب ہووو تے زندہ روو ⁵ . بیت ایل دے طالب نہ بنو جلجال نوں نہ جاوو کیوں جے جلجال ضرور قید وِچ جاوے گا بیرسبع نوں نہ جاوو بیت ایل دا ناں تے نشان مٹ جاوے گا ⁶ . خداوند دے طالب ہووہ تے زندہ روو ایویں نہ ہووے کہ او اِگ وانگوں یوسف دے گھر آلیاں دے اُتے بھرکے تے اونوں کھا جاوے تے بیت ایل وِچ کوئی اونوں بجھان والا نہ ہووے ⁷ . تُسیں جہڑے انصاف نوں تلخ کر دیندے او تے نیک کماں نوں مٹی وِچ پا دیندے او ⁸ . او جہنے ثریا تے تارایاں دی لڑیاں نوں بنایا او ھنیرے نوں سویر دی روشنی وِچ بدل دیندا اے تے دِن نوں رات دے ھنیرے وِچ بدلدا اے او سمندر دے پانی نوں ہلاندا اے تے زمین اُتے پاندا اے اوھدا ناں خداوند اے ⁹ . او تگڑیاں اُتے مو ت لیاندا اے تے کنداں آلے شہر اُتے ویرانی لیاندا اے ¹⁰ . جہڑا انصاف اُتے لعنت کردااےتُسیں اوھدے نال دُشمنی رکھدے او تے جہڑا سچ آکھدا اے اونوں بیوقوف سمجھدے او ¹¹ . تُسیں غریباں نوں ڈیگ دے او تے اوناں کولوں زور نال اناج کھوہ لیندے او ایس لئی تُسیں آودے پتھراں دے محلاں وِچ نہ رہ پاؤ گے تُسیں چنگے باغ لائے نے پر تُسیں اوناں دی مے نہ پی سکو گے ¹² . کیوں جے میں تہاڈیاں بُوہت زیادہ غلطیاں تے وڈے وڈے گناواں نوں جاندا آں تُسیں نیک لوکاں نوں ستاندے او تے رشوت لیندے او تے آودی عدالت وِچ غریباں نوں انصاف توں دور رکھدے او ¹³ . ایس لئی ایس ویلے وِچ عقلمند چُپ رہندا اے کیوں جے ویلا بُرا اے ¹⁴ . گناہ دے نہیں بلکہ نیک کم کرن دے طالب روو تاں جے تُسیں زندہ روو جیویں کہ تُسیں کہندے او خداوند خدا تہاڈے نال روے گا ¹⁵ . گناہ توں نفرت رکھوتے نیکی نال محبت کرو عدالت وِچ انصاف کرو شاید خداوند یوسف دے بچے ہویاں تے رحم کرے ¹⁶ . ایس لئی خداوند خدا فرماندا اے ساریاں گلیاں وِچ رونا ہووے گا تے ہر چوراہےاُتے رونا تے پیٹنا ہووے گا کسان ماتم لئی تے رون آلے رون لئی صدے جان گے ¹⁷ . سارے باغاں وِچ دُکھ ہووے گا کیوں جے میں تہاڈے وِچوں لنگا گا خداوند فرماندا اے ¹⁸ . تہاڈے اُتے افسوس جہڑے خداوند دے دِن دی آرزو کر دا اے تُسیں خداوند دے دِن دی آوزو کیوں کر دے او؟ او تے ھنیرے دا دِن ہووے گاچانن دا نہیں ¹⁹ . او دِن ایویں ہووے گاجیویں کوئی بندہ شیر ببر دے اِگوں نسے تے اونوں ریچھ ملے آودے گھر وِ چ جاوے تے آودا ہتھ کند اُتے ٹیکے تے ساپ اونوں وڈھ لووے گا ²⁰ . کی خداوند دا دِن ھینرے دا نہیں ہووے گاچانن دا نہیں بُوہت زیادہ ھنیراجہدے وِچ چانن دی اِک کرن وی نہیں ہووے گی؟ ²¹ . میں تہاڈیاں عیداں نوحرام سمجھنا آںمینوں اوناں توں نفرت اے مینوں تہاڈا کٹھا بالکل پسند نہیں ²² . ہاں تُسیں میرے لئی سوختنی قربانیاں تے نذر دیاں قربانیاں گزراندے او پر میں اوناں نوں قبول نہیں کراں گا تُسیں چنگیاں قربانیاں لیاندے او پر میں اوناں دا کوئی لحاظ نہیں کراں گا ²³ . آودے گاون دِیاں آوازاں میرے توں دور رکھو میں تہاڈے رباب دی آواز نہیں سُنا گاں ²⁴ . سگوں انصاف نوں پانی وانگوں تے صداقت نوں کدی نہ سُکن آلے چشمے وانگوں جاری رکھو ²⁵ . اے بنی اِسرائیل کی تُسیں چالیں ورھیاں تیک جنگل وِچ میرے لئی قربانیاں تےنذر دِیاں قربانیاں لیاندے ریے؟ ²⁶ . تُسیں تے آودے بادشاہ دا خیمہ تے آودے بُتاں دے تھم تے آودے خداواں دا تارہ جہڑا تُسیں آودے لئی بنایا سی چُکے ریے ²⁷ . ایس لئی میں تہانوں دمشق توں پرے قید وِچ گھلاں گا خداوند فرماندا اےجہڑا قادرمطلق اے