¹ . تُسیں جہڑے صیون وِچ آرام نال او تے تُسیں جہڑےسامریہ دے پہاڑ اُتے بے فکر او تے تُسیں جہڑے قوم دے بُوہت چنگے لوکی او جہناں دے کول بنی اِسرائیل آندے نے ² . تُسیں کلنہ نوں جاؤتے اوھدے اُتے دھیان کرو اوتھوں ھمات عظم تیک تے فیر فلسطین وِچ جات نوں جاؤ کی او تہاڈی دو اں بدشاھیاں نالوں چنگے نے؟ کی اِناں دا ملک تہاڈے ملک توں وڈا اے؟ ³ . تُسیں میرے دِن نوں ٹال دےاو تے خوف نوں حکومت دے کول لیاندے او ⁴ . تُسیں ہاتھی دے دند دے پلنگ اُتے لیٹ دے او تے آرام آلیاں کُرسیاں اُتے پیر پسار دے او تے آودے پسند آلے لیلے تے موٹے موٹے وچھے کھاندے او ⁵ . تُسیں داؤد وانگوں آودے رباب اُتے گاندے او تے گان آلیاں دے ساز ایجاد کر دے او ⁶ . تُسیں بھرے ہوئےپیالاں وِچوں مے پیندے او تے سب نالوں چنگی خوشبو لاندے او پر تُسیں یوسف دی بربادی اُتے غم نہیں کر دے ⁷ . ایس لئی تُسیں پہلاں قید وِچ جان آلیاں دے نال رل جاؤ گے تہاڈے عیش کرن دے دِن مُک جان گے خداوند اِسرائیل دے غرورتوں نفرت کر دا اے ⁸ . خداوند خدا نے قسم کھادی اے او فرماندا اے کہ میں یعقوب دے تکبر نال دشمنی رکھنا آں اوھدے قعلیاں توں مینوں نفرت اے میں شہر نوں تے جہڑا کُجھ اوھدے اندر اے دُشمن دے حوالے کر دیواں گا ⁹ . جے کسے گھر وِچ دِس بندے باقی ہون گےتے او وی مر جاون گے ¹⁰ . جدوں کسے دا کوئی رشتہ داراِناں دِیاں لاشاں نوں ساڑن لئی گھر توں باہر لے جان نوں آئےتے او اوتھے لُکے ہوئےکسے بندےنوں پُچھے کہ کی تیرے نال کوئی ہور ہے؟ تے او جواب دیوےنہی تد او آکھے کہ چُپ رہ اسیں خدا دا ناں نہیں لئے ¹¹ . کیوں جے خدا نے حکم دِتا اے کہ او وڈے گھر نوں ٹوٹے ٹو ٹے کر دیوے گا تے نکے گھر نوں چکنا چور کر دیوے گا ¹² . کی چٹاناں اُتے گھوڑے نسدے نے؟ کی اوتھے بیلاں نال ہل وایا جاندا اے؟ پر تُسیں انصاف نوں زہر تے صداقت نوں تلخی وِچ بدل دِتا اے ¹³ . تے بے مقصد شےواں نوں پا کے خوش ہوندے او تے آکھدے اوکی اسیں آودی طاقت نال سِنگ نہیں کڈے ؟ ¹⁴ . خدائے قادر مطلق فرماندا اے کہ ایہہ بنی اِسرائیل میں تہاڈے خلاف اِک قوم نوں چڑھا لیاواں گا او تہانوں حمات وِچ عربہ دی وادی تیک ستائے گی